17 Pe ta jtojobtasoxuk, ermanoetik, ti xakʼel abaik ta stojolal li buchʼutik chchʼakvanike xchiʼuk li buchʼutik tsmakik* akanil ta skoj ti mu jechuk chchanubtasvanik jech kʼuchaʼal achanojike xchiʼuk chʼako abaik ta stojolalik.+ 18 Maʼuk smoso Kajvaltik Kristo li krixchanoetik taje, jaʼ mosoinbilik yuʼun li kʼusi tskʼan stukike;* oy xa tajek xchiʼil xchiʼuk smuil chkʼopojik yilel sventa tsloʼlabe yoʼonton li buchʼutik stakʼ noʼox loʼlael chilike.

2 Pe te lokʼ jloʼlavanej j-alkʼopetik ta jteklum jech kʼuchaʼal te chlokʼ talel jecheʼ jchanubtasvanejetik ta atojolalik eke.+ Ta mukul chlik chʼakvanikuk ti tslajesik li xchʼunel avoʼontonike, jech xtok, chlik spʼajik li yajvalik ti jaʼ manatike,+ jaʼ yuʼun ta anil xa noʼox chichʼ talel li slajelal stukike.