Proverbios
12 Li buchʼu skʼanoj chanubtasele skʼanoj li yojtikinobile,+
2 Li lekil krixchanoe lek ch-ilat yuʼun li Jeovae,
pe spʼajoj li buchʼu toj chopol kʼusi snopoj tspase.+
3 Mi junuk vinik lek kʼusi tsta ta skoj ti tspas li kʼusi toj chopole,+
pe li buchʼutik tukʼike muʼyuk chichʼ bulbel lokʼel yibelik.
4 Li lekil ajnilale chkʼot ta skoronail sjol li smalale,+
pe li ajnilal ti kʼexlal sba kʼusi tspase xkoʼolaj kʼuchaʼal chamel ti chkʼaʼ yuʼun sbakil li smalale.+
5 Lek kʼusitik tsnop li buchʼutik tukʼike,
jaʼuk li beiltasel chakʼ li buchʼutik toj chopolike jaʼ noʼox chloʼlavan.
6 Li kʼusitik chlokʼ ta ye li buchʼu toj chopole xkoʼolaj kʼuchaʼal jkontrainvanej ti nakʼal* chmalavan sventa chmilvane,+
jaʼuk li yeik li buchʼutik tukʼike jaʼ chpojatik.+
7 Kʼalal chichʼik jipel ta lum li buchʼutik toj chopolike, chlaj skʼoplalik,
pe te vaʼal-o chkom sna li buchʼutik tukʼike.+
8 Chichʼ kʼupil kʼoptael li buchʼu yichʼoj spʼijil chkʼopoje,+
pe jaʼ chichʼ pʼajel li buchʼu toj chopol yoʼontone.+
9 Jaʼ lek mi jutuk kʼanbilutik xchiʼuk mi jun noʼox kajtuneltike,
jaʼ altik mi ta jmukʼibtas jkʼoplal jtuktik xchiʼuk mi chʼabal jveʼeltike.*+
10 Li buchʼu tukʼe chchabi li stsʼunbal chonbolomtake,
pe li buchʼu toj chopole muʼyuk xkʼuxul yoʼonton chchabivan.+
11 Noj lek xchʼut ta veʼlil li buchʼu chabtelan yosile,+
yan li buchʼu jaʼ tstsʼakli batel li kʼusitik muʼyuk sbalile muʼyuk yichʼoj spʼijil.*
12 Li buchʼu toj chopole chitʼixta li kʼusitik staoj ta nutsel li yan chopol viniketike,
pe li buchʼutik tukʼike xkoʼolajik kʼuchaʼal jtekʼ teʼ ti chakʼ sat ta skoj ti lek tsʼunul yibele.
13 Chukbil chkʼot yuʼun xchopol kʼopojel li buchʼu toj chopole,+
yan li buchʼu tukʼe chkol lokʼel li ta vokolile.
14 Li vinike jun yoʼonton ta skoj li kʼusi lek chlokʼ ta yee+
xchiʼuk tstabe sbalil li yabtel yok skʼobe.
16 Li buchʼu bole ta anil* noʼox chakʼ ta ilel skapemal sjol,+
yan li buchʼu pʼije muʼyuk tstsak ta venta* li kʼusi chopol ch-albate.
17 Li tukʼil testigoe melel* kʼusi chlokʼ ta ye,
yan li jecheʼ testigoe mu meleluk li kʼusi chale.
18 Kʼalal muʼyuk nopbil lek li kʼusi chichʼ alele, xkoʼolaj kʼuchaʼal sniʼ espada ti chyayijesvane,
pe li yokʼ buchʼutik pʼijike chpoxtavan.+
20 Te oy ta yoʼonton loʼlavanej li buchʼu tsnop tspas kʼusi chopole,
pe xmuyubajik noʼox li buchʼutik chtojobtasvanik sventa oyuk jun oʼontonale.+
21 Muʼyuk kʼusi chopol chkʼot ta stojolal li buchʼu tukʼe,+
jaʼuk li buchʼutik toj chopolike tstaik ep vokolil.+
22 Toj chopol chil Jeova li buchʼutik tsjutik kʼope,*+
pe jaʼ kʼupil sba chil li buchʼutik tukʼ chakʼ sbaike.
24 Li buchʼu baxbol skʼobe jaʼ tspasvan ta mantal,+
jaʼuk li buchʼu chʼaj skʼobe ch-akʼbat tsatsal abtelal.+
25 Li kʼusi tsvul-o yoʼonton li jun vinike jaʼ tslubtsanat* yuʼun,+
pe jaʼ chpatbat yoʼonton yuʼun li lekil kʼope.+
26 Li buchʼu tukʼe tskʼel lek li kʼusi oy ta spat xokone,
pe jaʼuk li sbe bu stamoj batel li buchʼutik toj chopolike jaʼ chkʼejpʼujik-o* lokʼel.
27 Li buchʼu chʼaje muʼyuk chbat nutsolajuk,+
pe li buchʼu baxbole chkʼot kʼuchaʼal kʼulejal ti ep sbalil ta stojolal jun vinike.
28 Li sbelel tukʼilale ch-ikʼvan batel ta kuxlejal;+
muʼyuk lajelal li ta sbelele.