Salmos
Kʼejimol sventa muyebaltik.
132 Kajval Jeova, teuk me ta ajol li Davide
xchiʼuk skotol li svokole;+
2 Jeova, teuk ta ajol li kʼusi jamal laj yalbote,
voʼot li Sdiosot Jakob ti ep ajuʼele.+ Xi jamal laj yalbot li Davide:
3 «Muʼyuk chi-och li ta jkarpanae, muʼyuk chi-och li ta jnae.+
Muʼyuk ta jpuchʼan jba li ta jvayebe, muʼyuk ta jpuchʼan jba li ta jteme;
4 muʼyuk bu chkakʼ ti x-och jvayele
xchiʼuk mi jaʼuk bu ta jmutsʼ li jsate,
5 jaʼ to mi la jtabe lek yavil li Jeovae,
8 Kajval Jeova, totsan tal sventa xatal ti bu xkuxobil avoʼontone,+
voʼot xchiʼuk li Kaxa ti chakʼ ta ilel ajuʼele.+
9 Akʼo skʼuʼinik tukʼilal li paleetik avuʼune
xchiʼuk avetikuk noʼox ta muyubajel li buchʼutik tukʼ chakʼ sbaik ta atojolale.
11 Jamal albil yuʼun Jeova li Davide;
chkʼot ta pasel ta melel li kʼusi yaloj tspase:
«Ta jchotan ta achotleb sventa ajvalil
jun anitilulal.+
12 Mi chchʼunik jtrato li anichʼnabe
xchiʼuk li tojobtaseletik chkakʼ ta chanele,+
ta me jchotan ta achotleb sventa ajvalil sbatel osil ek
li xnichʼnabike».+
14 «Jaʼ xkuxobil koʼonton sbatel osil liʼe;
liʼ chinakie,+ yuʼun jaʼ jech oy ta koʼonton.
15 Ta xkakʼbe tajek bendision li jteklum liʼe, chkakʼbe sveʼelik;
ta jnojesbe xchʼutik ta pan li buchʼutik abol sbaik liʼe.+
16 Chkakʼbe skʼuʼinik kolebal li paleetik yuʼune+
xchiʼuk x-avetik noʼox ta muyubajel li buchʼutik tukʼ chakʼ sbaik ta stojolale.+
17 Te ch-epaj yip* kuʼun li Davide.
Jchapanoj xa jun kantil ta sventa li buchʼu tʼujbil kuʼune.+
18 Pixil chkomik kuʼun ta kʼexlal li yajkontratake,
yan li stuke chkakʼ xojobajuk li skoronail sjole».+