57 Vaʼun, kʼalal bat xa tajek kʼakʼale, te tal jun jkʼulej vinik ti likem tal ta Arimateae, Jose sbi, taje jaʼ yajchankʼop Jesus ek.+ 58 Li vinik taje bat ta stojolal Pilato, bat skʼanbe li sbekʼtal Jesuse.+ Vaʼun, li Pilatoe laj yal mantal ti akʼo xkuch batele.+ 59 Li Josee la xkuchbe batel li sbekʼtale, la xpix ta jlik sakil lekil lino,+ 60 vaʼun te laj yakʼ ta yachʼ mukinal+ ti sjomoj ta jpʼej tone. Te une, bat kʼalal stselanojbe xa ox komel mukʼta ton li stiʼ mukinale.

43 te tal Jose ta Arimatea, jun vinik ti lek ichʼbil ta mukʼ ta Sanedrine, ti smalaoj ek li Ajvalilal* yuʼun Diose. Tsots yoʼonton bat ta stojolal Pilato, bat skʼanbe li sbekʼtal Jesuse.+ 44 Pe li Pilatoe tskʼan tsnaʼ mi chamem xa li Jesuse, jech oxal la stak ta ikʼel li bankilal soltaroe, vaʼun la sjakʼbe mi chamem xa li Jesuse. 45 Kʼalal albat yuʼun bankilal soltaro ti chamem xae, laj yakʼbe Jose li sbekʼtal Jesuse. 46 Ta tsʼakale, la sman lekil lino xchiʼuk bat syales, la xpix li ta lekil linoe xchiʼuk te laj yakʼ ta mukinal+ ti jombil ta jpʼej tone; te une la stselelin* batel ton kʼalal to ta stiʼ li mukinale.+

38 Kʼalal jech kʼot ta pasel li kʼusitik taje, li Jose ta Arimateae, ti ta mukul noʼox ochem ta yajchankʼop Jesus ta skoj ti chiʼta li judaetike,*+ laj yalbe Pilato mi xuʼ xichʼbe batel sbekʼtal li Jesuse, li Pilatoe laj yal ti xuʼe. Vaʼun, tal xchiʼuk laj yichʼbe batel li sbekʼtale.+