Proverbios

 2 ¿kʼusi van xuʼ xkalbot, kuni kerem?

Voʼot ti la-ayan kuʼune, ¿kʼusi van xuʼ xkalbot?

Kuni ol, ¿kʼusi xuʼ xkalbot ti voʼot ta akoj laj kakʼ kee?+

 3 Mu xavakʼ ti slajes avipal li antsetike,+

mu xatam batel li be ti bu chlaj-o ajvaliletike.+

 4 Lemuel, maʼuk sventa ajvaliletik li uchʼbolajele,

maʼuk sventa xuchʼik vino li ajvaliletike,

maʼuk sventa xi xalik li buchʼutik tsots yabtelike: «¿Bu oy li kuchʼbole?».+

 5 Sventa mu x-uchʼbolajik xchiʼuk ti xchʼay ta sjolik li kʼusi chapanbile

xchiʼuk ti sokesbeik sderecho li buchʼutik abol sbaike.

 6 Akʼbeik pox li buchʼutik chchamik xae+

xchiʼuk akʼbeik vino li buchʼutik tsots chil svokolike.+

 7 Akʼo yuchʼik, vaʼun chchʼay ta sjolik ti abol sbaike;

muʼyuk xa chvul ta sjolik li svokolike.

 8 Kʼopojan sventa xapakbe skʼoplal li buchʼutik mu xpak yuʼun skʼoplalike;

pakbo skʼoplal sderecho skotol li buchʼutik chchamik xae.+

 9 Kʼopojan xchiʼuk tukʼuk xachapanvan,

pakbo skʼoplal sderecho li buchʼutik bikʼit yakʼoj sbaike xchiʼuk li povreetike.+

11 Li smalale spatoj lek yoʼonton ta stojolal

xchiʼuk oy yuʼun skotol li kʼusitik oy sbalile.

12 Li antse lek kʼusi chakʼbe sutel li smalale, maʼuk li kʼusi chopole,

jech tspas ti kʼu sjalil kuxule.

13 Ta saʼ tsots* xchiʼuk lino;

tskʼupin spasel kʼusitik ta skʼob.+

14 Li antse xkoʼolaj kʼuchaʼal svarko jpʼolmajeletik,+

ta nom to chichʼ talel li sveʼele.

15 Ikʼ to chlik xtok,

chakʼbe sveʼel li yutsʼ yalale

xchiʼuk chakʼbe sparte li skiaratake.+

16 Tsnopbe skʼoplal jsep osil, vaʼun tsman;

tstsʼun-o s-uvatak ti kʼu yepal spasoj kanal ta yabtel stuke.

17 Chchapan sba sventa tspas li tsatsal abtele*+

xchiʼuk tstsatsubtas li skʼobe.

18 Oy lek skanalil chil li spʼolmale;

muʼyuk chtupʼ ta akʼobaltik li skantile.

19 Stsakoj lek ta skʼob li teʼ ti bu xojoj li stsotse*

xchiʼuk stsakoj lek li spetete.*+

20 Tsyebe skʼob sventa tskolta li buchʼu bikʼit yakʼoj sbae

xchiʼuk oy kʼusitik chakʼbe ta slekil yoʼonton li buchʼutik povreike.+

21 Kʼalal chakʼ taive, muʼyuk tsvul yoʼonton ta stojolal li yutsʼ yalale,

yuʼun lek pimik skʼuʼ spokʼ yuʼun li yutsʼ yalale.

23 Li smalale lek ojtikinbil ta stiʼ jteklum+

xchiʼuk te chchiʼin ta chotlej li moletik ta jteklume.

24 Ta spas xchiʼuk ta xchon kʼuʼil pokʼiletik pasbil ta lino

xchiʼuk chchonbe chukiletik li jpʼolmajeletike.

25 Jaʼ kʼotem ta skʼuʼ spokʼ li yipe xchiʼuk li yutsilale

xchiʼuk spatoj lek yoʼonton ta sventa li kʼusi chtal ta tsʼakale.*

26 Oy spʼijil kʼalal chkʼopoje,+

ta slekil yoʼonton chkʼopoj kʼalal chchanubtasvane.*

27 Tskʼel lek li kʼusitik chichʼ pasel ta yut snae

xchiʼuk muʼyuk xchʼajet jsetʼuk.*+

28 Li yalabtake ta xvaʼiik, vaʼun tskʼupil kʼoptaik;

li smalale ta xvaʼi, vaʼun tskʼupil kʼopta.

29 Oy ep antsetik ti lek xtojobike,*

pe li voʼote... atuk noʼox ti mas to xatojob kʼuchaʼal li epal antsetike.

30 Xuʼ van chloʼlavan noʼox ti jun yutsil xvinaje xchiʼuk xuʼ van jlikel noʼox* ti alakʼ sba xvinaje,+

pe jaʼ chichʼ kʼupil kʼoptael li jun ants ti xiʼtaoj* Jeovae.+

31 Akʼbo smoton ta skoj li kʼusi tspase,+

akʼo yichʼ kʼupil kʼoptael ta stiʼ jteklum ta skoj li yabtel skʼobe.+