Salmos
Maskil.* S-orasion David kʼalal jaʼo te nakʼal* ta chʼene.+
142 Xi-avet ta jkʼanbe ti akʼo skoltaun li Jeovae;+
xi-avet ta jkʼanbe vokol li Jeovae.
2 Chkalbe skotol li kʼusi ta jvul-o koʼontone;
chkalbe skotol jvokol+
3 kʼalal chlaj xa kipal ta koʼonton chkaʼie.
Vaʼun, voʼot chaventain li jbee.+
Li ta be bu chixanave
tsnakʼik* jpetsʼal li kajkontratake.
Muʼyuk bu jotukal xuʼ xijatav batel;+
muʼyuk buchʼu tsvul yoʼonton ta jtojolal.
5 Kajval Jeova, xivokolet ta atojolal sventa xakoltaun.
Xi chkale: «Voʼot jnakʼobbailot,+
voʼot noʼox spatobilot koʼonton li ta balumile».
6 Tsʼet chikintao ti xivokolet ta jkʼan akʼo xakoltaune,
yuʼun toj echʼ xa noʼox tsots li jvokole.
Pojun lokʼel ta skʼob li kajkontratake,+
yuʼun mas to tsotsik kʼuchaʼal voʼone.
7 Koltaun lokʼel ta chukinab
sventa jkʼupil kʼopta li abie.
Liʼuk joyol ta jpat jxokon li buchʼutik tukʼike,
yuʼun toj lek avoʼonton ta jtojolal.