Salmos

Kʼupil kʼoptaik Jeova te ta vinajel;+

kʼupil kʼoptaik te ta toyol.

 2 Voʼoxuk ti yaj-anjeloxuke,

kʼupil kʼoptaik akotolik.+

 4 Tayal vinajel xchiʼuk toketik ta vinajel,

kʼupil kʼoptaik.

 5 Akʼo skʼupil kʼoptabeik li sbi Jeovae,

yuʼun jaʼ laj yal mantal ti jech laj yichʼik pasele.+

 6 Lek snakanojan ta sbatel osil;+

yakʼoj mantal ta stojolalik ti mu xlaj skʼoplale.+

 7 Voʼoxuk ti te oyoxuk ta balumile,

voʼoxuk mukʼtikil xchanul nab xchiʼuk skotol natil nabetik, kʼupil kʼoptaik li Jeovae,

 8 voʼoxuk saksevul* xchiʼuk bot, taiv xchiʼuk pimil tok;

voʼot eke, tsatsal ikʼ, ti chapas li kʼusi chale, kʼupil kʼoptaik,+

 9 voʼoxuk vitsetik xchiʼuk skotol bikʼtal vitsetik,+

teʼetik ti chasatinike xchiʼuk skotol sedro teʼetik, kʼupil kʼoptaik,+

10 voʼoxuk teʼtikal chonbolometik+ xchiʼuk skotol tsʼunbal chonbolom,

voʼoxuk ti xakilet chaxanavike xchiʼuk mutetik ti xaviletike, kʼupil kʼoptaik,

11 voʼoxuk ajvaliletik ta balumil xchiʼuk skotol mukʼtik lumetik,

voʼoxuk bankilaletik xchiʼuk skotol jchapanvanejetik ta balumil, kʼupil kʼoptaik,+

12 voʼoxuk keremetik xchiʼuk tsebetik,*

moletik xchiʼuk kerem tsebetik, jmoj xakʼupil kʼoptaik.

13 Akʼo skʼupil kʼoptabeik li sbi Jeovae,+

yuʼun li sbie mu xa noʼox tabajuk staylej oy.

14 Tstoybe skʼoplal li yip* steklumale

sventa xichʼ kʼupil kʼoptael skotol li buchʼu tukʼ yakʼoj sba ta stojolale,

ti jaʼ li xnichʼnab Israele, li jteklum ti nopol oy ta stojolale.