Jueses
5 Li vaʼ kʼakʼale, li Deborae+ xi lik kʼejinuk+ xchiʼuk Barak+ li xnichʼon Abinoame:
2 «Ta skoj ti muʼyuk yombil stsotsil sjolik* ta Israele,
ta skoj ti lokʼ ta yoʼonton stuk li jteklume,+
¡kʼupil kʼoptaik li Jeovae!
3 ¡Chikintao avaʼiik, ajvaliletik! ¡Tsʼet chikintao avaʼiik, bankilal j-abteletik!
Ta jkʼejinta li Jeovae.
Ta jkʼejinta*+ li Jeova ti jaʼ Dios yuʼun Israele.+
4 Jeova, kʼalal lalokʼ tal ta Seire,+
kʼalal lalokʼ tal ta yosilal Edome,
lik nikuk li balumile, ep mal tal voʼ ta vinajel,
ep lokʼ tal voʼ li ta toke.
5 Li vitsetike lik unijuk* ta yeloval sat Jeova,+
ta yeloval sat Jeova ti jaʼ Dios yuʼun Israele,+ lik unijuk ek li Sinaie.+
6 Li ta skʼakʼalil Samgar+ ti jaʼ xnichʼon Anate,
li ta skʼakʼalil Jaele,+ naka takin li beetike;
li jxanviletike te ch-echʼik li ta kʼox beetike.
7 Li buchʼutik te nakalik ta bikʼtal jteklumetik yuʼun Israele laj skʼoplalik:
lajem xa ox skʼoplalik jaʼ to ti kʼuxi litotse, voʼon li Deboraune,+
jaʼ to ti kʼuxi lilik kʼuchaʼal smeʼik li Israele.+
Akʼo mi oy 40 mil soltaroetik li ta Israele,
mu jtatik ta ilel mi oy junuk s-eskudoik* o junuk slansaik.
9 Koʼol koʼonton xchiʼuk li komandanteetik ta Israele,+
ti lokʼ ta yoʼonton stukik chbat xchiʼinik li jteklume.+
¡Kʼupil kʼoptaik li Jeovae!
10 Voʼoxuk ti kajal chaxanavik li ta vuroetik ti xkoʼolaj skoloral kʼuchaʼal leone,
voʼoxuk ti jaʼ chataslebinik li lekil tasiletike
xchiʼuk voʼoxuk ti chaxanavik ta bebetike:
¡Nopbeik skʼoplal avaʼiik!
11 Li yechʼomal ye jlokʼesej voʼetike laj yichʼ aʼiel ti butik tslokʼesik voʼe;
te tsloʼiltaik li kʼusitik tukʼ spasoj Jeovae,
jaʼ li kʼusi tukʼ spasojik li buchʼutik te nakalik ta bikʼtal jteklumetik yuʼun Israele.
Vaʼun, li steklumal Jeovae yalik batel li ta yochebal jteklume.
12 ¡Debora,+ julavan, julavan!
¡Julavan, julavan, kʼejinan!+
¡Barak, likan!+ ¡Xnichʼon Abinoam, ikʼo batel li jchukeletik avuʼune!
13 Laje, li buchʼutik kuxul komike yalik batel yoʼ bu oy li bankilaletike;
li steklumal Jeovae yalik tal yoʼ bu oyun sventa skontrainik li buchʼutik tsots xuʼ yuʼunike.
14 Te likemik ta Efrain li buchʼutik te oyik ta stenlejaltike;
Benjamin, tsaʼoxuk ta ateklumal.
Te yalik tal ta Makir+ li komandanteetike,
yan li buchʼutik likemik ta Sabulone yichʼojbeik batel snamteʼ li buchʼu tstsob krixchanoetike.*
15 Li jnitvanejetik yuʼun Isakare te oyik xchiʼuk Debora,
jech kʼuchaʼal te xchiʼuk Debora li Isakare, li Barak+ eke te xchiʼuk li Deborae.
Ta yakan laj yichʼ takel batel ta stenlejaltik.+
Li ta snitilulal Rubene la xchajik lek ta kʼelel li oʼontonale.
16 ¿Kʼu yuʼun ti te noʼox chotolot xchiʼuk li chib avikatse,
Li ta snitilulal Rubene la xchajik lek ta kʼelel li oʼontonale.
18 Li Sabulone jaʼ jun jteklum ti laj yakʼ ta vokol xkuxlejale, ti xuʼ ox te xichʼ milele;
li Neftali eke+ laj yakʼ ta vokol xkuxlejal li ta toyolaltike.+
19 Tal ajvaliletik, la spasik kʼop;
li ajvaliletik ta Kanaane la spasik kʼop+
ta Taanak te ta stsʼel voʼ ta Meguido.+
Muʼyuk laj yichʼik batel li kʼusitik la staik ta pojele, mi jaʼuk plata.+
20 Li kʼanaletike te to ta vinajel la spasik tal kʼop;
te to ta yavilik la stsakik ta kʼop li Sisarae.
La jpechʼilan ta tekʼel li buchʼu xuʼ yuʼune.
22 Xkʼojlajet noʼox tal li svoy kaʼetike,
solel tsots ch-anilaj talel li kaʼetike.+
23 Xi laj yal li yaj-anjel Jeovae: ‹Chopol kʼoptaik li Merose,
chopol kʼoptaik li jnaklejetike,
yuʼun muʼyuk tal skoltaik li Jeovae,
muʼyuk tal skoltaik li sviniktak Jeova ti xuʼ yuʼunike›.
24 Lek staoj bendision ta skotol antsetik li Jaele,+
li yajnil Eber+ ti jaʼ jkenita vinike;
lek staoj bendision ta skotol li antsetik te nakalik ta karpanaetike.
25 Voʼ la skʼan yuchʼ li Sisarae, pe leche laj yakʼbe.
Ta jun mukʼta boch laj yakʼbe yuchʼ tatubtasbil leche.+
26 La sta ta tsakel jun s-estakail karpana,
ta sbatsʼikʼob la sta ta tsakel jun spajobil teʼ.
La spajbe ochel li Sisarae, la xvochʼbe* li sjole,
la svokʼbe li sjole, la spajbe ochel ta xokon stiba.+
27 Xpumlij yalel ta stsʼel yakan Jael; lom yalel, te xa telel-o kom;
xpumlij yalel ta stsʼel yakan; lom yalel;
ti bu lom yalele te xa chamem-o kom.
28 Oy jun ants ti la xnachʼan sat ta ventanae,
li smeʼ Sisarae te la xnachʼan sat ta srejail ventana:
‹¿Kʼu yuʼun ti mu to xtal-o li skareta sventa paskʼope?
¿Kʼu yuʼun ti mu to xkaʼitik xkʼojkʼun tal li svoy skaʼ xchiʼuk li skaretae?›.+
29 Xi takʼbat yuʼun li pʼijil tsebetik ti tsots yichʼoj yabtelike;
jech, xi chalilan li stuk eke:
30 ‹Te xa bu chchʼakbe sbaik jnaʼ li kʼusi la spojike,
jun tseb o chaʼvoʼ tsebetik sventa li jujun soltaroe,
la spojik lokʼel bonbil pokʼetik sventa li Sisarae, la spojik lokʼel bonbil pokʼetik,
jlik kʼuʼil pokʼil ti luchbile,* bonbil pokʼetik, chaʼlik kʼuʼil pokʼil ti luchbil
sventa sjokʼan ta snukʼik li buchʼutik la spojik lokʼele›.
31 Kajval Jeova, lajuk skʼoplal skotol li avajkontratake,+
pe akʼo xojobajuk avuʼun jech kʼuchaʼal kʼakʼal li buchʼutik skʼanojote».
Vaʼun, 40 jabil muʼyuk xa echʼ paskʼop li ta osile.+