26 Yuʼun toj lek ti oy jun mero bankilal pale kuʼuntik kʼuchaʼal taje: ti tukʼe, ti muʼyuk la spas li kʼusi chopole, ti muʼyuk yikʼobale,+ ti jelel kʼuchaʼal li jpasmuliletike xchiʼuk ti toybil skʼoplal ta vinajele.+
21 Jaʼ yuʼun, latakatik ta ikʼel, yuʼun laj onoʼox yil svokol ta akojik ek li Kristoe,+ laj yakʼ avilik kʼusi skʼan pasel sventa xatsʼaklibeik batel lek li yav yoke.+22 Muʼyuk bu la saʼ smul li stuke+ mi jaʼuk bu loʼlavan ta skʼopojel.+