Baʼyel Kronikas
16 Jaʼ jech te laj yakʼik ta yut karpana li Xkaxa melel Dios ti bu smeltsanoj xa onoʼox David sventa te xakʼike.+ Vaʼun, laj yakʼik chikʼbil matanaletik xchiʼuk milbil matanaletik sventa jun oʼontonal ta yeloval li melel Diose.+ 2 Kʼalal tsuts yuʼun David ta yakʼel li chikʼbil matanaletik+ xchiʼuk li milbil matanaletik sventa jun oʼontonale,+ laj yakʼbe bendision ta sbi Jeova li jteklume. 3 Jech xtok, skotol li j-israeletike, li viniketik xchiʼuk antsetike laj yakʼanbe jujupʼej pan, jujupʼej pan ti pasbil ta sat xane* xchiʼuk jujupʼej pan ti pasbil ta takin sat uvae. 4 La svaʼan jayvoʼuk jlevietik sventa x-abtejik ta yeloval li Xkaxa Jeovae,+ sventa xichʼik ta mukʼ,* stojik ta vokol xchiʼuk skʼupil kʼoptaik li Jeova Dios yuʼun Israele. 5 Jaʼ jolil li Asafe,+ li xchaʼvoʼale jaʼ Sakarias; li Jeiel, Semiramot, Jeiel, Matitias, Eliab, Benaya, Obed-Edom xchiʼuk Jeiele+ jaʼ tstijik li stijobil son ti oy yakʼiltake xchiʼuk li arpaetike;+ li Asafe jaʼ tstij li simbaloe,*+ 6 li pale Benaya xchiʼuk Jaasiele jaʼ tsjupanik-o li okʼesetik ta yeloval li xkaxail strato melel Diose.
7 Li vaʼ kʼakʼale, li Davide sba to velta la xchapan jun kʼejoj sventa stojbe ta vokol li Jeovae, la xchanubtas Asaf+ xchiʼuk xchiʼiltak ti akʼo xi kʼejinikuke:
8 «¡Albeik kolaval li Jeovae,+ kʼupil kʼoptabeik li sbie,
akʼik ta ojtikinel ta stojolal jteklumetik li kʼusitik spasoje!+
10 Mukʼibtasbeik skʼoplal li xchʼul bie.+
Akʼo kuxetuk yoʼontonik li buchʼutik tsaʼik Jeovae.+
11 Saʼik li Jeovae+ xchiʼuk li yipe.
12 Teuk me ta ajolik li kʼusitik labalik sba spasoje,+
li skʼelobiltak juʼelal spasoje xchiʼuk ti kʼu yelan chapanvaneme,
13 voʼoxuk li snitilulaloxuk Israele, li yajtunel Diose,+
voʼoxuk li xnichʼnaboxuk Jakobe, ti tʼujbiloxuk yuʼun Diose.+
14 Li Dios kuʼuntike jaʼ li Jeovae,+
ta spʼejel balumil chkʼot li chapanel yuʼune.+
15 Teuk ta ajolik ta sbatel osil li trato spasoje,
li kʼusi yaloj tspase* teuk ta ajolik akʼo mi x-echʼ jmil ta kʼol kuxlejal,+
16 li trato la spas xchiʼuk Abraane+
xchiʼuk li kʼusi laj yalbe ta jamal li Isaake,+
17 ti kʼot yuʼun kʼuchaʼal jun mantal ta stojolal li Jakobe+
xchiʼuk ti kʼot kʼuchaʼal jun trato ti te oy-o ta stojolal li Israele,
18 xi laj yale: ‹Chkakʼbot li yosilal Kanaan+
19 Taje jaʼo laj avichʼik albel kʼalal juteboxuk toʼox tajeke,
jech, juteboxuk toʼox tajek xchiʼuk jyanlumoxuk toʼox li ta jteklume.+
20 Xtal xbatik toʼox ta mukʼtik lumetik,
xtal xbatik toʼox ti butik chventainvan jujun ajvalile.+
21 Muʼyuk xakʼ ti x-ilbajinatik yuʼun junuk krixchanoe,+
kʼajomal noʼox laj yakʼbe tsots mantal ajvaliletik ta skojik,+
22 xi laj yale: ‹Mu me kʼusi xapasbeik li buchʼutik tʼujbil kuʼune
xchiʼuk mu me kʼusi chopol xapasbeik li j-alkʼopetik kuʼune›.+
23 ¡Spʼejel balumil, kʼejintaik li Jeovae!
¡Alik batel jujun kʼakʼal ti chkoltavane!+
24 Alik batel ta stojolal mukʼtik lumetik li smukʼulale,
alik batel ta stojolal jteklumetik li kʼusitik labalik sba spasoje.
25 Yuʼun toj mukʼ li Jeovae xchiʼuk sta-o tajek kʼupil kʼoptael.
Jaʼ mas toj labal sba, jaʼ mu jechuk li yan diosetike.+
26 Skotol li sdiostak jteklumetike jaʼik diosetik ti muʼyuk sbalilike,+
yan li Jeovae jaʼ la spas li vinajele.+
27 Jun noʼox yutsil xchiʼuk xojobinaj noʼox ti bu oye;+
oy juʼelal xchiʼuk muyubajel ti bu nakale.+
28 Akʼbeik Jeova li kʼusi sta-oe, voʼoxuk li ta jujuchop nitilulal ta jteklumetike,
akʼbeik Jeova li kʼusi sta-o ta skoj li smukʼulale xchiʼuk li yipe.+
Alapojuk achʼul kʼuʼik* xakejan abaik ta stojolal* Jeova.+
30 ¡Spʼejel balumil, ichʼik lek ta mukʼ!
Lek nakanbil li balumile,* mu stakʼ bakʼesel.*+
31 Muyubajuk li vinajele xchiʼuk kuxetuk yoʼonton li balumile;+
xi xavalik batel ta stojolal mukʼtik lumetike: ‹¡Kʼot xa ta Ajvalil li Jeovae!›.+
32 Xvoʼoʼetuk ta muyubajel li nabe xchiʼuk skotol li kʼusitik te oye;
muyubajuk li osiltik xchiʼuk skotol li kʼusitik te oye.
33 Jech xtok, jaʼo akʼo avanikuk ta muyubajel ta yeloval Jeova li teʼetik ta toyolaltike,
yuʼun chtal* xchapan li balumile.
34 Albeik kolaval li Jeovae, yuʼun toj lek yoʼonton;+
te oy-o sbatel osil li tukʼil kʼanelal yuʼune.+
35 Xi xavalike: ‹Koltaunkutik, Dios kuʼunkutik,+
tsobunkutik xchiʼuk pojunkutik lokʼel li ta mukʼtik lumetike
sventa jkʼupil kʼoptakutik li achʼul bie+
xchiʼuk sventa xkuxet noʼox koʼontonkutik kʼalal ta jkʼupil kʼoptaotkutike.+
36 Akʼo yichʼ kʼupil kʼoptael sbatel osil li Jeova
ti jaʼ li Dios yuʼun Israele›».
Xi la stakʼ sjunul li jteklume: «¡Jechuk!».* Vaʼun, la skʼupil kʼoptaik li Jeovae.
37 Li Davide te laj yikta komel Asaf+ xchiʼuk li xchiʼiltak ti bu oy li xkaxail strato Jeova sventa te xtunik ta yeloval li Kaxa+ jech kʼuchaʼal skʼan xichʼ pasel jujun kʼakʼale.+ 38 Li Obed-Edom xchiʼuk xchiʼiltake jaʼik 68 ta voʼ; li Obed-Edom ti jaʼ xnichʼon Jedutun xchiʼuk li Osae jaʼ jchabitiʼnaetik; 39 li pale Sadok+ xchiʼuk li xchiʼiltak ta paleale te oyik ta yeloval li axibalna yuʼun Jeovae, li ta tayal kʼopojebal* ta Gabaone+ 40 sventa xakʼilanbeik chikʼbil matanal li Jeovae, ti ta jujun sob xchiʼuk ta jujun mal kʼakʼal chakʼik ta sba li skajleb chikʼbil matanale, jech xtok, jaʼ sventa spasik skotol li kʼusi tsʼibabil ta Smantal Jeova ti jech laj yalbe li Israele.+ 41 Te xchiʼukik xtok li Eman xchiʼuk Jedutune+ xchiʼuk li yan viniketik ti laj yichʼik tʼujel sventa stojbeik ta vokol li Jeovae,+ yuʼun «te oy-o sbatel osil li tukʼil kʼanelal yuʼune»;+ 42 te xchiʼukik li Eman+ xchiʼuk Jedutun ti jaʼ tsjupanik li okʼesetike, ti tstijik li simbaloetike* xchiʼuk li yan stijobiltak son ti jaʼ sventa chichʼ kʼupil kʼoptael-o li melel Diose; li xnichʼnabtak Jedutune+ jaʼ sbainojik li tiʼ nae. 43 Sjunul li jteklume ta jujuntal sut batel ta snaik, li David eke sut batel ta sna sventa xakʼbe bendision li yutsʼ yalale.