Proverbios
3 Stakoj batel skiaratak
sventa xi x-avanik ti butik mas toyol li ta jteklume:+
4 «Buchʼuuk noʼox ti chʼabal spʼijile, ochanik tal liʼe».
Xi chalbe li buchʼu muʼyuk yichʼoj spʼijile:*
5 «Laʼ, laʼ veʼan li jpane
xchiʼuk koʼol xkuchʼtik li vino ti jkapoj xae.
7 Li buchʼu tstukʼibtas jun jlabanvaneje tsaʼ xkʼexlal stuk+
xchiʼuk buchʼuuk noʼox ti tstukʼibtas ti buchʼu toj chopole tsyayijes sba.
8 Mu xatukʼibtas li jun jlabanvaneje, mi moʼoje, ta spʼajot.+
Jaʼ tukʼibtaso li buchʼu pʼije, vaʼun ta skʼanot.+
9 Jaʼ pʼijubtaso li buchʼu pʼije, vaʼun mas to chpʼijub batel.+
Chanubtaso li buchʼu tukʼe, vaʼun chchan batel mas.
10 Li kʼusi baʼyel skʼan pasel sventa xijpʼijube jaʼ ti jxiʼtatik* li Jeovae.+
Li yojtikinobil yuʼun Chʼul Diose+ jaʼ li yaʼibel smelolale.
11 Yuʼun voʼon ta jkoj ti epal kʼakʼal chakuxie+
xchiʼuk ti epal jabil chakuxie.
12 Mi chapʼijube, chatabe sbalil li apʼijile,
yan mi jlabanvanejote, voʼot noʼox chatabe stojobil.
13 Li bol antse toj tsotsik snaʼ xkʼopoj.+
Muʼyuk spʼijil xchiʼuk mi jutebuk kʼusi snabe skʼoplal.
14 Te chchoti ta yochebal sna
ta jun chotlebal ti butik mas toyol li ta jteklume,+
15 xi chapta li buchʼutik te ch-echʼik batele,
jaʼ li jxanviletik ti tukʼ stamoj batel sbeike:
16 «Buchʼuuk noʼox ti chʼabal spʼijile, ochanik tal liʼe».