Proverbios
30 Li Agur ti jaʼ xnichʼon Jakee laj yal jun aʼyej ti tsots skʼoplale, laj yalbe Itiel xchiʼuk Ukal.
2 Voʼon ti mas mu kʼusi jnabe skʼoplal kʼuchaʼal yantike+
xchiʼuk ti mu kʼusi xkaʼibe smelolal jech kʼuchaʼal skʼan xaʼibe smelolal li jun vinike.
3 Muʼyuk jtaoj jpʼijil
xchiʼuk muʼyuk jtaoj li yojtikinobil yuʼun li Chʼul Diose.
4 ¿Buchʼu muyem batel ta vinajel xchiʼuk ti yal tal ta tsʼakale?+
¿Buchʼu stsoboj ta xchibal skʼob li ikʼe?
¿Buchʼu xpixoj ta skʼuʼ spokʼ li voʼe?+
¿Buchʼu snakanoj* skotol li stiʼiltak balumile?+
Mi anaʼoje, ¿kʼusi sbi xchiʼuk kʼusi sbi li xnichʼone?
5 Lek skotol li kʼusitik chlokʼ ta ye Diose.+
Jaʼ chkʼot ta s-eskudoik* li buchʼutik tsaʼ snakʼobbailik ta stojolale.+
6 Mu xavakʼbe stsʼak li kʼusi chlokʼ ta yee,+
yuʼun mi moʼoje, ta stukʼibtasot,
vaʼun chvinaj ti jutkʼopote.*
7 Chaʼtos ti kʼusi ta jkʼanbote.
Mu xajalanbun yoʼ to kuxulune.
8 Lokʼeso batel ta jtojolal li loʼlavaneje xchiʼuk namajeso batel ta jtojolal li jutbil kʼope.*+
Mu xapasun ta povre mi jaʼuk ta jkʼulej.
Jaʼ noʼox akʼbun li jveʼel ti kʼu yepal chtun kuʼun+
9 sventa mu jmukot ta koʼonton mi solel noj xa jchʼute xchiʼuk ti xi chkale: «¿Buchʼu jaʼ li Jeovae?».+
Mu me xavakʼ ti xipas ta povree, ti xi-elkʼaje xchiʼuk ti jkʼexlaltas* li sbi Jdiose.
10 Mu xajutbe* smul ta yeloval yajval li jun jtunele
o xuʼ xchopol kʼoptaot, vaʼun voʼot oy amul chakom.+
11 Oy jkʼol kuxlejal ti chchopol kʼopta li stote
xchiʼuk ti muʼyuk tskʼupil kʼopta li smeʼe.+
13 Oy jkʼol kuxlejal ti xtoyet tajek li sbekʼ sate
xchiʼuk ti xtoyet xa tajek tspas sat chkʼelvane.+
14 Oy jkʼol kuxlejal ti jaʼ espada li stanal yeike
xchiʼuk ti jaʼ jmilvanej kuchilu li sbakil yolon yeike;
taje jaʼ tslajesik li buchʼutik bikʼit yakʼoj sbaik ta balumile
xchiʼuk li buchʼutik abol sbaik ta stojolal krixchanoetike.+
15 Li sanguijuela* chonetike oy chaʼvoʼ stsebetakik ti xi chalike: «¡Akʼo tal! ¡Akʼo tal!».
Oy oxtos ti kʼusi mu x-echʼ yoʼontonike,
oy chantos ti mu bakʼinuk xi chalike: «¡Taʼlo xa xkaʼi!»:
16 jaʼ li Mukinale,*+ li ants ti mu snaʼ x-alaje,
li balumil ti muʼyuk yaʼlele
xchiʼuk li kʼokʼ ti mu bakʼinuk xi chale: «¡Taʼlo xa xkaʼi!».
17 Li buchʼu tslaban stot xchiʼuk ti mu xchʼunbe smantal li smeʼe...+
chchʼojilanbat sbekʼ sat yuʼun li joj mutetik ta stenlejaltike*
xchiʼuk chtibat sbekʼ sat yuʼun li chʼiom aguilaetike.+
18 Oy oxtos ti kʼusi mu jta ta aʼibel smelolale*
xchiʼuk chantos ti mu xkaʼibe smelolale:
19 li sbe aguila ta vinajele,
li sbe kiletel chon ta sba mukʼta tone,
li sbe jkot varko ta sba nabe
xchiʼuk li sbe jun vinik xchiʼuk jun tsebe.
20 Liʼe jaʼ jech tspas* li jmulavil antse:
ta xveʼ noʼox, ta skus noʼox ye;
vaʼun xi chale: «Muʼyuk kʼusi chopol jpasoj».+
21 Oy oxtos ti kʼusi tsnikes li balumile
xchiʼuk chantos ti kʼusi mu stsʼik yuʼune:
22 kʼalal tspas mantal kʼuchaʼal ajvalil li jun mosoile,+
kʼalal tsta chaʼi sveʼel li buchʼu bole,
23 kʼalal tsta smalal li jun ants ti pʼajbile*
xchiʼuk kʼalal ch-och ta xkʼexol smeʼ ajval li kiaraile.+
28 Li jekoe*+ muʼyuk chpʼaj* kʼalal xnochʼet ta pakʼbal nae*
xchiʼuk ch-och batel ta spasob mantal jun ajvalil.
29 Oy oxtos kʼusitik ti labalik sba ta kʼelele,
oy chantos ti toj labalik sba kʼalal chbakʼike: