Salmos

Voʼoxuk li yajtuneloxuk Jeovae, kʼupil kʼoptaik,

kʼupil kʼoptabeik li sbi Jeovae.

 2 Akʼo yichʼ kʼupil kʼoptabel li sbi Jeova

avi xchiʼuk kʼalal to ta sbatel osile.+

 3 Akʼo yichʼ kʼupil kʼoptabel sbi Jeova+

ta slokʼeb kʼakʼal kʼalal to smaleb kʼakʼal.

 4 Li Jeovae jaʼ mas toyol oy, jaʼ mu sta li mukʼtik lumetike;+

li smukʼulale jaʼ mas toyol oy, jaʼ mu sta li vinajele.+

 5 ¿Buchʼu la xkoʼolaj jech kʼuchaʼal li Jeova Dios+ kuʼuntik

ti te nakal* ta toyole?

 6 Tsnijan sba yalel sventa tskʼel li vinajel xchiʼuk balumile,+

 7 tstoy likel ta pukuktik* li buchʼu bikʼit yakʼoj sbae,

tstoy likel ta tantik* li buchʼu abol sba+

 8 sventa te xchotan xchiʼuk li bankilaletike,

li bankilaletik ta steklumale.

 9 Chakʼbe sna li ants ti mu snaʼ x-alaje,

ti xkʼot ta meʼil ti xkuxet yoʼonton xchiʼuk yalabe.*+