Proverbios
2 Chʼuno li jmantaltake, vaʼun chakuxi;+
chabio li chanubtasel* kuʼun jech kʼuchaʼal chachabi li yuninal* asate.
3 Chuko ta sniʼtak akʼob;
tsʼibao ta avoʼonton.+
4 Xi xavalbe li pʼijilale: «Voʼot jvixot»,
xi xavalbe xtok li yaʼibel smelolale: «Voʼot kutsʼ kalalot»,
5 sventa xchabiot ta stojolal li jtoyba* antse,+
ta stojolal li jmulavil* antse xchiʼuk ti kʼu yelan toj manya* chkʼopoje.+
6 Te to ta sventanail jna la jkʼel yalel,
te to ta srejail,
7 la jkʼel batel li buchʼutik chʼabal spʼijilike,*
vaʼun laj kil ti te oy keremetike, pe te oy jun ti muʼyuk yichʼoj spʼijile.*+
8 Li kereme te echʼ ta kaye ti te nopol ta s-eskinail sna li jmulavil* antse
xchiʼuk te bat ta sbelel sna
9 kʼalal chʼayem xa ox batel li kʼakʼale, kʼalal ch-ikʼub xa ox batele,+
jaʼo kʼalal poʼot xa ox x-och akʼobale xchiʼuk kʼalal xyamet xa osile.*
10 Vaʼun, laj kil ti tal nupatuk ta be yuʼun jun antse,
li skʼuʼ spokʼ slapoje xkoʼolaj kʼuchaʼal jchonbail ants,+ toj manya li yoʼontone.
11 Toj tsotsik snaʼ xkʼopoj xchiʼuk toj toyba.+
Mu noʼox xnaki* ta sna.
13 Li antse la snit ta anil li kereme, vaʼun la stsʼutsʼ.*
Jpʼel yoʼonton xi laj yalbee:
14 «Oy ta jba yakʼel milbil matanal sventa jun oʼontonal.+
Avie, ay kakʼ li kʼusi kakʼoj ke ta jpase.
15 Jaʼ yuʼun, tal jnupot ta be
sventa xtal jsaʼot, pe ¡laj xa jtaot!
17 La jvijbe komel mirra, aloe* xchiʼuk kanela li jteme.*+
18 Laʼ, ketʼes koʼontontik ta skʼupinel jbatik jaʼ to ti kʼuxi sakube;
koʼol jkʼupintik ti jkʼanoj jbatik tajeke.
19 Yuʼun chʼabal te oy ta jna li jmalale;
nom tajek lokʼem batel.
20 Laj yichʼ batel jchep stakʼin,
jaʼ to tsut talel mi yij xa ox li lunae».*
21 Toj jun yutsil ti kʼu yelan la sloʼlae.+
Toj manya ti kʼu yelan la sloʼlabe sjol ta skʼopojele.
22 Ta anil noʼox te tijil bat ta spat, xkoʼolaj kʼuchaʼal tot vakax ti chbat ta milele,
xkoʼolaj kʼuchaʼal bol vinik ti chichʼ akʼbel kastigo ta latsʼob teʼe,*+
23 jaʼ to ti matsʼal kʼot ta sekub jun flechae;
jech kʼuchaʼal jkot mut ti anil tstikʼ sba ochel ta petsʼe, mu snaʼ ti jaʼ te chakʼ-o xkuxlejale.*+
24 Li avie, kuni nichʼnab, chikintabeikun;
tsʼet chikintaik li kʼusi chkale.
25 Mu me xloʼlaj batel avoʼonton ta sbetak li jmulavil* antse,
mu me xakʼejpʼuj* batel ti butik chanave.+
26 Yuʼun ep xa buchʼutik chamem yuʼun,+
solel ep xa tajek li buchʼutik smiloje.+
27 Li snae te ch-ikʼvan batel ta Mukinal;*
te ch-och yalel ta yutil skuartoaltak lajelal.