7 »Mi oy pas ta povre junuk avermano li ta osil bu chakʼ naklan li Jeova Dios avuʼune, mu me xatsatsubtas avoʼonton, ta slekiluk me avoʼonton xavakʼbe kʼusitik oy avuʼun li avermano ti abol sbae.+ 8 Oyuk slekil avoʼonton ta stojolal+ xchiʼuk persa skʼan xavakʼbe xchʼamun* li kʼusi chtun yuʼune o li kʼusi palta yuʼune.

11 Xi takʼbatike: «Li buchʼu oy chaʼlik skʼuʼ spokʼe* akʼo yakʼbe jlikuk li buchʼu chʼabal yuʼune xchiʼuk li buchʼu oy kʼusi tslajese akʼo yakʼbe ek li buchʼu chʼabal yuʼune».+

13 Akʼbeik ti kʼu yepal kʼusi chtun yuʼun li buchʼutik chʼule.+ Nopuk-o me xavaʼiik ti lek xachʼamvanike.+

15 Mi oy junuk ermano o ermana ti chʼabal skʼuʼ spokʼ* xchiʼuk ti chʼabal sveʼel sventa li jun kʼakʼale, 16 pe mi oy buchʼu junukal avuʼunik ti xi chalbee: «Junuk avoʼonton batanik; oyuk lek akʼuʼ apokʼik xchiʼuk nojuk lek achʼutik», pe ti muʼyuk bu chavakʼbeik li kʼusi chtun yuʼun ta sventa sbekʼtalike, ¿mi oy van sbalil ti jech chavalike?+

20 Mi oy buchʼu xi chale: «Jkʼanoj Dios maʼ voʼone», pe jutkʼop* mi spʼajoj li yermanoe.+ Yuʼun li buchʼu mu skʼan yermano+ ti yiloj ta sate mu stakʼ skʼan Dios ti muʼyuk yiloj ta sate.+