19 Tana un, li yabtel jbekʼtaltike lek xvinaj xchiʼuk jaʼ liʼe: mulivajel,*+ kʼusitik ibal sba,* talelal toj kʼexlal sba,*+ 20 yichʼel ta mukʼ santoetik, espiritismo,*+ kontrainejbail, tsakbail ta kʼop, itʼixajel, skʼakʼal oʼontonal, mu jmojuk kʼusi chichʼ nopel, chʼakbail, xchʼunel kʼusi chakʼik ta chanel krixchanoetik, 21 xpichʼ oʼontael kʼusitik yuʼun yantik, yakubel,+ kʼinetik ti solel muʼyuk xa smelolale xchiʼuk yan kʼusitik kʼuchaʼal taje.+ Jaʼ jech ta jpʼijubtasoxuk ta sventa li kʼusitik taje jech kʼuchaʼal laj xa onoʼox jpʼijubtasoxuke, ti buchʼutik jech ta spasike muʼyuk me chuʼuninik li Ajvalilal* yuʼun Diose.+