27 Jech xtok, la stsak jun kopa, la stoj ta vokol, laj yakʼbe li yajchankʼoptake, xi laj yale: «Uchʼan akotolik,+ 28 yuʼun jaʼ skʼelobil* ‹li jchʼichʼel+ chichʼ malel ta sventa li trato›+ yoʼ ep buchʼutik+ tsta perton ta skoj li smulike.+

23 Laje, la stsak jun kopa, la stoj ta vokol xchiʼuk laj yakʼbe li yajchankʼoptake, vaʼun laj yuchʼ skotolik.+ 24 Xi albatike: «Liʼe jaʼ skʼelobil* ‹li jchʼichʼel+ chichʼ malel ta sventa li trato›+ ta sventa epal krixchanoetike.+

23 Jaʼ laj yalbun Kajvaltik li kʼusi laj kalboxuk eke, yuʼun li ta akʼobaltik+ kʼalal chichʼ xa akʼel ta kʼabal li Kajvaltik Jesuse, la stsak jun pan, 24 vaʼun kʼalal laj xa ox stoj ta vokole, la xut* xchiʼuk xi laj yale: «Liʼe jaʼ skʼelobil* jbekʼtal+ ti chichʼ akʼel ta aventaike. Jech xapasik-o sventa jnaʼobil».+ 25 Jaʼ jech la spas xtok ta sventa li kopa+ kʼalal laj xa ox yoʼontonik ta veʼele, xi laj yale: «Li kopa liʼe jaʼ skʼelobil* li achʼ trato+ ta sventa li jchʼichʼele.+ Jech xapasilanik-o sventa jnaʼobil kʼalal chavuchʼik jujun veltae».+