Proverbios
21 Li yoʼonton jun ajvalile xkoʼolaj kʼuchaʼal yok voʼ ti oy ta yok skʼob li Jeovae.+
Jaʼ tsbeiltas batel ti bu tskʼane.+
3 Mas to lek chil Jeova mi jaʼ ta jpastik li kʼusi lek xchiʼuk kʼusi tukʼe,
jaʼ mu sta li milbil matanale.+
4 Li jtoyba satile xchiʼuk li jtoyba oʼontonale...
xkoʼolaj kʼuchaʼal kantil ti tsbeiltas batel li buchʼutik toj chopolike, taje jaʼ jun mulil.+
5 Li kʼusitik snopoj tspas li buchʼutik baxbolike jpʼel skʼoplal lek chkʼot ta pasel,*+
pe jaʼuk li buchʼutik anil noʼox kʼusitik tsnop tspasike jpʼel skʼoplal ch-ikʼatik batel ta povreal.+
6 Mi ta loʼlavanej chichʼ tael li kʼulejale,
xkoʼolaj kʼuchaʼal lumaltok ti tsakchʼay batele, jaʼ jun petsʼ ti chmilvane.*+
7 Li buchʼutik toj chopolike jaʼ chbekʼatik* batel yuʼun li xchoplejalike,+
yuʼun mu skʼan spasik li kʼusi tukʼe.
8 Xotxot sbe li buchʼu oy smule,
pe tukʼ kʼusitik tspas li jun vinik ti muʼyuk xchopolile.+
9 Jaʼ mas lek mi ta xchikin jol na nakalutike,
jaʼ muʼyuk lek mi koʼol nakalutik xchiʼuk jun ajnilal ti lek saʼkʼope.*+
10 Li buchʼu toj chopole oy tajek ta yoʼonton li kʼusi chopole;+
muʼyuk chakʼbe ta ilel slekil yoʼonton li xchiʼile.+
11 Kʼalal chichʼ akʼbel kastigo li jlabanvaneje, mas ta xpʼijub li buchʼu muʼyuk spʼijile
xchiʼuk kʼalal tsta spʼijil li buchʼu xaʼibe smelolale, snaʼ kʼusi tspas.*+
12 Li tukʼil Diose skʼelojbe sna li buchʼu toj chopole;
tsjip ta lum li buchʼutik toj chopolik sventa xil svokolike.+
13 Buchʼuuk noʼox ti tsmak xchikin kʼalal xvokolet tskʼan koltael li buchʼu abol sbae
muʼyuk chichʼ takʼbel mi tskʼan vokol eke.+
14 Li jun matanal ti mukul chichʼ akʼele tslamajes li skʼakʼal oʼontonale+
xchiʼuk li manvanej ta takʼin* ti ta mukul chichʼ akʼele tspajes li tsatsal ilinele.
15 Li buchʼu tukʼe xmuyubaj noʼox kʼalal tspas li kʼusi tukʼe,+
jaʼuk li buchʼutik tspasik kʼusitik toj chopole solel muʼyuk lek chaʼiik spasel li kʼusi tukʼe.
16 Li vinik ti chkʼejpʼuj* lokʼel li ta sbelel pʼijilale
te chbat xkux xchiʼuk li buchʼutik mu xa kʼusi stakʼ spasik ta lajelale.+
17 Li buchʼu tskʼupin tajek chchʼay yoʼontone tspas ta povre;+
li buchʼu skʼanoj tajek li vinoe xchiʼuk li aseitee muʼyuk tspas ta jkʼulej.
18 Li buchʼu toj chopole chkʼot ta xkʼexol li buchʼu tukʼe
xchiʼuk li jvalopatinvaneje jaʼ ch-ikʼat batel ta xkʼexol li buchʼu tukʼe.+
19 Jaʼ mas lek mi nakalutik ta takixokol balumile,
jaʼ muʼyuk lek mi nakalutik xchiʼuk jun ajnilal ti lek saʼkʼope* xchiʼuk ti lek xkape.+
20 Li kʼulejal ti ep sbalile xchiʼuk li aseitee te oy ta sna li buchʼu pʼije,+
21 Buchʼuuk noʼox ti jaʼ stsʼaklioj batel li kʼusi tukʼe xchiʼuk li tukʼil kʼanelale
tsta kuxlejal, tukʼilal xchiʼuk mukʼulal.+
22 Li pʼijil vinike xuʼ xmuy* ta smuroal steklumal li buchʼutik tsotsike
xchiʼuk muʼyuk xa stsatsal chkom yuʼun li kʼusi spatoj-o yoʼontonike.+
23 Li buchʼu chchabi ye xchiʼuk yokʼe,
muʼyuk tstikʼ sba ta vokol.+
24 Jtoyba xchiʼuk jpʼel xal chavalbe skʼoplal
li vinik ti muʼyuk spajeb xtoyet chaʼi sbae.+
25 Li kʼusi tskʼan tajek li chʼajil vinike jaʼ tsta-o slajel,
yuʼun mu skʼan x-abtej li skʼobe.+
26 Sjunul kʼakʼal solel xpichʼet yoʼonton tskʼan tajek,
pe li buchʼu tukʼe muʼyuk kʼusi tsjalan yakʼel.+
27 Toj ibal sba* li milbil matanal chakʼ li buchʼu toj chopole.+
¡Mas to ibal sba mi ta xchopolil yoʼonton chakʼe!*
28 Chlaj skʼoplal li jutkʼop* testigoe,+
pe lek chkʼot ta pasel li kʼusi chal li vinik ti chchikinta leke.
29 Li buchʼu toj chopole muʼyuk tsnop li kʼusitik tspase,+
30 Muʼyuk pʼijilal xchiʼuk muʼyuk tojobtasel ti xuʼ skontrain li Jeovae.+