3 Yuʼun li Erodese la stsak li Juane xchiʼuk la xchuk ta kadena, vaʼun la stikʼ ta chukel ta skoj li Erodiase, jaʼ li yajnil sbankil ti Filipo sbie.+ 4 Yuʼun xi alilanbat yuʼun li Juane: «Mu stakʼ ti liʼ avikʼoj li antse».+ 5 Akʼo mi tskʼan ox tsmil Juan li Erodese, xiʼ ta skoj li krixchanoetike, yuʼun jaʼ jun j-alkʼop chilik.+

17 Yuʼun jaʼ stuk Erodes laj yal mantal ti akʼo stsakik li Juane, la stikʼ ta chukel xchiʼuk la xchuk ta kadena ta skoj li Erodiase, jaʼ li yajnil sbankil ti Filipo sbie. Yuʼun li Erodese laj yikʼbe li yajnil sbankile.+ 18 Yuʼun xi onoʼox ch-alilanbat yuʼun Juan li Erodese: «Mu stakʼ ti liʼ avikʼojbe yajnil li abankile».+ 19 Pe li Erodiase xtiʼet sjol ta stojolal xchiʼuk tskʼan tsmil, pe mu kʼusi xut. 20 Ta skoj ti snaʼoj ti jaʼ jun tukʼil vinik xchiʼuk ti chʼule,+ mu skʼan kʼusi chopol spasbe Juan li Erodese, jaʼ yuʼun lek xchabioj. Vaʼun, kʼalal chaʼibe li kʼusi chale, mu xa snaʼ kʼusi tspas; akʼo mi jech, lek xaʼi xchikintabe li sloʼile.