Salmos
Sventa bankilal jtijson; chapanbil ta sventa «Paloma ti stsʼijet noʼox ti nom oye». Salmo yuʼun David. Miktam.* Jaʼo kʼalal tsakat yuʼun jfilisteaetik ta Gat li Davide.+
56 Dios kuʼun, akʼo ta ilel slekil avoʼonton ta jtojolal, yuʼun yakal tstsakun ta kʼop* li krixchano ti snaʼ xchame.
Skotol kʼakʼal tstsakikun ta kʼop xchiʼuk chilbajinikun.
2 Tsnitikun ta tiʼel skotol kʼakʼal li kajkontratake;
ep buchʼutik ti xtoyetik xa tstsakikun ta kʼope.
3 Ta jpat koʼonton ta atojolal+ kʼalal chixiʼe.+
4 Jaʼ jpatoj-o koʼonton ta stojolal li Diose, ti ta jkʼupil kʼopta li kʼusi chlokʼ ta yee,
jaʼ jpatoj-o koʼonton ta stojolal li Diose; muʼyuk chixiʼ.
¿Kʼusi xuʼ spasbun li jun krixchanoe?*+
5 Skotol kʼakʼal oy kʼusi tspasik sventa tsyayijesikun;
jaʼ noʼox te ta snopbenik ti chakʼbeikun jvokole.+
6 Tsnakʼ* sbaik sventa tstsakikun ta kʼop;
tskʼelik skotol li jujutekʼ kakan bu chibate,+
yuʼun oy ta yoʼontonik tsmilikun.+
7 Pʼajo ta skoj li xchoplejalike.
Dios kuʼun, ta skʼakʼaluk avoʼonton xajip ta lum li mukʼtik lumetike.+
8 Anaʼoj ti bu xiyal ximuye.+
Chʼamo li yaʼlel jsat ta yav voʼ avuʼun ti pasbil ta nukule.+
¿Mi mu teuk tsʼibabil li ta alivroe?+
9 Chlokʼik batel li kajkontratak kʼalal ta jkʼan koltaele;+
jaʼ jpatoj-o koʼonton liʼe: ti liʼ xchiʼinojun li Diose.+
10 Jaʼ jpatoj-o koʼonton ta stojolal li Diose, ti ta jkʼupil kʼopta li kʼusi chlokʼ ta yee,
jaʼ jpatoj-o koʼonton ta stojolal li Jeovae, ti ta jkʼupil kʼopta li kʼusi chlokʼ ta yee,
11 jaʼ jpatoj-o koʼonton ta stojolal li Diose; muʼyuk chixiʼ.+
¿Kʼusi xuʼ spasbun li jun krixchanoe?+