Proverbios
5 Kuni nichʼon, chikintao lek li jpʼijile.
Tsʼet chikintao li kʼusi jnabe lek skʼoplale,+
2 sventa xachabi ti xatojob snopele
xchiʼuk ti meleluk skotol li kʼusi chlokʼ ta avee.+
3 Yuʼun li yanal ye* jun jtoyba* antse xkoʼolaj xchiʼil kʼuchaʼal pom+
xchiʼuk li yee mas to kʼun kʼuchaʼal li aseitee.+
4 Pe ta tsʼakal une, toj chʼa kʼuchaʼal li chʼail tsʼiʼlele+
xchiʼuk oy tajek ye kʼuchaʼal jun espada ti chaʼjot yee.+
5 Li yakane te chyal batel ta lajelal.
Ti bu chanav batele tukʼ ch-ikʼvan batel ta Mukinal.*
6 Muʼyuk tsnopbe skʼoplal li sbelel kuxlejale.
Xyal xmuy noʼox, pe mu snaʼ bu chkʼot li sbee.
7 Avi une, kuni nichʼnab, chikintabeikun
xchiʼuk mu xachʼak abaik lokʼel ta sventa li kʼusi chkalboxuke.
8 Nom oyan ta stojolal li jtoyba* antse,
mu xanopaj batel li ta yochebal snae,+
9 sventa jechuk-o xichʼoxuk ta mukʼ li yantike,+
sventa mu xavil avokol ti jayib to jabil chakuxi batele;+
10 sventa mu jaʼuk slajes yan krixchanoetik li kʼusitik oy avuʼune*+
xchiʼuk ti mu jaʼuk xichʼ batel ta sna jun jyanlum li kʼusi laj avabtelane.
11 Yuʼun mi mu jechuk chapase, xa-ijet* li ta slajeb xa batel akuxlejal
kʼalal chlaj xa batel li avipale xchiʼuk li abekʼtale,+
12 vaʼun xi chavale: «¡Solel la jpʼaj li tukʼibtasele!
¡Solel la spʼaj tajek tojobtasel li koʼontone!
13 Muʼyuk la jchikinta kʼusi laj yalik li jtojobtasvanejetik kuʼune
mi jaʼuk la jtsʼet chikinta li kʼusi laj yalik li jchanubtasvanejetik kuʼune.
14 Jutuk xa tajek mu lilaj-o batel,
te skʼeloj skotolik li buchʼutik tsobol chichʼik ta mukʼ Diose».+
16 ¿Mi yuʼun chmal lokʼel yok li nioʼetik avuʼune
17 Jaʼuk noʼox avuʼun atuk,
maʼuk sventa xavakʼbe yan krixchanoetik.+
18 Akʼo yichʼ akʼbel bendision li snioʼal avaʼale,
jech xtok, muyubajan noʼox xchiʼuk li avajnil ta akeremale,+
19 jaʼ jun uni lekil meʼ teʼtikalchij xchiʼuk jun kʼupil sba teʼtikal meʼ tentsun.+
Muyubajan skotol ora yuʼun li xchuʼe.
Skotol kʼakʼal chʼayaluk tajek avoʼonton yuʼun ta skoj ti skʼanojote.+
20 Jech oxal, kuni nichʼon, mu me lekuk ti xchʼay avoʼonton yuʼun li jun jtoyba* antse
21 Yuʼun yiloj skotol Jeova li sbetak vinike;
chchajbe ta kʼelel skotol ti butik chanave.+
22 Li buchʼu toj chopole chchukat yuʼun li spaltail* stuke
xchiʼuk chchukat yuʼun li xchʼojonal smul stuke.+
23 Ta xcham ta skoj ti muʼyuk la xchʼam tukʼibtasele
xchiʼuk ta skoj ti toj echʼ xa noʼox bole, ta xkʼejpʼuj* batel.