Salmos
Sventa bankilal jtijson.
Skʼejimol David.
13 ¿Kʼu to van sjalil ti chachʼayun ta ajole, Kajval Jeova? ¿Mi ta sbatel-o van osil?
¿Kʼu to van sjalil ti anakʼoj* asat ta jtojolale?+
2 ¿Kʼu to van sjalil ti ta jvul tajek koʼontone,
ti puro at-oʼonton ta jpas jujun kʼakʼale?
¿Kʼu to van sjalil tstsalun li kajkontrae?+
3 Kajval Jeova, Dios kuʼun, kʼelun xchiʼuk takʼbun.
Akʼo xojobajuk jsat sventa mu xivay li ta lajelale,
4 sventa mu xiuk xal li kajkontrae: «¡Tsal xa kuʼun!».
Mu xavakʼ ti xmuyubaj xa li kajkontratak mi liyal ta lume.+
5 Yan li voʼone jpatoj koʼonton li ta tukʼil kʼanelal avuʼune;+
xkuxet noʼox koʼonton ta skoj li kʼusi chapas sventa chakoltavane.+
6 Ta jkʼejinta li Jeovae, yuʼun toj echʼ xa noʼox lek yoʼonton ta jtojolal.+