Deuteronomio
33 Vaʼun, kʼalal jutuk xa ox skʼan xcham li Moisese, li yajtunel melel Diose, lik yakʼbe bendision li j-israeletike.+ 2 Xi laj yale:
«Li Jeovae ta Sinai to lik talel,+
ta Seir to xojobaj tal ta stojolalik.
Ta vitstikaltik to Paran+ lik xojobajuk yutsilal,
te xchiʼuk li sjaylajunebal xa noʼox ta mil anjeletike,+
te oy ta sbatsʼikʼob li yajsoltarotake.+
5 Jaʼ och ta ajvalil ta Jesurun*+
kʼalal jaʼo la stsob sbaik li joliletik ta jteklume+
xchiʼuk skotol li nitilulal ta Israele.+
7 Xi laj yakʼbe bendision li Judae:+
«Kajval Jeova, chikintao li kʼusi chal Judae+
xchiʼuk ikʼo sutel tal ta steklumal.
8 Xi laj yalbe skʼoplal li Levie:+
«Li Atumim* xchiʼuk li A-urime+ jaʼ yuʼun li buchʼu tukʼ chakʼ sba ta atojolale,+
jaʼ li buchʼu laj avakʼ ta preva ta Masae.+
Te lik atsak aba ta kʼop xchiʼuk ta stsʼel li voʼ ta Meribae,+
9 taje jaʼ li vinik ti xi laj yal ta stojolal stot smeʼe: ‹Muʼyuk laj kichʼik ta mukʼ›.
Jaʼ li vinik ti jamal laj yal ti maʼuk xchiʼiltak ta vokʼele
xchiʼuk ti muʼyuk la stsak ta mukʼ li xnichʼnabtake.+
Yuʼun la xchʼunik li amantale
xchiʼuk la stsakik ta mukʼ li atratoe.+
10 Akʼo yakʼbeik xchan Jakob li kʼusitik chapanbil avuʼune,+
akʼo yakʼbeik xchan Israel li Amantale.+
Akʼo xchikʼik pom ti lek xmuet yikʼ chavaʼie*+
xchiʼuk lek tsʼakal akʼo yakʼik matanal li ta skajleb amotone.+
11 Akʼbo bendision, Kajval Jeova, ta skoj ti yakʼoj yipe,
akʼbo yil ti lek chavilbe li yabtel skʼobe.
Kʼasbo yoʼik* li buchʼutik chtal skontrainike
sventa mu xa xlikik talel li buchʼutik chpʼajvanike».
12 Xi laj yalbe skʼoplal li Benjamine:+
«Junuk yoʼonton te akʼo nakiuk xchiʼuk li buchʼu kʼanbil yuʼun Jeovae;
chchabiat yuʼun sjunul kʼakʼal,
jaʼ yuʼun te chnaki li ta snekebe».
13 Xi laj yalbe skʼoplal li Josee:+
«Akʼo akʼbatuk bendision yuʼun Jeova li yosile,+
akʼo taluk ta yosil li kʼusitik mas lekik ta vinajele,
li tsʼujule xchiʼuk li sat voʼetik* chlokʼ ta yut balumile,+
14 jaʼ akʼo lokʼuk ta yosil li kʼusitik mas lekik chchʼi tal yuʼun li kʼakʼale
xchiʼuk jujunuk u jun to yutsilik akʼo yakʼ sat li teʼetike,+
15 akʼo chʼiuk li kʼusitik mas lekik x-ayan ta voʼneal vitsetike*+
xchiʼuk akʼo chʼiuk li kʼusitik mas lekik x-ayan li ta bikʼtal vitsetik ti te oy-oe,
16 li kʼusitik jun yutsilik ta balumile xchiʼuk li kʼusitik lekik chlokʼe,+
lekuk x-ilat yuʼun li buchʼu te laj yakʼ sba ta ilel ta chʼixe.+
Te akʼo kʼotuk ta sjol Jose,
akʼo kʼotuk ta sba sjol li buchʼu mas lek ilbil ta stojolal xchiʼiltak ta vokʼele.+
17 Jun to yutsil jech kʼuchaʼal tot vakax ti jaʼ baʼyel vokʼe,
li xulube xkoʼolaj kʼuchaʼal xulub jkot tot teʼtikal vakax.
Jaʼ ta xluch-o batel li jteklumetike,
jmoj tsobol chluch batel kʼalal to ta spajeb balumil.
Jaʼ skʼoplal li slajunmilal xa noʼox ti likemik ta Efraine,+
jaʼ skʼoplal li smilal xa noʼox ti likemik ta Manasese».
18 Xi laj yalbe skʼoplal li Sabulone:+
«Kuxetuk noʼox avoʼonton kʼalal chalokʼe, Sabulon;
voʼote, Isakar, kuxetuk noʼox avoʼonton ta akarpana.+
19 Tstakik ta ikʼel jteklumetik sventa xbatik li ta vitse.
Ta stukʼil yoʼontonik te chakʼik milbil matanal.
Tslokʼesik epal kʼulejal li ta nabetike
xchiʼuk te tslokʼesik ta yavil kʼulejal ti nakʼal* ta jiʼtike».*
20 Xi laj yalbe skʼoplal li Gade:+
«Tsta bendision li buchʼu tsmukʼibtasbe yosil Gade.+
Te puchʼul kʼuchaʼal jkot leon
ti chapal xa sventa chtuchʼ lokʼel kʼobil xchiʼuk jolile.
21 Jaʼ ta stʼuj sventa chichʼ stuk li baʼyel jsep osile,+
yuʼun jaʼ te iktabil sparte li j-akʼmantale.+
Ta stsob sbaik li joliletik ta jteklume.
Ta melel, jaʼ chkʼot ta pasel yuʼun li kʼusitik tukʼ chil li Jeovae
xchiʼuk li kʼusitik chapanbil yuʼun sventa li Israele».
22 Xi laj yalbe skʼoplal li Dane:+
«Jaʼ jkot neneʼ leon li Dane.+
Te to chpʼit lokʼel tal ta Basan».+
23 Xi laj yalbe skʼoplal li Neftalie:+
«Li Neftalie jun-o yoʼonton ti lek ch-ilate
xchiʼuk ep staojbe sbendision Jeova.
Uʼunino li osil ta smaleb kʼakʼal xchiʼuk ta sure».
24 Xi laj yalbe skʼoplal li Asere:+
«Li bendision staoj Asere jaʼ li xnichʼnabtake.
Lekuk ilbil yuʼun li xchiʼiltak ta vokʼele
xchiʼuk akʼo stsʼaj* ta aseite li yakane.
25 Ta takʼin xchiʼuk ta kovre li smakobil stiʼ anae,+
muʼyuk kʼusi chaxiʼta ti jayib kʼakʼal kuxulote.*
26 Muʼyuk buchʼu yan xkoʼolaj-o kʼuchaʼal li melel Dios+ yuʼun Jesurune,+
ti te chanav ta vinajel sventa tskoltaote
xchiʼuk ti kajal chtal xchiʼuk yutsilal ta ba toke.+
28 Li Israele muʼyuk kʼusi chiʼta ti bu chnakie,
li snitilulal Jakobe parte-o chkom,
te chkom ta jun balumil ti lek chakʼ li kʼusi chichʼ tsʼunele xchiʼuk ti oy achʼ vinoe,+
ti bu chyal talel tsʼujul ta vinajele.+
29 ¡Xamuyubaj noʼox, Israel!+