Salmos
ל [lamed]
10 ¿Kʼu yuʼun ti nom chavaʼan abae, Kajval Jeova?
¿Kʼu yuʼun chanakʼ* aba kʼalal jaʼo oy vokolile?+
2 Li buchʼu toj chopole xtoyet chaʼi sba tskontrain li buchʼu mu xpak yuʼun skʼoplale,+
pe chkʼot ta sba stuk li kʼusi chopol snopoj tspase.+
3 Li buchʼu toj chopole tstoy-o sba ta sventa li kʼusi tskʼan yoʼonton stuke+
xchiʼuk tskʼupil kʼopta sba stuk;
נ [nun]
muʼyuk yichʼoj ta mukʼ li Jeovae.
4 Ta skoj stoyobbail li buchʼu toj chopole, muʼyuk bu tsaʼ Dios;
xi yelan skotol li kʼusi tsnope: «Chʼabal Dios».+
5 Lek chbat yuʼun li kʼusi tspase,*+
pe li amantaltake mu sta ta aʼibel smelolal;+
tslaban* skotol li yajkontratake.
6 Xi chal ta yoʼontone: «Muʼyuk buchʼu xuʼ svuyilanun;*
muʼyuk chkil-o vokolil
akʼo mi x-echʼ jaykʼoluk kuxlejal».+
פ [pe]
7 Noj ta chopol kʼoptavanej li yee, ta loʼlavanej xchiʼuk ta ilbajinvanej;+
noj ta vokolil xchiʼuk ta akʼ vokolil li yolon yokʼe.+
8 Te nakʼal* tsmala ta nopol jteklumetik li buchʼu muʼyuk smule;
chlokʼ tal ti bu snakʼoj sba sventa tsmile.+
ע [ayin]
Te yakʼoj-o sat ta stojolal li buchʼu xuʼ xakʼbe svokole.+
9 Te smalaoj ti bu snakʼoj* sba kʼuchaʼal jkot leon ti te tikʼil ta xchʼene.*+
Te smalaoj sventa tstsak li buchʼu mu xpak yuʼun skʼoplale.
Tstsak li buchʼu mu xpak yuʼun skʼoplal kʼalal te xa ox tikʼil ta spetsʼe.+
10 Li buchʼu tsta ta tsakele tsnetʼ xchiʼuk chakʼbe svokol;
ch-och ta yok skʼob li buchʼutik kʼunike.
11 Xi chal ta yoʼontone: «Chʼay xa ta sjol li Diose.+
Sjoypʼinoj xa batel sat.
Mi jaʼuk onoʼox bu chakʼ venta».+
ק [kof]
12 Totsan tal, Kajval Jeova.+ Toyo li akʼobe, Dios kuʼun.+
Mu xachʼay ta ajol li buchʼu mu xpak yuʼun skʼoplale.+
13 ¿Kʼu yuʼun ti muʼyuk yichʼoj ta mukʼ Dios li buchʼu toj chopole?
Xi chal ta yoʼontone: «Muʼyuk bu chachapanun».
ר [rex]
14 Pe li voʼote aviloj li vokolile xchiʼuk li vul oʼontone.
Chavakʼ venta xchiʼuk voʼot chkom ta akʼob.+
ש [xin]
15 Kʼasbo skʼob li buchʼu toj chopol xchiʼuk li buchʼu muʼyuk xkʼuxul yoʼontone,+
akʼbo tsatsal kastigo
ta skoj skotol li xchoplejale.
16 Jaʼ Ajvalil sbatel osil li Jeovae.+
Tupʼ xa skʼoplalik ta balumil li mukʼtik lumetike.+
ת [taw]
17 Pe chachikintabe kʼusi tskʼanik li manxoetike, Kajval Jeova.+
Chavakʼ ti staojuk-o yav li yoʼontonike+ xchiʼuk chatsʼet chikinta li kʼusi chalike.+