Proverbios
16 Li jun vinike chchapan li kʼusitik oy ta yoʼontone,*
akʼo mi jech, li kʼusi tstakʼe* likem tal ta stojolal Jeova.+
2 Lek* noʼox ta xil skotol sbetak li jun vinike,+
pe li Jeovae chchaj ta kʼelel li kʼusi oy ta oʼontonale.+
3 Kʼusiuk noʼox ti chapase akʼbo sventain li Jeovae,+
vaʼun lek chkʼot ta pasel li kʼusi anopoj chapase.
4 Li Jeovae tstunes skotol kʼusitik sventa xkʼot ta pasel li kʼusi tskʼan tspase
xchiʼuk jaʼ oy ta sba ti xichʼik lajesel li buchʼutik toj chopolike.+
5 Toj chopol chil Jeova skotol li buchʼutik xtoyet yoʼontonike.+
Teuk me ta ajol ti jpʼel skʼoplal chichʼik kastigoe.
6 Chichʼ tael perton ta skoj tukʼil kʼanelal xchiʼuk tukʼilal.+
Mi xiʼtaoj* Jeova li krixchanoe, chikta spasel li kʼusi chopole.+
7 Kʼalal toj lek chil Jeova li kʼusitik tspas* li jun krixchanoe,
ta xkʼot ta pasel yuʼun ti junuk yoʼonton xchiʼuk li yajkontratake.+
8 Jaʼ mas lek mi oy tukʼilal akʼo mi jutuk kʼusi oy kuʼuntike,+
jaʼ altik mi chʼabal tukʼilal akʼo mi ep jtakʼintike.+
9 Li jun vinike xuʼ snop lek ta yoʼonton ti bu beal skʼan stam batele,
pe jaʼ tsbeiltasbat yakan yuʼun li Jeovae.+
11 Jaʼ yuʼun Jeova li kilo xchiʼuk li spʼisobil ti lek tsʼakale;
jaʼ yakʼoj mantaletik ti kʼuxi ta tunesel li spʼisobil kʼusitike.+
12 Solel muʼyuk lek chil ajvaliletik li kʼusitik toj chopol chichʼ pasele,+
yuʼun lek nakanbil ta skoj tukʼilal li chotlebal sventa ajvalile.+
13 Li ajvaliletike kʼupil sba chilik li kʼusitik tukʼ chichʼ alele,
skʼanojik li buchʼu melel snaʼ xkʼopoje.+
14 Li skapemal sjol ajvalile xkoʼolaj kʼuchaʼal j-almantal sventa lajelal,+
yan li pʼijil vinike ta spajesbe li skapemal sjole.+
15 Mi oy junuk krixchano ti chkʼuxubinat yuʼun li ajvalile, tsta lekil kuxlejal.
Li slekil yoʼonton ajvalile xkoʼolaj kʼuchaʼal jvol tok ti xkuchoj tal voʼ ta primaverae.*+
16 ¡Mas toj lek ti jaʼ xichʼ saʼel li pʼijilale, jaʼ mu sta li oroe!+
¡Mas toj lek ti jaʼ xichʼ tael li yaʼibel smelolale, jaʼ mu sta li platae!+
17 Li buchʼutik tukʼike muʼyuk tstamik batel li sbelel kʼusi chopole,
buchʼuuk noʼox ti chchabi sbee jaʼ chchabi li xkuxlejale.+
19 Mas lek ti bikʼit xkakʼ jbatik ti te oyutik ta stojolal li manxoetike,+
jaʼ altik ti jchʼakbe jbatik li kʼusi spojojik tal li jtoybaetike.
20 Li buchʼu chakʼ ta ilel spʼijil ta sventa kʼusi tspase lek chbat yuʼun
xchiʼuk xmuyubaj li buchʼu spatoj yoʼonton ta stojolal Jeovae.
21 Li buchʼu oy spʼijil yoʼontone chichʼ albel skʼoplal ti xaʼibe smelolale+
xchiʼuk li buchʼu oy slekil yoʼontone chkʼot ta oʼontonal li kʼusi chale.+
22 Li pʼijilale jaʼ snioʼal xkuxlejal li buchʼutik oy spʼijilike,
yan li buchʼutik bolike chichʼik tukʼibtasel yuʼun li sbolilike.
23 Li buchʼu xaʼibe smelolale oy spʼijil chkʼopoj+
xchiʼuk chkʼot ta oʼontonal li kʼusi chale.
24 Li kʼusitik jun yutsil chichʼ alele xkoʼolaj kʼuchaʼal batsʼi pom,
lek chiʼ ta aʼiel xchiʼuk chpoxta li jbakiltike.+
25 Oy jun be ti lek noʼox chil li jun krixchanoe,
pe ch-ikʼat batel ta lajelal.+
26 Ta skoj ti chviʼnaj li jun j-abtele, mas to tsots ch-abtej,
27 Li vinik ti mu kʼusi xtun-oe tsjokʼ lokʼel li kʼusi chopole,+
li skʼopojele xkoʼolaj kʼuchaʼal kʼokʼ ti chchikʼvane.+
28 Li jsaʼkʼop vinike* tslikes kʼop+
xchiʼuk li jutmulile* chchʼak sba yuʼun li buchʼutik yamigo tajek sbaike.+
29 Li jsaʼkʼop vinike tsloʼlabe yoʼonton li xchiʼile
xchiʼuk tsbeiltas batel ta chopol be.
30 Smutsʼ xa sat kʼalal chopol kʼusi tsnop tspase.
Stiʼoj xa yanal ye* kʼalal tspas li kʼusi chopole.
31 Ta skoj ti jaʼ stamoj batel sbelel tukʼilal li jun krixchanoe,+