Salmos
Sventa bankilal jtijson; chapanbil ta sventa «Lirio nichim». Svulesobil ta jolil. Skʼejimol Asaf.+
80 Jchabichij yuʼun Israel, chikintao,
voʼot ti chabeiltas kʼuchaʼal jtsop chij+ li Josee.
4 Jeova Dios ti bankilalot yuʼun soltaroetike,* ¿bakʼin to van ti jech xtiltun* skʼakʼal avoʼontone xchiʼuk ti chapʼajbe s-orasion li ateklumale?+
5 Jaʼ chipanik avuʼun kʼuchaʼal pan li yaʼlel satike
xchiʼuk ep tajek yaʼlel satil chavakʼbe yuchʼik.
6 Te noʼox akʼeloj ti tstsak sbaik ta kʼop ta jkojkutik li lumetik te nopol oyike;
jech-o tslabanunkutik ti kʼu yelan xal yoʼonton li kajkontratakutike.+
7 Dios ti bankilalot yuʼun soltaroetike, chʼamunkutik yan velta;
akʼo xojobajuk asat ta jtojolalkutik sventa xkichʼkutik koltael.+
8 Jech kʼuchaʼal jpets uva+ la alokʼes tal ta Ejipto li ateklumale.
La anuts lokʼel li mukʼtik lumetike, vaʼun te la atsʼun.+
9 La achʼubabe yavil,
vaʼun laj yakʼ batel yibel xchiʼuk la sjalan sba batel ta balumil.+
10 La xpix batel ta yaxinal* li vitsetike
xchiʼuk la xpix ta skʼobkʼobtak li sedro teʼetik yuʼun Diose.
11 Kʼot kʼalal ta nab li skʼobkʼobtake
xchiʼuk kʼot kʼalal ta ukʼum Eufrates+ li sbikʼtal kʼobtake.
12 ¿Kʼu yuʼun la ajinesbe li smuroal ti bu tsʼunbil uva+
sventa stulbeik sat skotol li buchʼutik te chjelavike?+
13 Li teʼtikal chitometike ta slilinik li steʼel uvae
xchiʼuk jaʼ tslajesik li teʼtikal chonbolometik ta osiltike.+
14 Dios ti bankilalot yuʼun soltaroetike, sutan tal avokoluk.
¡Kʼelo yalel tal ta vinajel xchiʼuk akʼo tal asat!
Chabio li steʼel uva liʼe,+
15 li steʼel uva* ti jaʼ la stsʼun+ abatsʼikʼobe
xchiʼuk kʼelo yalel li skʼob ti la atsatsubtas sventa xavichʼ-o ichʼel ta mukʼe.+
16 Tuchʼbil xa xchiʼuk chikʼbil xa ta kʼokʼ.
Chlajik-o kʼalal chatukʼibtasvane.*+
17 Li akʼobe akʼo skolta li vinik te oy ta abatsʼikʼobe,
li xnichʼon krixchano ti atsatsubtasoj sventa xavichʼ-o ichʼel ta mukʼe.+
18 Vaʼun, muʼyuk chinamajkutik ta atojolal.
Kuxulunkutikuk-o avuʼun sventa jkʼankutik vokol li ta abie.
19 Kajval Jeova, Dios kuʼun ti bankilalot yuʼun soltaroetike, chʼamunkutik yan velta;
akʼo xojobajuk asat ta jtojolalkutik sventa xkichʼkutik koltael.+