12 Och batel ta templo li Jesuse, la snuts lokʼel skotol li buchʼutik te chchonolajik xchiʼuk chmanolajik ta temploe, la svalkʼunbe xmexaik li jeltakʼinetike xchiʼuk la svalkʼunbe svankaik li buchʼutik chchonik palomae.+

45 Vaʼun, och batel ta templo xchiʼuk lik snuts lokʼel skotol li buchʼutik te chchonolajike.+ 46 Te une, xi albatike: «Xi tsʼibabile: ‹Li jnae spasobil orasion chkʼot›,+ pe li voʼoxuke apasojik xa ta xchʼen j-elekʼetik».+

14 Te la sta ta templo li jchonvakaxetike, li jchonchijetike, li jchonpalomaetike+ xchiʼuk te chotajtik la sta li jvokʼtakʼinetike. 15 Vaʼun, kʼalal laj xa ox stsʼot jlik chʼojone, la snuts lokʼel ta templo skotol li krixchanoetik xchiʼuk li xchijike xchiʼuk li xvakaxike, la stanibe stakʼin li jeltakʼinetike xchiʼuk la svalkʼunbe li xmexaike.+ 16 Xi laj yalbe li jchonpalomaetike: «¡Lokʼesik batel skotol li kʼusitik liʼe! ¡Mu xapasik ta chʼivit* li sna Jtote!».+