Salmos
Sventa bankilal jtijson; laj yichʼ tijel son ta stijobil ti oy yakʼiltake. Salmo. Kʼejimol.
67 Dios, chavakʼ ta ilel slekil avoʼonton ta jtojolalkutik xchiʼuk chavakʼbunkutik bendision,
chavakʼ xojobajuk asat ta jtojolalkutik+ (Sela)
2 sventa xichʼ ojtikinel ta spʼejel balumil+ li abee
xchiʼuk ti xojtikinik mukʼtik lumetik li kʼusitik apasoj sventa chakoltavane.+
3 Dios kuʼun, akʼo skʼupil kʼoptaot li jteklumetike;
akʼo skʼupil kʼoptaot skotol li jteklumetike.
4 Akʼo kuxetuk yoʼontonik li mukʼtik lumetike xchiʼuk akʼo avanikuk ta muyubajel,+
yuʼun tukʼ chachapan li jteklumetike.+
Voʼot chabeiltas li mukʼtik lumetik ta balumile. (Sela).
5 Dios kuʼun, akʼo skʼupil kʼoptaot li jteklumetike;
akʼo skʼupil kʼoptaot skotol li jteklumetike.