Job
38 Vaʼun, xi takʼbat talel yuʼun Jeova ta jun tsatsal ikʼ li Jobe:+
2 «¿Buchʼu ti yakal tsokes li kʼusi chkale
xchiʼuk ti mu snaʼ li kʼusi chlokʼ ta yee?+
3 Avokoluk, chapano aba kʼuchaʼal jun vinik;
ta jakʼbot tal, vaʼun chapbun tal smelolal.
4 ¿Bu oyot kʼalal la jmeltsan li balumile?+
Albun mi xavaʼibe smelolale.
5 ¿Mi xanaʼ yaʼel buchʼu laj yakʼbe spʼisol,
o buchʼu la stimanbe xchʼojonal sventa tspʼis-oe?
6 ¿Bu laj yichʼ chotanel li snaklebe,
o buchʼu laj yakʼbe li snakleb ton ta chikin na+
7 kʼalal jaʼo jmoj tsobol avanik ta muyubajel li kʼanaletik ta sobe+
xchiʼuk kʼalal jaʼo lik avanikuk ta muyubajel skotol li anjeletike?*+
8 ¿Buchʼu laj yakʼbe smak li nab+
kʼalal tʼom lokʼel tal ta yavile,*
9 kʼalal laj kakʼbe skʼuʼin li toke
xchiʼuk kʼalal la jpix ta pimil ikʼal* osile,
10 kʼalal laj kal bu noʼox kʼalal xuʼ xpaje
xchiʼuk kʼalal laj kakʼbe smaktak xchiʼuk stiʼtak ti bu oye,+
11 xchiʼuk kʼalal xi laj kale: ‹Xuʼ xatalik liʼ to kʼalale, pe mu stakʼ xajelavik batel mas;
liʼ noʼox kʼalal chapaj ti kʼu yelan xavaʼi xakoti noʼoxe›?+
12 ¿Mi oy la apas ta mantal junuk velta li sobe
o mi yuʼun laj avalbe bu skʼan xlokʼ tal li xojobal kʼakʼal kʼalal jaʼ to chlokʼ tale?+
13 ¿Mi voʼot laj avalbe ti akʼo xbat kʼalal to spajeb balumile
xchiʼuk ti snuts lokʼel li buchʼutik toj chopolike?+
14 Chjel jujun sob li balumile, jech chkom kʼuchaʼal achʼel ti yichʼoj seyoale
xchiʼuk ti kʼu yelan yutsil xvinaje jaʼ jech kʼuchaʼal kʼuʼil pokʼil.
15 Li sakil osil oy yuʼunik li buchʼutik toj chopolike chichʼik pojbel
xchiʼuk chichʼik kʼasbel li skʼob stoyojike.
16 ¿Mi oy yalemot batel ti bu oy snioʼal nabe
o mi achajoj ta kʼelel li yut natil nabe?+
18 ¿Mi anaʼoj kʼu to smukʼul li balumile?+
Albun mi xanabe lek skʼoplale.
19 ¿Bu stukʼil nakal li sakil osile?+
Xchiʼuk ¿bu yavil li ikʼal osil
20 sventa xavikʼ sutel ti bu likemik tale
xchiʼuk sventa xanaʼ bu sbelel li snaike?
21 ¿Mi yuʼun vokʼemot xa onoʼox li vaʼ ora ti xanabe skʼoplale
xchiʼuk mi yuʼun ep xa tajek ajabilal?*
22 ¿Mi yuʼun oy ochemot li ta snail taive+
o mi aviloj li snail bote,+
23 ti te jkʼejoj* sventa yorail vokolile,
sventa li skʼakʼalil tsalbail xchiʼuk paskʼope?+
24 ¿Bu chlik spuk sba batel li sakil osile
xchiʼuk bu chlik spuk sba batel ta balumil li ikʼ ta slokʼeb kʼakʼale?+
25 ¿Buchʼu la spolbe sbe sventa xtal li nojelal ta voʼe
xchiʼuk ti spasojbe sbe li tsatsal ikʼaloʼ ti oy stokale xchiʼuk ti oy xchaukale,+
26 sventa xakʼ voʼ ti bu mu junuk krixchano te nakale,
li ta takixokol balumil ti bu muʼyuk krixchanoetike,+
27 sventa junuk yoʼonton yuʼun li takixokol balumile
xchiʼuk sventa xvokʼ talel yuʼun li tsʼiʼlele?+
29 ¿Buchʼu ta yalajeb vokʼ tal li yeloe?
¿Buchʼu la svokʼes li taiv chlik talel ta vinajel+
30 kʼalal pixil chkom yuʼun li voʼe, ti xkoʼolaj kʼuchaʼal makal ta tone
xchiʼuk ti pasem ta yelo chkom yuʼun li sba natil voʼe?+
31 ¿Mi xchukbe avuʼun yakʼil li jtsop kʼanal Kimae,*
32 ¿Mi xuʼ xkʼejpʼuj* batel avuʼun jtsop kʼanal* kʼalal jaʼo yoraile,
o ti xabeiltas li jtsop kʼanal Ax* xchiʼuk skeremtake?
33 ¿Mi xavojtikin li mantaletik sventa vinajele+
o mi xuʼ xtal aval ti jaʼ jech skʼan pasel liʼ ta balumile?
35 ¿Mi xuʼ xatak batel saksevul?*
¿Mi xi chtal yalboxuke: ‹¡Liʼ oyunkutike!›?
36 ¿Buchʼu laj yakʼbe spʼijil ta yut li toke*+
o buchʼu laj yakʼ ti akʼo xaʼibe lek smelolal li kʼusitik labalik sba ta vinajele?*+
37 ¿Buchʼu toj echʼ xa noʼox pʼij ti xchap yuʼun li toke,
o buchʼu stsʼepʼuj yuʼun li yavil voʼ ta vinajel+
38 sventa tspas ta achʼel li pukuke* xchiʼuk ti xmal batele
xchiʼuk ti tspakʼ sba batel li balumil bu tʼajemike?
39 ¿Mi xuʼ xatsakbe tal sveʼel li jkot leone
o ti xnoj lek xchʼut avuʼun li chʼiom leonetik+
40 kʼalal te patal ta xchʼenike
o kʼalal te lubul* tsmala tstsak sveʼelike?
41 ¿Buchʼu tsmeltsanbe sveʼel li joj mut+
kʼalal xchʼivlajet tskʼanik koltael ta stojolal Dios li yalabe
xchiʼuk ti te noʼox xtal xbatik ta skoj ti chʼabal sveʼelike?