Job
31 »Jpasoj jun trato xchiʼuk li jsate.+
Jaʼ yuʼun, ¿kʼuxi xa noʼox ti chopol kʼusi ta jnop kʼalal chkil junuk tojol tsebe?+
2 Vaʼun chaʼa, ¿kʼusi chakʼbun li Dios te oy ta vinajele,
kʼusi jrexto* chakʼbun li Buchʼu skotol xuʼ yuʼun ti te oy ta toyole?
3 ¿Mi mu jaʼuk lajebal smalaoj li buchʼu chopole
xchiʼuk mi mu vokoliluk smalaoj li buchʼu tspas kʼusi chopole?+
4 ¿Mi mu xiluk ti butik chixanave+
xchiʼuk mi mu chchapuk skotol li jujutekʼ kakane?
7 Mi oy bu chkʼejpʼuj* ta be li kakane+
o mi te xtijet* batel koʼonton ti bu chbat li jsate+
o mi kikʼubtasoj li jkʼobe,
9 Mi loʼlaj koʼonton ta stojolal junuk ants+
xchiʼuk mi la jpaʼibe*+ yajnil jlakʼna li ta stiʼ snae,
10 mi jeche, akʼo bat xjuchʼbe strigo yan vinik li kajnile
11 Yuʼun toj kʼexlal sba mi jech ta jpase,
sta-o ti xkichʼ akʼbel kastigo yuʼun jchapanvanejetike.+
12 Yuʼun chkʼot kʼuchaʼal kʼokʼ ti chchikʼvane xchiʼuk ti chlajesvane,+
chchikʼ kʼalal to yibel li kʼusitik oy kuʼune.
13 Ti muʼyukuk kʼusi jventa-o sderecho li vinik antsetik ti jaʼik kajtuneltak
kʼalal tskʼanik akʼo xkichʼ chapanele,
14 ¿kʼusi xuʼ jpas kʼalal tsaʼun ta kʼop* li Diose?
¿Kʼusi ta jtakʼbe mi la sjakʼbun li kʼusi jpasoje?+
15 ¿Mi mu jaʼuk pasatik ek li buchʼu la spasun ta yalajeb jmeʼe?+
¿Mi mu jaʼuk onoʼox la spasutik kʼalal muʼyuk toʼox vokʼemutike?*+
16 Ti muʼyukuk xkakʼbe kʼusi tskʼanik li povreetike+
o ti chat xa yoʼonton xvinaj ta sat kuʼun li ants ti chamem smalale;+
17 ti jtukuk la jlajes li jparte veʼel
ti muʼyukuk xkakʼbe li buchʼutik chamem stotike;+
18 (yuʼun ta jkeremal onoʼox la jtsʼites tal li buchʼu chamem stote, xikoʼolaj kʼuchaʼal stot likʼot
xchiʼuk ta jbikʼtal* onoʼox lik jbeiltas tal li ants ti chamem smalale).
19 Ati jaʼuk noʼox te jkʼeloj laj ta sik li buchʼu chʼabal skʼuʼ spokʼe
o junuk abol sba vinik ti muʼyuk kʼusi smak-o sbae;+
20 ti muʼyukuk la stojbun ta vokol+
kʼalal lek xa kʼixin chaʼi sba li ta stsatsal jchijtake;
21 ti jmichʼojuk xa jkʼob ta stojolal li buchʼu chamem stot+
kʼalal jaʼo tskʼan koltael te ta stiʼ jteklume;+
22 vaʼun bi, akʼo kʼokuk lokʼel li jkʼob kʼalal to ta jnekebe
xchiʼuk akʼo kʼasuk li jkʼob ta jxukʼube.
23 Yuʼun chixiʼ yuʼun li lajelal chlik talel ta stojolal Diose
xchiʼuk mu xuʼ kuʼun ti te vaʼalun ta stojolal ta skoj li smukʼulale.
24 Mi jaʼ la jpat koʼonton ta stojolal li oroe
o ti xi laj kalbe li batsʼi oroe: ‹¡Jpatoj koʼonton ta atojolal!›.+
25 Ti jaʼuk te la jta-o jmuyubajel yuʼun ti jkʼulejun tajeke,+
ta skoj ti ep toʼox kʼusitik oy kuʼune;+
26 ti lajuk kil li xojobal kʼakʼale*
o li luna* ti jun to yutsil xojobaje+
27 xchiʼuk ti ta mukuluk laj ta loʼlael li koʼontone
xchiʼuk ti jtsʼutsʼ* xa jkʼob sventa chkakʼbe muyel senyail ti chkichʼik ta mukʼe;+
28 vaʼun bi, jaʼ jun mulil ti sta-o xkichʼ akʼbel kastigo yuʼun jchapanvanejetike,
yuʼun la jmuk xa ta koʼonton jechuk li melel Dios ti te oy ta toyole.
29 ¿Mi oy junuk velta limuyubaj kʼalal laj yichʼ lajesel li kajkontrae+
o mi jun xa yutsil chkaʼi ta skoj ti tal vokolil ta stojolale?
31 ¿Mi mu xiuk yalojik li viniketik ta jkarpanae:
‹¿Mi oy buchʼu junukal avilojik ti muʼyuk noj xchʼut ta skoj li veʼlil* chakʼ Jobe?›?+
33 ¿Mi oy junuk velta jmukoj jmul jech kʼuchaʼal tspasik li yan viniketike,+
ti te ta jmuk jpaltail* li ta xvorxail jkʼuʼ jpokʼe?
34 ¿Mi xiʼemun-o ti kʼusi xuʼ snopik ta jtojolal li epal krixchanoe,
o mi xiʼemun ta skoj ti xuʼ spʼajikun li yantik utsʼ alalile,
ti smakik ke xchiʼuk ti chixiʼ xa chilokʼ yuʼunike?
35 ¡Ati oyuk buchʼu xchikintabune!+
Ta jpas firmar jechuk li kʼusi kaloje.*
¡Akʼo stakʼbun li Buchʼu skotol xuʼ yuʼune!+
¡Ti lajuk stsʼiba ta vun kʼusi chopol la jpas li buchʼu tstikʼbun jmule!
36 Ta jkajan batel ta jnekeb li vun ti jechuke
xchiʼuk ta jchuk ta jol jech kʼuchaʼal junuk korona.
37 Ti jechuke, chkalbe ta jamal li kʼusitik ta jpase;
ta sjunul koʼonton chinopaj batel ta stojolal kʼuchaʼal jun bankilal.
38 Mi x-avet tskʼan parte ta jtojolal li kosile
xchiʼuk mi jmoj x-avetik ta okʼel li surkoaltake;*
39 mi ta moton jlajesoj li kʼusi chlokʼ ta osile+
o mi kakʼojbe svokolik li yajvaltake;+
40 vaʼun bi, akʼo chʼiuk tal chʼix ta xkʼexol li trigoe
xchiʼuk tuil tsʼiʼlel xa chʼiuk tal ta xkʼexol li sevadae».
Liʼ tsuts sloʼil li Jobe.