Salmos
Sventa bankilal jtijson. Skʼejimol xnichʼnabtak Kore.+
47 Akotolik jteklumetik, tʼaxo akʼobik.
Avananik ta skoj ti kuch yuʼun li Diose, avananik ta muyubajel.
2 Yuʼun toj labal sba li Jeova ti jaʼ li Buchʼu toj toyol oye;+
jaʼ mukʼta Ajvalil ta spʼejel balumil.+
3 Tspas ta mantal li jteklumetik sventa xchʼunik jmantalkutike;
yakʼoj ti jpaskutik ta mantal li mukʼtik lumetike.+
5 Li Diose muy batel kʼalal jaʼo x-avlajetik ta muyubajele;
li Jeovae muy batel kʼalal jaʼo xnik noʼox li kachue.*
6 Kʼupil kʼoptaik ta kʼejimoletik* li Diose, kʼupil kʼoptaik ta kʼejimoletik.
Kʼupil kʼoptaik ta kʼejimoletik li Ajvalil kuʼuntike, kʼupil kʼoptaik ta kʼejimoletik.
7 Yuʼun jaʼ Ajvalil ta spʼejel balumil li Diose;+
kʼupil kʼoptaik ta kʼejimoletik xchiʼuk akʼo ta ilel apʼijilik.
8 Kʼotem xa ta Ajvalil ta stojolal mukʼtik lumetik li Diose.+
Li Diose chchoti li ta xchʼul chotleb sventa ajvalile.
9 Li jnitvanejetik yuʼun jteklumetike stsoboj xa sbaik
xchiʼuk li steklumal Sdios Abraane.
Yuʼun li ajvaliletik* ta balumile jaʼ yuʼun li Diose.
Jaʼ noʼox stuk ti toj toyol oye.+