Job
34 Jaʼ yuʼun, xi to laj yal batel li Eliue:
2 «Chikintaik li kʼusi chkale, voʼoxuk ti pʼijoxuke;
chikintabeikun, voʼoxuk ti ep kʼusi xanabeik skʼoplale.
3 Yuʼun chaʼi mi melel kʼusi chichʼ alel li jchikintike,
jech kʼuchaʼal tspas preva veʼlil li kokʼtike.*
4 Jkʼel jtuktik ti kʼusi tukʼe;
jnop jtuktik ti kʼusi leke.
5 Yuʼun xi yaloj li Jobe: ‹Oy jrason,+
pe li Diose spojojbun li jderecho sventa lek xkichʼ chapanele.+
6 ¿Mi lek van ti jut kʼope,* ti chkal ti mu jta-o xkichʼ lek chapanele?
Yuʼun muʼyuk xa xpoxil li jyayijemale, akʼo mi muʼyuk jmul›.+
7 ¿Mi oy van yan vinik ti xkoʼolaj kʼuchaʼal li Jobe,
ti chuchʼ kʼuchaʼal voʼ li kʼexlaltasele?
8 Jaʼ yamigoinoj li jpaschoplejaletike
xchiʼuk jaʼ xchiʼinoj-o li viniketik ti toj chopolike.+
9 Yuʼun xi yaloje: ‹Muʼyuk kʼusi tstabe sbalil li jun vinik
ti yakʼojbe yipal smuyubtael li Diose›.+
10 Jaʼ yuʼun, chikintabeikun, voʼoxuk ti pʼijoxuke:
¡Mi jaʼuk onoʼox bu tsnop tspas kʼusi chopol li melel Diose,+
mi jaʼuk onoʼox bu tspas kʼusi muʼyuk lek li Buchʼu skotol xuʼ yuʼune!+
11 Yuʼun jaʼ jech chakʼbe smoton li jun krixchano ta skoj li kʼusitik tspase+
xchiʼuk chakʼbe stojobil li kʼusitik tspase.
13 ¿Buchʼu vaʼanat sventa x-och ta skʼob li balumile
xchiʼuk buchʼu biiltasat sventa sbain spʼejel li balumile?*
14 Mi chakʼ batel sat* ta stojolal li krixchanoetike,
mi tstsobbe li yip xkuxlejalik* xchiʼuk li yikʼal yeike,+
15 vaʼun bi, jmoj chcham skotol li krixchanoetike
16 Jaʼ yuʼun, mi xavaʼibe smelolale, tsʼet chikintao liʼe;
chikintao li kʼusi chkale.
17 ¿Mi jaʼ van skʼan xventainvan li buchʼu spʼajoj tukʼilale?
¿O mi ta van xavalbe ti chopol kʼusi tspas li buchʼu tsots yabtel yichʼoj ti tukʼ kʼusi tspase?
18 ¿Mi xi van chavalbe junuk ajvalile: ‹Mu kʼusi xatun-o›
o mi xi van chavalbe li buchʼutik tsots yabtelike: ‹Toj chopolot›?+
19 Mu tʼujbiluk yajval tspas Dios ta stojolal li jbeiltasvanejetike,
mu jaʼuk mas lek chil li buchʼu jkʼuleje, ti jaʼ mu kʼusi sventa-o li buchʼu abol sbae,+
yuʼun jaʼ yabtel skʼob skotol li buchʼutik taje.+
20 Xuʼ van xchamik ta anil+ ta oʼlol akʼobal;+
tsots chichʼik lilinel, vaʼun chchamik;
li buchʼutik tsots yabtelik eke chichʼik lokʼesel, pe maʼuk ta yabtel skʼob krixchanoetik.+
21 Yuʼun te sat Dios ti butik chanav li jun vinike+
xchiʼuk yiloj skotol li jujutekʼ yakane.
23 Yuʼun li Diose muʼyuk bu yakʼojbe yorail
ti xbat svaʼan sba ta stojolal Dios li jun vinik sventa xichʼ chapanele.
24 Mu persauk baʼyel tsabe skʼoplal sventa chakʼbe slajeb li buchʼutik tsots yabtelike
xchiʼuk mu persauk baʼyel tsabe skʼoplal sventa tstikʼbe xkʼexolik.+
26 Chmajatik ta skoj xchoplejalik
te ta yeloval sat skotol krixchanoetik,+
27 yuʼun muʼyuk xa stsʼakliojik batel+
xchiʼuk muʼyuk stsakojik ta venta li sbetake,+
28 jaʼ ta skojik ti x-avetik ta stojolal Dios li buchʼutik abol sbaike,
vaʼun chaʼi kʼalal xvokoletik li buchʼutik chʼabal buchʼu xkoltaatike.+
29 ¿Buchʼu xuʼ xalbe ti oy smul kʼalal muʼyuk kʼusi chal li Diose?
¿Buchʼu xil kʼalal snakʼoj* li sate?
Koʼol noʼox kʼusi chkʼot ta pasel mi tsnakʼ sat ta stojolal jun jteklum o jun krixchanoe:
30 jaʼ ti mu x-ajvalilaj li chopol krixchanoe,*+
o ti mu sokes li jteklume.
31 Yuʼun ¿mi oy van buchʼu xi chalbe li Diose:
‹Laj xa kichʼ kastigo, akʼo mi muʼyuk kʼusi chopol jpasoj;+
32 akʼbun jchan li kʼusi muʼyuk to kiloje;
muʼyuk xa ta jpas yan velta mi oy kʼusi chopol jpasoje›?
33 ¿Mi yuʼun chakʼbot amoton avaloj ti chapʼaj ti kʼu yelan chchapanote?
Voʼot skʼan xanop, mu voʼonuk ta jnop.
Jaʼ yuʼun, albun li kʼusi anaʼojbe lek skʼoplale.
34 Xi chalbeikun li viniketik ti xaʼibeik smelolale
o buchʼuuk pʼijil vinikal ti chchikintabune:
35 ‹Muʼyuk smelolal kʼusi chal li Jobe+
xchiʼuk muʼyuk spʼijil ti kʼu yelan chkʼopoje›.
36 Akʼo yichʼ pasel ta preva* ta bu xa noʼox kʼalal li Jobe,
¡yuʼun jaʼ jech chtakʼav kʼuchaʼal chtakʼav li chopol viniketike!