3 (Yuʼun li jfariseoetik xchiʼuk skotol judaetike jaʼ to chveʼik mi ta xukʼub to tspok li skʼobike, yuʼun ta sjunul yoʼonton tspasik skotol li kʼusitik nopem xaʼi tspas krixchanoetik ta voʼnee. 4 Jech xtok, kʼalal tsutik tal ta chʼivite, jaʼ to chveʼik mi atinike. Oy to ep kʼusitik nopem xaʼiik spasel ta sjunul yoʼontonik ti akʼbilik komele, jech kʼuchaʼal ti chakʼbeik yichʼ voʼ kopaetik, jarraetik xchiʼuk li vasoetik pasbil ta kovree).+