EL KANTAR DE LOS KANTARES
1 Li skʼejimol Salomon+ ti mas kʼupil sbae:*
yuʼun toj echʼ xa noʼox lek ti kʼu yelan chavakʼ ta ilel ti akʼanojune, jaʼ xkom to slekil li vinoe.+
3 Kʼupil sba smuil li aperfumetake.+
Li abie xkoʼolaj kʼuchaʼal muil aseite kʼalal chichʼ malele.+
Jech oxal, skʼanojot li tsebetike.
4 Ikʼun batel;* anilajkutik batel.
¡Yuʼun laj yikʼun xa ochel ta yutil skuartotak li ajvalile!
Muyubajkutik xchiʼuk jmojuk xkuxet koʼontontik.
Jaʼ mas jloʼiltatik* ti kʼuxi chavakʼ ta ilel ti akʼanojune, jaʼ mu sta li vinoe.
Jech oxal, skʼanojikot.*
5 Stsebetak Jerusalen, yamal* tsebun, pe kʼupil jba
jech kʼuchaʼal li karpanaetik ta Kedare+ xchiʼuk jech kʼuchaʼal li spokʼal skarpana+ Salomone.
Ilinik ta jtojolal li skeremtak jmeʼe;
la svaʼanikun ta skʼelel ti bu tsʼunajtik uvae,
pe jaʼ muʼyuk la jkʼel ti bu jtsʼunoj j-uva jtuke.
7 Voʼot ti jkʼanojot tajeke, albun
bu chbat avakʼ veʼuk li achijtake,+
bu chavakʼbe xkux yoʼonton li ta oʼlol kʼakʼale.
Albun sventa mu teuk xbat jsaʼot ti bu chchabi xchijtak li achiʼiltake
ti xikoʼolaj xa kʼuchaʼal jun ants ti xpixoj sat ta pokʼe».*
8 «Voʼot ti mas kʼupil aba ta yan antsetike, mi mu xanaʼ bu chabate,
jaʼ tsʼaklio batel li yav yok chijetike
xchiʼuk bat akʼo veʼuk achʼiom tentsuntak li ta xokon skarpana jchabichijetike».
9 «Kuni kʼanbil tseb, ta jkoʼoltasot ta jkot meʼ kaʼ* ti tsnitbe skareta faraone.+
10 Alakʼ sba xokon asat ta skoj ti kʼupiltasbile,*
kʼupil sba ta natsʼiletik li anukʼe.
11 Ta jpastik xoj ajol ta oro
ti napʼanbil splataile».
13 Li kuni kʼanbil kereme xkoʼolaj chkil kʼuchaʼal jun volsa muil mirra+
ti te oy ta stiʼ koʼonton ta akʼobaltike.
14 Li kuni kʼanbil kereme xkoʼolaj chkil kʼuchaʼal jchex alenya nichim+
ti te xchʼi ti bu tsʼunajtik uva ta En-Guedie».+
15 «¡Kʼelavil!, kuni kʼanbil tseb, toj kʼupil aba.
¡Kʼelavil! Toj kʼupil aba. Li sbekʼ asate xkoʼolaj kʼuchaʼal sbekʼ sat paloma».+
16 «¡Kʼelavil!, kuni kʼanbil kerem, toj kʼupil aba* xchiʼuk jun avutsil.+
Jaʼ kʼotem ta jtemtik* li yanal teʼetike.
17 Li stsʼamteʼaltak jnatike* jaʼ sedro teʼ,
li steʼeltak sjol jnatike jaʼ enebro teʼ.
2 »Xikoʼolaj noʼox kʼuchaʼal asafran nichim ta stenlejaltik tiʼ nab,
jun lirio nichim ta stenlejaltik».+
2 «Li kuni kʼanbil tseb ti te oy ta stojolal li tsebetike
xkoʼolaj kʼuchaʼal lirio nichim ti te oy ta chʼixtikaltike».
3 «Li kuni kʼanbil kerem ti te oy ta stojolal li keremetike
xkoʼolaj kʼuchaʼal steʼel mantsana ti te oy ta teʼtikaltike.
Oy tajek ta koʼonton chichoti ta yaxinal*
xchiʼuk lek chiʼ chkaʼi li sate.
4 Laj yikʼun ochel li ta snail kʼine*
xchiʼuk skotolik laj yakʼik venta ti voʼon noʼox skʼanojune.
5 Akʼbeikun pan ti pasbil ta takin sat uva+ sventa xitsatsub-oe;
akʼbeikun mantsana sventa xakʼbun kipal,
yuʼun ipun ta skoj ti oy buchʼu jkʼanoje.
7 Stsebetak Jerusalen, albeikun ta jamal ta stojolal
li gaselaetik+ o li meʼ teʼtikalchijetik ta osiltike:
mu xasujikun xchiʼuk mu xatijik koʼonton sventa xikʼanvan, jaʼ to mi jech ayan ta koʼonton jtuke.+
8 ¡Laj kaʼi ti te xa xtal li kuni kʼanbil kereme!
¡Kʼelavil! Leʼ xa xtale,
te xa xmuy tal ta vitsetik, xpʼitomaj xa tal ta sba bikʼtal vitsetik.
9 Li kuni kʼanbil kereme xkoʼolaj kʼuchaʼal gasela, xkoʼolaj kʼuchaʼal chʼiom teʼtikalchij.+
Te vaʼal ta spat jmurotik,
te kʼelvanem ochel ta ventanaetik,
te nachʼal ochel sat ta srejailtak.
10 Xi chalbun li kuni kʼanbil kereme:
‹Likan, kuni kʼanbil tseb,
laʼ chiʼinun, kuni kʼupil tseb.
11 ¡Kʼelavil! Echʼ xa li inviernoe.*
Echʼ xa li yora voʼtike, jelav xa batel.
12 Vokʼ xa tal li nichimetik ta balumile,+
kʼot xa yorail ti chichʼ tuchʼbel skʼobtak+ li steʼel uvae
13 Tokʼonik xa li sba sat igoe;+
yakal xa chnichin li steʼeltak uvae xchiʼuk xmuet chlokʼ tal li yikʼe.
Likan, kuni kʼanbil tseb, laʼ.
Laʼ chiʼinun, kuni kʼupil tseb.
14 Kuni paloma, lokʼan talel ti bu anakʼoj* aba ta tayal jomajtik chʼene,+
li ta sjavbenal tayal* chʼene.
Akʼbun jkʼel li asate xchiʼuk akʼbun kaʼi li yechʼomal avee,+
yuʼun kʼupil sba li yechʼomal avee xchiʼuk alakʼ sba+ li apat axokone›».
15 «Jtsaktik li vetetike,
jtsaktik li kʼox vetetik ti tsokesik li steʼeltak uvae,
yuʼun yakal xa chnichin».
16 «Jaʼ kuʼun li kuni kʼanbil kereme xchiʼuk jaʼ yuʼunun ek.+
Te tskʼel xchij+ ti bu oy li lirio nichimetike.+
17 Kuni kʼanbil kerem, yoʼ to mu xtal ikʼ li ta kʼakʼaltike xchiʼuk yoʼ to mu xchʼay batel li axinale,*
sutan tal ta anil,
jech kʼuchaʼal li gasela+ o li chʼiom teʼtikalchij+ ti te oy li ta vitsetik ti xchʼakojutike.*
la jsaʼ, pe muʼyuk la jta.+
2 Chilik batel xchiʼuk chbat jxan li jteklume;
chbat jxan li kayeetike xchiʼuk li chʼivitetike,*
akʼbeikun jsaʼ li buchʼu jkʼanoje.
La jsaʼ, pe muʼyuk la jta.
3 Te la staikun li jchabivanejetik kʼalal jaʼo yakalik ta xanel li jteklume,+ vaʼun xi la jakʼbeike:
‹¿Mi oy bu laj avilik li buchʼu jkʼanoje?›.
4 Naka toʼox li-echʼ batel ti bu oy jchabivanejetik
kʼalal la jta li buchʼu jkʼanoje.
Tsots la jnit xchiʼuk mu xa jkʼan jkolta,
jaʼ to ti la jtikʼ ochel li ta sna jmeʼe,+
li ta yutil to skuarto ti bu lik xchiʼinun li jmeʼe.
5 Stsebetak Jerusalen, albeikun ta jamal ta stojolal
li gaselaetik o li meʼ teʼtikalchijetik ta osiltike:
mu xasujikun xchiʼuk mu xatijik koʼonton sventa xikʼanvan, jaʼ to mi jech ayan ta koʼonton jtuke».+
6 «¿Kʼusi xa noʼox ti leʼ xa xmuy talel ta takixokol balumil ti xkoʼolaj kʼuchaʼal chʼail* ti xtomet muyele,
ti muibtasbil ta mirra xchiʼuk ta sakil pome,*
ti muibtasbil ta jeltos muil perfumeetik ti chchon jpʼolmajele?».+
7 «¡Kʼelavil! Jaʼ li xkuchobil* Salomone.
Te joyol 60 ta voʼ tsatsal viniketik,
jaʼ li tsatsal viniketik ta Israele,+
8 yichʼoj s-espadaik skotolik,
chanemik lek ta paskʼop skotolik,
chukul lek ta xokonik s-espadaik
sventa xchabi sbaik ta skoj li kʼusitik xibalik sba ta akʼobaltike».
10 Li yoyaltake ta plata la spasbe,
li skiklebale pasbil ta oro.
Li xchotlebale pasbil ta tsots* ti bonbil ta kuxul moradoe;
li ta yute lek la skʼupiltasik
li stsebetak Jerusalen ta skoj ti kʼanvanemike».
11 «Stsebetak Sion, lokʼanik tal,
kʼelik lek li ajvalil Salomon
ti xojoj ta sjol li korona sventa nupunel* ti pasbat yuʼun smeʼ+
li ta skʼakʼalil snupunele,
kʼalal xmuyubaj tajek yoʼontone».
4 «¡Kʼelavil!, kuni kʼanbil tseb, toj kʼupil aba.
¡Kʼelavil! Toj kʼupil aba.
Li sbekʼ asat ti pixil ta pokʼe xkoʼolaj kʼuchaʼal sbekʼ sat paloma.
Li stsotsil ajole xkoʼolaj kʼuchaʼal jtsop tentsunetik
2 Li stanaltak avee xkoʼolaj kʼuchaʼal jtsop chijetik ti jaʼ to laj yichʼ lokʼbel stsotsile,
ti jaʼ to laj yichʼik pokele,
naka vach vokʼem li yolike
xchiʼuk mi jkotuk chʼayem li yalabike.
3 Li yanal avee* xkoʼolaj kʼuchaʼal no ti lek kuxul stsajale
xchiʼuk toj echʼ xa noʼox jun yutsil ta aʼiel li akʼopojele.
4 Li anukʼe+ xkoʼolaj kʼuchaʼal li tayal kʼelob osil yuʼun David+
ti pasbil ta latsbil tone,
ti te tʼuyajtik* jmil eskudoetike,*
skotol li set-set eskudoetik ti jaʼ yuʼunik li tsatsal viniketike.+
5 Li achuʼe xkoʼolaj kʼuchaʼal chaʼkot teʼtikalchij
ti jaʼ xvachtak li gaselae,+
ti te chveʼik ti bu oy li lirio nichimetike».
6 «Yoʼ to mu xtal ikʼ li ta kʼakʼaltike xchiʼuk yoʼ to mu xchʼay batel li axinale,*
chibat li ta vits ti bu oy mirrae
Yalan tal te ta jol vits Amana,*
te to xalik tal li ta jol vits Senire, li ta jol vits Ermone,+
te to xalik tal ti bu oy li xchʼen leonetike, te to xalik tal li ta vitsetik ti bu oy leopardoetike.
9 Kuni ixlel, kuni lekom,* la aloʼlabun xa koʼonton.+
Ta jun noʼox velta la akʼelun toj kʼotelot ta koʼonton,
ta jpʼej noʼox avuni natsʼ kʼupij koʼonton avuʼun.
10 Kuni ixlel, kuni lekom,* ¡toj echʼ xa noʼox lek ti kʼu yelan chavakʼ ta ilel ti akʼanojune!+
¡Toj echʼ xa noʼox lek ti kʼu yelan chavakʼ ta ilel ti akʼanojune, jaʼ xkom to slekil li vinoe+
xchiʼuk toj echʼ xa noʼox lek smuil li aperfumee, jaʼ xkom to smuil li yan muil tsʼiʼleletike!+
11 Kuni lekom,* te tstsʼuj lokʼel tal batsʼi pom+ li ta yanal avee.*
Li avokʼe+ xkoʼolaj kʼuchaʼal leche xchiʼuk pom,
li smuil akʼuʼ apokʼe xkoʼolaj kʼuchaʼal li smuil teʼetik ta Libanoe.
12 Li kuni ixlele, li kuni lekome* xkoʼolaj kʼuchaʼal nichimaltik ti lek joybile,
jech kʼuchaʼal nichimaltik ti lek joybile, jun nioʼ ti lek makale.
13 Xakoʼolaj kʼuchaʼal li steʼeltak granada* ta jun nichimaltik ti pim tajek sat li ta skʼobkʼobtake,
te oy ti bu mas kʼupilik sba sate, li alenya nichime xchiʼuk li nardo nichime,
14 li nardo nichime,+ li asafran nichime, li valeʼ ti mu yikʼe+ xchiʼuk li kanelae+
xchiʼuk oy ep ta tos steʼeltak sakil pom, mirra xchiʼuk aloe,*+
te oy xtok skotol li perfumeetik ti mas lekike.+
15 Jaʼot jun nioʼ ta nichimaltik, jun sposoal voʼ ti stakʼ uchʼele
xchiʼuk ukʼumetik ti chlik talel yok ta Libanoe.+
16 Ikʼ ta norte, julavan,
ikʼ ta sur, ochan tal,
kʼunkʼun xavuchʼta* tal li nichimaltik kuʼun
sventa xpuk batel li smuile».
«Akʼo ochuk ta nichimaltik yuʼun li kuni kʼanbil kereme
xchiʼuk akʼo slobe li sat teʼetik ti mas lekike».
La jtsob li jmirrae xchiʼuk li muil tsʼiʼleletik kuʼune.+
Laj xa jloʼ li jpom ti tstsʼuj yalel tal ta snae;
laj xa kuchʼ li jvinoe xchiʼuk li jlechee».+
«¡Kuni amigotak, veʼanik!
¡Uchʼbolajanik xchiʼuk etʼeso avoʼontonik ti kʼu yelan chavakʼik ta ilel ti akʼanoj abaike!».+
2 «Vayemun, pe jaʼ julavem li koʼontone.+
¡Xkaʼi ti xkʼojkʼun li kuni kʼanbil kereme!
‹¡Kuni ixlel, kuni kʼanbil tseb, laʼ jambun,
kuni paloma ti mu jsetʼuk* achopolile!
Yuʼun tʼuxul xa ta tsʼujul li jole,
tʼuxul xa stsotsil jol li ta job osil ta akʼobaltike›.+
3 Jlokʼoj xa li jnatil kʼuʼ ti chʼabal skʼobe.
¿Mi ta to van jlap yan velta?
Jpokoj xa li kakane.
¿Mi ta to van xkikʼubtas yan velta?
4 Li kuni kʼanbil kereme la slokʼes skʼob ti bu sjamobil tiʼ nae,
vaʼun xpʼitpʼun xa kom li koʼontone.
5 Lik jambe tiʼ na li kuni kʼanbil kereme;
tsʼuj yalel mirra li ta jkʼobe
xchiʼuk tsʼuj yalel s-aseiteal mirra ta sniʼ jkʼob,
vaʼun te kʼot ta sba li sjamobil tiʼ nae.
6 La jambe li kuni kʼanbil kereme,
pe sut xa ox batel li kuni kʼanbil kereme, batem xa ox.
Chopol tajek laj kaʼi jba kʼalal bate.
La jsaʼ, pe muʼyuk bu la jta.+
Laj kapta, pe muʼyuk bu la stakʼbun.
7 La staikun li jchabivanejetik kʼalal jaʼo yakalik ta xanel li jteklume.
La smajikun xchiʼuk la syayijesikun.
Li jchabiej muroetike la spojbeikun li jmochibe.
8 Stsebetak Jerusalen, albeikun ta jamal:
mi oy bu la ataik li kuni kʼanbil kereme,
albeik ti ipun ta skoj ti jkʼanoje».
9 «¿Kʼuxi ti mas lek kʼuchaʼal yan viniketik li avuni kʼanbil kereme,
voʼot ti mas kʼupil aba ta yan antsetike?
¿Kʼuxi ti mas lek kʼuchaʼal yan viniketik li avuni kʼanbil kereme,
ti chavalbunkutik ti oyuk kʼusi xkalkutik ta jamale?».
10 «Li kuni kʼanbil kereme toj alakʼ sba xchiʼuk chakvoxan* noʼox,
stuk noʼox jech li ta lajunmil viniketike.
11 Li sjole toj kʼupil sba jech kʼuchaʼal li batsʼi lekil oroe.
Li stsotsil sjole xkoʼolaj kʼuchaʼal yanaltak xan ti xniʼlajete,*
lek ikʼtsʼujan jech kʼuchaʼal joj mut.
12 Li sbekʼtak sate xkoʼolaj kʼuchaʼal palomaetik ti te oy ta xokon ukʼum
ti te ch-atinik ta lechee,
ti te kotajtik ta xokon tanke ti noj lek yaʼlele.
13 Li xokon sate xkoʼolaj kʼuchaʼal muil tsʼiʼleletik ti te oy ta yavile,+
xkoʼolaj kʼuchaʼal epal muil vomoletik.
Li yanal yee* xkoʼolaj kʼuchaʼal lirio nichimetik ti stsʼujtsʼun chlokʼ tal s-aseiteal mirrae.+
14 Li sniʼtak skʼobe jaʼ oro. Li sniʼtak yichʼake jaʼ krisolito ton.
Li xchʼute jaʼ chʼulbil marfil ti pixil ta safiro tone.
15 Li yakantake jaʼ oyetik ti pasbil ta marmol ti jaʼ lekil oro li snaklebe.
Li spat xokone xkoʼolaj kʼuchaʼal li Libanoe, xkoʼolaj kʼuchaʼal sedro teʼ+ ti stuk noʼox jeche.
Stsebetak Jerusalen, taje jaʼ li buchʼu jkʼanoje, jaʼ li kuni kʼanbil kereme».
6 «¿Bu bat li avuni kʼanbil kereme,
voʼot ti mas kʼupil aba ta yan antsetike?
¿Bu beal la stam batel li avuni kʼanbil kereme?
Chbat jchiʼinotkutik ta saʼel».
2 «Li kuni kʼanbil kereme yal batel li ta nichimaltik yuʼune,
ti bu oy yav li muil tsʼiʼleletike,
sventa xchabi xchijtak li ta nichimaltike
xchiʼuk sventa stsob lirio nichimetik.+
3 Jaʼ yuʼunun li kuni kʼanbil kereme
xchiʼuk jaʼ kuʼun ek li kuni kʼanbil kereme,+
te tskʼel xchij ti bu oy li lirio nichimetike».+
4 «Kuni kʼanbil tseb,+ toj kʼupil aba kʼuchaʼal li Tirsae,*+
toj alakʼ aba kʼuchaʼal li Jerusalene,+
toj labal aba kʼuchaʼal soltaroetik ti chapalik xa sventa paskʼope.+
5 Mu xa xakʼelun,+
yuʼun mu xa jnaʼ kʼusi ta jpas yuʼun li sbekʼ avuni sate.
Li stsotsil ajole xkoʼolaj kʼuchaʼal jtsop tentsunetik
ti xkʼietik* yalel tal ta anil ta yalebaltik yuʼun Galaade.+
6 Li stanaltak avee xkoʼolaj kʼuchaʼal jtsop chijetik
ti jaʼ to laj yichʼik pokele,
naka vach vokʼem li yolike
xchiʼuk mi jkotuk chʼayem li yalabike.
8 Akʼo mi oy 60 ta voʼ meʼ ajvaliletik,
akʼo mi oy 80 ta voʼ tsʼakal ajnilaletik
xchiʼuk akʼo mi mu albajuk yepal li tsebetike,+
9 pe jun noʼox li kuni paloma+ ti muʼyuk jsetʼuk* xchopolile.
Stuk noʼox jech ilbil yuʼun li smeʼe.
Jaʼ noʼox stuk kʼanbil yuʼun li buchʼu vokʼesate.
Kʼalal chilik li tsebetike, tslekil kʼoptaik;
li meʼ ajvaliletik xchiʼuk li tsʼakal ajnilaletike ta skʼupil kʼoptaik.
10 ‹¿Buchʼu xa noʼox ti xojobinaj* jech kʼuchaʼal li kʼakʼal ti naka to chlokʼ talele,
ti toj kʼupil sba kʼuchaʼal luna* ti lek xa yije,
ti lek sak kʼuchaʼal li xojobal kʼakʼale,
ti toj labal sba kʼuchaʼal soltaroetik ti chapalik xa sventa paskʼope?›».+
11 «Liyal batel li ta nichimaltik ti bu oy li steʼeltak nuese*+
sventa jkʼel mi oy xa kʼusi chʼiem tal li ta stenlejaltike,*
sventa jkʼel mi kʼelomajem xa tal* li steʼel uvae,
sventa jkʼel mi tʼomem xa xnich li steʼeltak granadae.*
12 Muʼyuk toʼox kakʼoj venta,
pe ta skoj ti oy ta koʼonton skʼelel li kʼusitik taje, te xa ox oyun
ti bu oy skaretatak li jteklumal ti lek xkoltavane».
13 «¡Jsulem tseb, sutan tal, sutan tal!
¡Sutan tal, sutan tal,
yuʼun ta jkʼan ta jkʼelotkutik!».
«¿Kʼu yuʼun ti te akʼelojik-o li jsulem tsebe?».+
«¡Yuʼun xkoʼolaj kʼuchaʼal li j-akʼotetik ta Maanaime!».
7 «¡Tseb ti lek xanaʼ xakoltavane,
solel toj kʼupil sba li avakan ta axonobe!
Li xokontak yolon achukbenale* xkoʼolaj kʼuchaʼal natsʼiletik
ti jaʼ yabtel skʼob li buchʼutik xtojobik lek spasele.
2 Li amixikʼe xkoʼolaj kʼuchaʼal uni set-set kopa.
Oyuk-o me svinoal ti lek kapbile.
Li achʼute jaʼ jtsop trigo
ti joybil ta lirio nichimetike.
3 Li achuʼe xkoʼolaj kʼuchaʼal chaʼkot teʼtikalchij
ti jaʼ xvachtak li gaselae.+
4 Li anukʼe+ xkoʼolaj kʼuchaʼal jun tayal kʼelob osil+ ti pasbil ta marfile.
Li aniʼe xkoʼolaj kʼuchaʼal tayal kʼelob osil ta Libano
ti skʼeloj batel Damaskoe.
5 Li ajole toj kʼupil sba jech kʼuchaʼal li Karmeloe,+
li stsotsil ajole+ xkoʼolaj kʼuchaʼal tsots* ti bonbil ta kuxul moradoe.+
Li ajvalile solel loʼlabil-o* yoʼonton ti kʼu yelan kʼunkʼun xkʼiet li stsotsil ajole.
6 Kʼanbil tseb, ¡toj kʼupil aba, toj jun avutsil,
atuk xa noʼox jech kʼuchaʼal li yan kʼusitik ti chichʼ kʼupinele!
8 Xi laj kale: ‹Chimuy li ta steʼel xane
sventa jtsak kikob li ta skʼobkʼobtak ti bu oy sate›.
Akʼo koʼolajuk kʼuchaʼal jujuchoj uva li achuʼe,
akʼo koʼolajuk kʼuchaʼal smuil mantsana li yikʼ avee
9 xchiʼuk akʼo koʼolajuk kʼuchaʼal lekil vino li avee».
«Akʼo junuk yutsil xyal batel ta snukʼ li kuni kʼanbil kereme,
akʼo junuk yutsil xyal batel ta stiʼil ye li buchʼutik chvayike.
10 Jaʼ yuʼunun li kuni kʼanbil kereme+
xchiʼuk voʼon noʼox ti tskʼanun tajeke.
11 Laʼ, kuni kʼanbil kerem,
batik li ta osiltike;
bat jkux koʼontontik ti bu oy li alenya nichimetike.+
12 Sob xijlik batel, vaʼun batik ti bu tsʼunajtik uvae
sventa xbat jkʼeltik mi kʼelomajem xa tal* li steʼel uvae,
mi tʼomem xa tal li xniche+
Te chkakʼbot ta ilel ti jkʼanojote.+
13 Chpuk xa lokʼel smuil li mandragoraetike,*+
oy ep ta tos lekil sat teʼetik+ li ta xokon stiʼ jnatike.
Oy achʼ sat teʼetik xchiʼuk takin sat teʼetik,*
kuni kʼanbil kerem, voʼot jkʼejojbot.
2 Ti jechuke, ta jbeiltasot batel,
ta jtikʼot ochel li ta sna jmeʼ+
ti jaʼ li buchʼu la xchanubtasune.
Jechuke, chkakʼbot avuchʼ vino ti kapbil ta muil tsʼiʼleletike
xchiʼuk li yaʼlel granada* ti jaʼ to pasbile.
4 Stsebetak Jerusalen, albeikun ta jamal:
mu xasujikun xchiʼuk mu xatijik koʼonton sventa xikʼanvan, jaʼ to mi jech ayan ta koʼonton jtuke».+
5 «¿Buchʼu ti leʼ xmuy tal ta takixokol balumil
ti smeyoj tal li yuni kʼanbil kereme?».
«Te la jtijot ta yolon steʼel mantsana.
Jaʼ te laj yaʼibe xkʼuxul alajel li ameʼe,
jaʼ te lavokʼ yuʼun.
6 Akʼun kʼuchaʼal seyo li ta avoʼontone,
jech kʼuchaʼal seyo ta akʼob,
yuʼun li kʼanelale tsots tajek jech kʼuchaʼal li lajelale+
xchiʼuk li stukʼil oʼontonale tsots tajek jech kʼuchaʼal li Mukinale.*
Li kʼanelal taje xkoʼolaj kʼuchaʼal sleb kʼokʼ ti xtiltune,* jaʼ li sleb kʼokʼ yuʼun Jeovae.*+
7 Li voʼ ti xyukʼlajete mu xtupʼ yuʼun li kʼanelale+
xchiʼuk mi jaʼuk xkuch yuʼun batel li ukʼumetike.+
Mi oy junuk vinik ti chakʼ skotol skʼulejal ta sna ta skoj li kʼanelale,
muʼyuk lek chichʼ ilel ta jyalel».*
8 «Oy jun jkʼox ixleltik+
ti chʼabal to xchuʼe.
¿Kʼusi van ta jpastik ta stojolal li kixleltik
mi tal yichʼ kʼanele?».
9 «Mi jaʼ jun muro li kixleltike,
ta to jvaʼanbetik muyel smak sjol ta plata,
pe mi jaʼ jun tiʼ nae,
ta jkʼuxtatik* lek ta pimil tavla ta sedro teʼ».
10 «Jaʼun jun muro
xchiʼuk li jchuʼe xkoʼolaj kʼuchaʼal tayal kʼelob osil.
Jech xtok, li kuni kʼanbil kereme chakʼ venta stuk
ti jun noʼox koʼontone.
11 Li Salomone oy stsʼunoj s-uva+ ta Baal-Amon.
Oy buchʼutik laj yakʼbe komel skʼel li s-uvae.
Ta jujuntal chichʼbeik tal jmil ta sep plata ta sventa li sate.
12 Salomon, li jmil ta sep platae jaʼ avuʼun atuk,
yan li chib siene jaʼ sventa li buchʼutik chchabiik uvae.
Pe oy bu jtsʼunoj j-uva ti jaʼ noʼox kuʼun jtuke».
13 «Voʼot ti te nakalot ta nichimaltike,+
chaʼiik yechʼomal ave li jchiʼiltake.
Akʼbun kaʼi ek».+
14 «Kuni kʼanbil kerem, sujo aba
xchiʼuk anil xatal jech kʼuchaʼal gasela,+
jech kʼuchaʼal chʼiom teʼtikalchij
te ta vitsetik ti bu chchʼi
muil tsʼiʼleletike».
O «ti mas leke».
O «sbutsʼun; stsʼutsʼunun».
Literal «Nopajesun ta atojolal».
O «jkʼupil kʼoptatik».
Jaʼ xkaltik, li tsebetike.
Literal «ikʼal». O «tsajal».
Literal «ikʼal». O «tsajal».
O «ta pokʼ sventa at-oʼontone».
O «smeʼ jkaʼ».
O jaʼ van skʼoplal «li xpechʼbenal ajole».
Literal «li jnardoe».
O «alakʼ aba».
O «jvayebtik».
O «jmukʼta natike».
O «skeoval».
O «snail vinoe».
O «surtokʼobe».
Jaʼ xkaltik, yorail siktik. O «li yorail voʼtike».
O «puruvoke».
O «amukoj».
O «likil».
O «li keovale».
O jaʼ van skʼoplal «li ta vitsetik ti javemike». O «li ta vitsetik ta Betere».
O «jvayeb».
O «ti bu oy ep krixchanoetike».
O «chʼayil».
Kʼelo Glosario, sakil pom.
Jaʼ jun chotlebal ti lek pixil ti jaʼ chichʼ kuchel-o li buchʼu tsots skʼoplale.
Jaʼ jun chotlebal ti lek pixil ti jaʼ chichʼ kuchel-o li buchʼu tsots skʼoplale.
Taje jaʼ stsotsil chij o stsotsil yan chonbolometik.
Taje jaʼ van jun korona ti pasbil ta nichimetik o ta yanaltak teʼe.
O «stsopetik».
O «spakʼal avee».
O «jov».
Jaʼ jtos sat teʼ ti lek tsoj skoloral ti xkoʼolajtik kʼuchaʼal mantsanae.
O «jokʼajtik; jipajtik».
O «makobbailetike».
O «li keovale».
Kʼelo Glosario, sakil pom.
O «jutebuk».
O «elom».
O «ta jol vitstikaltik ta yeloval Libano».
O «elom».
O «elom».
O «elom».
O «spakʼal avee».
O «elome».
Jaʼ jtos sat teʼ ti lek tsoj skoloral ti xkoʼolajtik kʼuchaʼal mantsanae.
Jaʼ sbi jtekʼ teʼ ti lek xmuete. Kʼalal jaʼo tsʼibaj li Vivliae, tstunesik kʼuchaʼal perfume.
O «xajuchʼta».
O «elom».
O «jutebuk».
O «xkuxoj; tʼujom».
O jaʼ van skʼoplal «jujuchoj sat xan». O «xneʼlajete».
O «spakʼal yee».
O «spakʼal yee».
O «li Kʼupil sba Jteklume».
O «stsopetik».
O «jov».
Jaʼ jtos sat teʼ ti lek tsoj skoloral ti xkoʼolajtik kʼuchaʼal mantsanae.
O «jutebuk».
Literal «ti chkʼelvan yalel».
O «u».
Taje jaʼ jtos steʼel nues ti chchʼi ta Israele.
O «beoʼtik ta stenlejaltike».
O «mi tʼomem xa tal xnich».
Jaʼ jtos sat teʼ ti lek tsoj skoloral ti xkoʼolajtik kʼuchaʼal mantsanae.
O «achʼute».
Taje jaʼ stsotsil chij o stsotsil yan chonbolometik.
O «chukbil-o».
Literal «datil».
O «mi tʼomem xa tal xnich».
Jaʼ jtos sat teʼ ti lek tsoj skoloral ti xkoʼolajtik kʼuchaʼal mantsanae.
Jaʼ jtos tsʼiʼlel ti chakʼ sjol ti xkoʼolajtik kʼuchaʼal isakʼe.
Literal «li sat teʼetik ti voʼne xa kʼejajtike».
O «jxiʼmelote».
O «xchuʼuntasot».
O «jbutsʼot; jtsʼutsʼunot».
O «pat nae».
Jaʼ jtos sat teʼ ti lek tsoj skoloral ti xkoʼolajtik kʼuchaʼal mantsanae.
O «asurtokʼobe».
O «Seole», jaʼ xkaltik, li mukinal ta komon yuʼun krixchanoetike. Kʼelo Glosario, mukinal.
O «xloklune; xpulpune».
Literal «Jae». Taje jaʼ skomkom bi li Jeovae.
O jaʼ van skʼoplal «muʼyuk lek chichʼ ilel ta jyalel li vinike».
O «jtenutik; jkʼuxitik».