25 Pe liʼ ta orae, chibat xa ta Jerusalen sventa chbat tunkun yuʼun li buchʼutik chʼule.+ 26 Yuʼun lek laj yaʼi laj yakʼik kʼusitik oy yuʼunik li buchʼutik te oy ta Masedonia xchiʼuk ta Akayae, laj yakʼbeik matanal li buchʼutik abol sbaik ti jaʼik junantik li buchʼutik chʼulik ti te oyik ta Jerusalene.+

16 Jaʼ yuʼun, li stsobel takʼin sventa li buchʼutik chʼule+ xuʼ jech xapasik jech kʼuchaʼal laj kalbe li tsobobbailetik ta Galasiae.

9 Pe ta sventa skoltael li buchʼutik chʼule,+ mu toj persauk chkil ti xkalboxuk ta jkartae, 2 yuʼun jnaʼoj ti oy tajek ta avoʼontonike, jaʼ yuʼun ximuyubaj chkalbe akʼoplalik li jmasedoniaetike, yuʼun oy xa ta jun jabil ti chapaloxuk xa lek voʼoxuk ti te oyoxuk ta Akayae xchiʼuk jaʼ mas ep buchʼutik atijojbeik yoʼonton ti ta sjunul avoʼonton avakʼojbeik yipal ti chakoltaik li yantike.