Salmos
Sventa bankilal jtijson. Maskil.* Salmo yuʼun David, jaʼo kʼalal bat ta stojolal Saul li Doeg likem ta Edome xchiʼuk kʼalal laj yalbe ti ay ta sna Aimelek+ li Davide.
52 ¿Kʼu yuʼun chatoy aba ta skoj li kʼusitik toj chopol apasoje, voʼot ti muʼyuk xkʼuxul avoʼontone?+
Te oy-o skotol kʼakʼal li tukʼil kʼanelal yuʼun Diose.+
3 Jaʼ mas akʼanoj li kʼusi toj chopole, jaʼ jutuk li kʼusi leke,
jaʼ mas akʼanoj li jut kʼope,* jaʼ jutuk li kʼusi melel chichʼ alele. (Sela).
4 Jaʼ akʼanoj skotol li kʼusi chichʼ alel ti chakʼ vokolile,
¡solel chaloʼlavan xchiʼuk li avokʼe!
5 Jech oxal, tslajesot ta j-echʼel li Diose;+
tstsakot xchiʼuk chjochot lokʼel li ta akarpanae;+
tsbulot lokʼel li ta balumil ti bu oy li kʼusitik kuxajtike.+ (Sela).
6 Ta xilik li buchʼutik tukʼike xchiʼuk chʼayal to chkʼot yoʼontonik,+
jech xtok, tstseʼinik ta stojolal,+ xi chalike:
7 «Oy jun krixchano ti muʼyuk la saʼ snakʼobbail* ta stojolal li Diose,+
yuʼun jaʼ la spat yoʼonton ta stojolal li skʼulejal
ti toj epe+
xchiʼuk jaʼ la spat-o yoʼonton* li kʼusi toj chopol snopoj tspase».*
8 Yan li voʼone jech chikʼot kʼuchaʼal oliva teʼ ti lek pim yanal te ta sna Diose;+
sbatel osil jpatoj koʼonton ta stojolal li tukʼil kʼanelal yuʼun Diose.
9 Ta jkʼupil kʼoptaot ta sbatel osil ta skoj li kʼusitik apasoje;+
ta sba satik li buchʼutik tukʼ yakʼoj sbaik ta atojolale
chkakʼ ta ilel ti jpatoj koʼonton li ta abie,+ yuʼun jaʼ lek.