• Isaias 53:7, 8
    Xchʼul Kʼop Dios sventa Achʼ Balumil

    •  7 Laj yichʼ akʼbel svokol+ xchiʼuk laj yakʼ sba ta ilbajinel,+

      pe muʼyuk kʼusi laj yal.

      Laj yichʼ ikʼel batel kʼuchaʼal jkot chij ti chichʼ milele,+

      jech kʼuchaʼal jkot chij ti chʼan xi kʼalal chichʼ lokʼbel stsotsile

      xchiʼuk muʼyuk kʼusi laj yal.+

       8 Ta skoj ti muʼyuk tukʼ laj yichʼ chapanele, laj yichʼ milel;

      jech xtok, ¿buchʼu van tsots skʼoplal chaʼi ti bu likem tale?

      Yuʼun laj yichʼ tupʼbel skʼoplal xkuxlejal li ta balumil ti bu oy li kʼusitik kuxajtike;+

      laj yichʼ yayijesel* ta skoj li smul jteklumale.+

  • Daniel 9:26
    Xchʼul Kʼop Dios sventa Achʼ Balumil

    • 26 »Mi echʼ li 62 xemanae, chichʼ milel li Mesiase,+ chakʼ ta kʼabal skotol.+

      »Oy jun jnitvanej ti chikʼ talel steklumal sventa sjines li jteklume xchiʼuk ti bu chʼule.+ Ti kʼu yelan chichʼ jinesele xkoʼolaj kʼuchaʼal chtal nojelal ta voʼ. Oy paskʼop kʼalal to ta slajeb; naka vokolil li kʼusi nopbile.+

  • Echos 4:27, 28
    Xchʼul Kʼop Dios sventa Achʼ Balumil

    • 27 Yuʼun ta melel, li Erodese, li Ponsio Pilatoe,+ li jyanlum krixchanoetike xchiʼuk li j-israeletike laj yichʼik tsobel liʼ ta jteklume sventa tskontrainik li avajtunel Jesus ti chʼule, jaʼ li buchʼu la atʼuje,+ 28 jaʼ yuʼun la stsob sbaik sventa tspasik li kʼusi onoʼox avaloje. Jaʼ jech kʼot ta pasel li kʼusitik taje, yuʼun oy ajuʼel xchiʼuk jaʼ jech oy ta avoʼonton.+