Salmos
Salmo yuʼun David. Maskil.*
32 Xmuyubaj noʼox li buchʼu akʼbil xa ta perton li kʼusitik chopol spasoje, li buchʼu tupʼbil xa* li smule.+
3 Kʼalal tsʼijil likome, lik lajuk jbakil ta skoj ti ta jikʼ koʼonton skotol kʼakʼale.+
4 Yuʼun laj kaʼibe yalal akʼob* ta kʼakʼal akʼobal.+
Li kipale ul batel kʼuchaʼal li voʼ ta yorail kʼixinaltik ta veranoe.* (Sela).
Xi laj kale: «Chkalbe ta jamal Jeova li kʼusi chopol jpasoje».+
Vaʼun, la apasbun perton li jmul ti toj echʼ xa noʼox chopole.+ (Sela).
Vaʼun, mi jaʼuk bu chtaat yuʼun li nojelal ta voʼe.
Joyol ta jtojolal avuʼun li avanel ta muyubajel sventa kolebale.+ (Sela).
8 Xi laj avale: «Ta jpʼijubtasot xchiʼuk ta jchanubtasot bu beal skʼan xatam batel.+
Te kakʼoj batel jsat ta atojolal kʼalal ta jtojobtasote.+
9 Mu jechuk xapas aba kʼuchaʼal jkot kaʼ o jkotuk mula ti mu xaʼibe xchikinale,+
ti skʼan sfreno xchiʼuk sjakima* sventa xichʼ pajesel kʼalal xyolet* ta anil
yoʼ to muʼyuk nopajem tal ta atojolale».
10 Toj ep kʼusi kʼux chaʼi li buchʼu toj chopole;
jaʼuk li buchʼu spatoj yoʼonton ta stojolal Jeovae joyobtabil li ta tukʼil kʼanelal yuʼune.+
11 Muyubajanik noʼox ta stojolal li Jeovae xchiʼuk kuxetuk noʼox avoʼontonik, voʼoxuk ti tukʼ avakʼoj abaike;
avananik ta muyubajel akotolik li buchʼutik tukʼ avoʼontonike.