AMOS
1 Liʼe jaʼ li kʼusi laj yal Amos* ti jaʼ jun jtsʼunchij te ta Tekoae,+ oy kʼusi akʼbat yil ta sventa Israel kʼalal jaʼo ochem ta ajvalil ta Juda li Usiase+ xchiʼuk kʼalal jaʼo ochem ta ajvalil ta Israel li Jeroboan+ xnichʼon Joase,+ jaʼo kʼalal chib toʼox jabil skʼan x-echʼ li nikele.+ 2 Xi laj yale:
«Li Jeovae te chlik avanuk ta Sion jech kʼuchaʼal jkot leon,
te chlik avanuk tal ta Jerusalen.
3 «Xi chal li Jeovae:
‹«Ta skoj ti yoxibal, xchanibal xa velta la stoy sba* li Damaskoe, jpʼel skʼoplal chkʼot ta pasel li kʼusi jnopoje,
yuʼun laj yikʼaik li Galaad ta yikʼaobil sat tsʼunobil ti pasbil ta tsatsal takʼine.+
4 Ta jtakbe talel skʼakʼal li sna Asaele+
xchiʼuk chkʼakʼ li tsatsal tayal kʼelob osiletik yuʼun Ben-Adade.+
5 Ta jlilinbe li stakʼinaltak yochebal Damaskoe;+
ta jlajesbe skʼoplal li jnaklejetik ta Bikat-Avene
xchiʼuk li buchʼu te ch-ajvalilaj* ta Bet-Edene;
chukbil chbatik ta Kir+ li jnaklejetik ta Siriae», xi li Jeovae›.
6 Xi chal li Jeovae:
‹«Ta skoj ti yoxibal, xchanibal xa velta la stoy sba li Gasae,+ jpʼel skʼoplal chkʼot ta pasel li kʼusi jnopoje,
yuʼun laj yakʼik ta skʼob Edom li jtsop jchukeletike.+
7 Ta jtakbe talel skʼakʼal li smuroal Gasae+
xchiʼuk chkʼakʼ li tsatsal tayal kʼelob osiletik tee.
8 Ta jlajesbe skʼoplal li jnaklejetik ta Asdode+
xchiʼuk li buchʼu te ch-ajvalilaj* ta Askelone;+
ta jyeʼ batel jkʼob sventa jkontrain li Ekrone,+
jech xtok, chchʼay stsʼunbal li jfilisteaetik ti jayvoʼ to te komemike»,+ xi li Kajvaltik Jeova ti jaʼ Mukʼul Jpasmantale›.
9 Xi chal li Jeovae:
‹Ta skoj ti yoxibal, xchanibal xa velta la stoy sba li Tiroe,+ jpʼel skʼoplal chkʼot ta pasel li kʼusi jnopoje,
yuʼun laj yakʼik ta skʼob Edom li jtsop jchukeletike
xchiʼuk muʼyuk la svules ta sjolik li trato la spas xchiʼuk li xchiʼilik ta vokʼele.+
10 Ta jtakbe talel skʼakʼal li smuroal Tiroe
xchiʼuk chkʼakʼ li tsatsal tayal kʼelob osiletik tee›.+
11 Xi chal li Jeovae:
‹Ta skoj ti yoxibal, xchanibal xa velta la stoy sba li Edome,+ jpʼel skʼoplal chkʼot ta pasel li kʼusi jnopoje,
yuʼun la snuts ta espada li xchiʼil ta vokʼele+
xchiʼuk muʼyuk la xkʼuxubin.
Jech-o la slilinan ta tiʼel ta skʼakʼal yoʼonton,
jech-o xkapet sjol ta stojolalik.+
13 Xi chal li Jeovae:
‹«Ta skoj ti yoxibal, xchanibal xa velta la stoy sba li j-ammonetike,+ jpʼel skʼoplal chkʼot ta pasel li kʼusi jnopoje,
yuʼun la sjatbeik xchʼut li antsetik ta Galaad ti xchiʼuk yolike, yuʼun tskʼan chepajes li yosilike.+
14 Li ta yorail paskʼope,
ta jtakbe talel skʼakʼal li smuroal Rabae.+
Li kʼokʼ xchiʼuk li ikʼ chtal kʼalal tsots ch-avanik li ta paskʼope
chjin yuʼun ek li tsatsal tayal kʼelob osiletik tee.
15 Li ajvalil yuʼunike jmoj chichʼ chukel batel xchiʼuk li bankilal j-abteletik yuʼune»,+ xi li Jeovae›.
2 »Xi chal li Jeovae:
‹«Ta skoj ti yoxibal, xchanibal xa velta la stoy sba* li Moabe,+ jpʼel skʼoplal chkʼot ta pasel li kʼusi jnopoje,
yuʼun la xchikʼbe sbakil li ajvalil ta Edom sventa spas ta tane.
2 Ta jtakbe talel skʼakʼal li Moabe
xchiʼuk chkʼakʼ li tsatsal tayal kʼelob osiletik ta Keriyote;+
li Moabe chlaj skʼoplal ta skoj ti x-avlajetik noʼoxe,
ta skoj ti x-avetik ta paskʼope xchiʼuk ti tsjupanik kachue.+
3 Ta jip lokʼel li ajvalil* tee
xchiʼuk jmoj ta jmil xchiʼuk li bankilal j-abteletik yuʼune»,+ xi li Jeovae›.
4 Xi chal li Jeovae:
‹Ta skoj ti yoxibal, xchanibal xa velta la stoy sba li Judae,+ jpʼel skʼoplal chkʼot ta pasel li kʼusi jnopoje,
yuʼun la spʼajik li beiltasel yuʼun Jeovae
xchiʼuk muʼyuk la xchʼunik li mantaletik yuʼune.+
Kʼajomal jaʼ kʼejpʼujik-o* ta be ta skoj ti jaʼ la spasik li kʼusi la sjut* smoltotakike.+
5 Ta jtakbe talel skʼakʼal li Judae
xchiʼuk chkʼakʼ li tsatsal tayal kʼelob osiletik ta Jerusalene›.+
6 Xi chal li Jeovae:
‹Ta skoj ti yoxibal, xchanibal xa velta la stoy sba li Judae,+ jpʼel skʼoplal chkʼot ta pasel li kʼusi jnopoje,
yuʼun tsjelik ta plata li buchʼu muʼyuk smule
xchiʼuk tsjelik ta jchop xonobil li povree.+
7 Te chpechʼilanbeik ta tekʼel sjolik ta pukuktik* li buchʼutik abol sbaike+
xchiʼuk tsmakbeik sbe li manxoe.+
Li vinik xchiʼuk stote chchiʼinik ta vayel li jun noʼox tsebe,
jaʼ jech tsokbeik skʼoplal li jchʼul bie.
8 Li kʼuʼil pokʼil ti chichʼik komel ta prental* kʼalal oy kʼusi chakʼik ta chʼome+ jaʼ xa tstasinik ti kʼalal te xpuchʼetik ta stsʼel jujun skajleb matanale;+
jech xtok, jaʼ laj yuchʼik-o ta vino te ta sna* sdiosik li multa la skʼanike›.
9 ‹Pe voʼon la jlajes ta yeloval satik li j-amorreoetik+
ti toj natik toʼox jech kʼuchaʼal sedro teʼetike xchiʼuk ti toj tsotsik toʼox jech kʼuchaʼal li tulanetike.
La jlajesbe skʼoplal li sat ta toyole xchiʼuk li yibele.+
10 Jech xtok, la jlokʼesik talel ta yosilal Ejipto,+
40 jabil te echʼik kuʼun ta takixokol balumil+
sventa xuʼuninik li yosil j-amorreoetike.
11 La jvaʼan ta j-alkʼopetik junantik anichʼnabik+
xchiʼuk la jvaʼan ta jnasareoetik li junantik akeremike.+
¿Mi mu jechuk jteklum, Israel?›, xi li Jeovae.
12 ‹Pe li voʼoxuke lik avakʼbeik yuchʼ vino li jnasareoetike+
xchiʼuk xi chavalbeik li j-alkʼopetike: «Mu xavalik albil kʼopetik».+
13 Te noʼox ta jvochʼoxuk ti bu oyoxuke
jech kʼuchaʼal li kʼusi tsta ta vochʼel li jkot kareta ti noj ta sat tsʼunobil ti jaʼ to laj yichʼ tuchʼele.
14 Li buchʼu lek xuʼ yuʼun anile mu onoʼox xuʼ yuʼun xjatav,+
li buchʼu lek tsots xuʼ yuʼune te noʼox chlaj yipal
xchiʼuk mi junuk soltaro kuxul chkom.
15 Li j-akʼflechae mu xkuch yuʼun li paskʼope,
maʼuk xa chkol li buchʼu lek xuʼ yuʼun anile
xchiʼuk maʼuk xa kuxul chkom li jkajlejetik ta kaʼe.
3 «Jteklum Israel, aʼio avaʼiik li kʼusi chal ta atojolalik li Jeovae, li kʼusi chal ta stojolal sjunul li utsʼ alalil ti la jlokʼes talel ta yosilal Ejiptoe:
2 ‹Voʼoxuk noʼox xkojtikinoxuk ta skotol li yantik utsʼ alaliletik ta balumile.+
Jaʼ yuʼun, voʼoxuk chkakʼ atoj amulik ta skotol li kʼusitik chopol chapasike.+
3 ¿Mi xuʼ van jmoj xlotet chanav chaʼvoʼ krixchano mi muʼyuk xchapoj tsta sbaike?
4 ¿Mi jech noʼox van te xloket snukʼ* jkot leon ta teʼtik mi muʼyuk te skʼeloj sveʼele?
¿Mi jech noʼox van te x-avet jkot chʼiom leon* ta xchʼen mi muʼyuk te stsakoj sveʼele?
5 ¿Kʼuxi xa noʼox ch-och ta petsʼ jkotuk mut mi muʼyuk te akʼbil xchʼojonale?*
¿Mi jech noʼox van chnik junuk petsʼ ta lumtik mi muʼyuk kʼusi staoj ta tsakele?
6 ¿Mi mu tauk xnikik ta xiʼel li krixchanoetik kʼalal chichʼ jupanel kachu ta jteklume?
¿Mi mu jaʼuk yabtel Jeova mi kʼot jtosuk vokolil li ta jteklume?
7 Yuʼun li Ajvalil Jeova ti jaʼ Mukʼul Jpasmantale muʼyuk kʼusi tspas jtosuk
mi muʼyuk to yakʼojbe snaʼ yaj-alkʼoptak li kʼusi mukul skʼoplal yuʼune.+
8 ¡Avan xa li jkot leone!,+ ¿buchʼu xa noʼox mu xiʼ?
¡Kʼopoj xa li Ajvalil Jeova ti jaʼ Mukʼul Jpasmantale!, ¿mi oy van buchʼu muʼyuk chal batel?›.+
9 ‹Alik batel li ta tsatsal tayal kʼelob osil ta Asdode
xchiʼuk li ta tsatsal tayal kʼelob osil ta yosilal Ejiptoe.
Xi xavalike: «Tsobo abaik ta skontrainel li vitstikaltik yuʼun Samariae;+
akʼik avil venta kʼu to yelan li vokolil tee
xchiʼuk ti yan sba tsloʼla sbaike.+
10 Yuʼun mu snaʼik kʼuxi ta pasel li kʼusi tukʼe,
jaʼ li buchʼutik tstsob skʼulejalik ta skoj ti ch-ilbajinvanik xchiʼuk ta skoj ti oy kʼusitik la slajesbeik skʼoplale», xi li Jeovae›.
11 Jaʼ yuʼun, xi chal li Ajvalil Jeova ti jaʼ Mukʼul Jpasmantale:
‹Chtal jun jkontrainvanej sventa sjoyibta li lume,+
tslajes li avipe
xchiʼuk xokol xa chikta li tsatsal tayal kʼelob osiletik avuʼune›.+
12 Xi chal li Jeovae:
‹Jech kʼuchaʼal jun jchabichij ti chjochbe lokʼel ta ye leon chaʼtel yoʼ chij o jxutʼuk xchikine,
jaʼ jech chichʼ jochel lokʼel li jteklum Israele,
jaʼ li buchʼutik te xchotetik ta lekil temetik* xchiʼuk ta lekil chotlebaletik* li ta Samariae›.+
13 ‹Chikintaik xchiʼuk pʼijubtasik* li snitilulal Jakobe›, xi li Ajvalil Jeova ti jaʼ Mukʼul Jpasmantale, li Dios ti jaʼ bankilal yuʼun soltaroetike.*
14 ‹Mi sta yorail chkakʼbe stoj smul li Israel ta skoj li stoyobbaile,*+
chkakʼbe stoj smul ek li skajleb matanaletik ta Betele.+
Chichʼ tuchʼel lokʼel li xulubtak skajleb matanale xchiʼuk te chpʼaj* yalel ta balumil.+
15 Ta jines li naetik sventa inviernoe* xchiʼuk li naetik sventa veranoe›.*
‹Chlaj skʼoplal li naetik ta marfile+
xchiʼuk chkʼot yorail chlaj li mukʼtik* naetike›,+ xi li Jeovae».
4 «Aʼio avaʼiik meʼ vakaxetik ta Basan
ti te oyoxuk ta vitstikaltik yuʼun Samariae,+
voʼoxuk antsetik ti chaloʼlaik li buchʼutik abol sbaike+ xchiʼuk ti chapechʼik ta tekʼel li povreetike,
ti xi chavalbe li amalalike:* ‹¡Ichʼbeikunkutik tal jutebuk kʼusi kuchʼkutik!›.
2 Li Kajvaltik Jeova ti jaʼ Mukʼul Jpasmantale xi jamal yaloj ta skoj ti chʼule:
‹«¡Aʼio avaʼiik! Ta xkʼot skʼakʼalil chavichʼik chechel muyel ta xotxot takʼinetik ti jaʼ tstunesik li jchonbekʼetetike,
li yantik xtoke chichʼik chechel muyel ta stsakobiltak choy.
3 Tukʼ chalokʼik ta jujuntal ti bu jomajtik li muroe;
vaʼun chavichʼik jipel batel ta Armon», xi li Jeovae›.
5 Chikʼik pan ti yichʼoj levadura*+ sventa xatojbeik ta vokol li Diose;
¡tsots xavalik batel ti lokʼ ta avoʼontonik yakʼel matanale!,
yuʼun jaʼ xa xalajik-o spasel, jteklum Israel›, xi li Kajvaltik Jeova ti jaʼ Mukʼul Jpasmantale.
6 ‹Yan li voʼone lalajik kuʼun ta viʼnal* ta sjunul li ateklumalike
xchiʼuk mi jpʼejuk ta na laj kakʼboxuk aveʼelik;+
pe muʼyuk bu xasutik tal ta jtojolal›,+ xi li Jeovae.
7 ‹Jech xtok, muʼyuk laj kakʼ taluk voʼ kʼalal oxib toʼox u skʼan xichʼ tsobbel sat li kʼusi chatsʼunike;+
ta junantik noʼox jteklum laj kakʼ taluk voʼ.
Laj kakʼ taluk voʼ ta jsep noʼox osil,
yan li ta osil ti bu muʼyuk laj kakʼ taluk voʼe jecheʼ te takij.
8 Li krixchanoetik ta junchib jteklume skiloj xa sbaik batel ta yan jteklum ta saʼel voʼ yuchʼik,+
pe muʼyuk bu x-echʼ-o yoʼontonik;
akʼo mi jech, muʼyuk bu xasutik tal ta jtojolal›,+ xi li Jeovae.
9 ‹Laj kakʼ taluk ta atojolalik ikʼ ti chchikʼvane+ xchiʼuk takij li kʼusitik atsʼunojike.
Ep kʼusitik la atsʼunik, la atsʼun a-uvaik, a-igoik xchiʼuk a-olivaik,+
pe la slilin ta lajesel li kʼulube;
akʼo mi jech, muʼyuk bu xasutik tal ta jtojolal›,+ xi li Jeovae.
10 ‹La jtakboxuk tal chamel jech kʼuchaʼal la jpas ta Ejiptoe.+
La jmil ta espada li akeremike+ xchiʼuk la jchuk batel li akaʼike.+
Laj kakʼ muyuk ta aniʼik li stuil akarpanaike;+
akʼo mi jech, muʼyuk bu xasutik tal ta jtojolal›, xi li Jeovae.
11 ‹La jlajesboxuk akʼoplalik
jech kʼuchaʼal la spas Dios ta stojolal li Sodoma xchiʼuk Gomorrae.+
Jaʼ toʼox jechoxuk jech kʼuchaʼal jtel siʼ ti laj yichʼ jochel lokʼel ta kʼokʼe;
pe muʼyuk bu xasutik tal ta jtojolal›,+ xi li Jeovae.
12 Jaʼ yuʼun, chkakʼboxuk kastigo yan velta, Israel.
Ta skoj ti jech ta jpasbote,
chapano aba sventa xtal avaʼan aba ta stojolal li Adiose, Israel.
13 Yuʼun ¡kʼelavil!, jaʼ li buchʼu la spas li vitsetik+ xchiʼuk li ikʼe;+
chakʼbe snaʼ krixchanoetik li kʼusi tsnope,
chkʼataj yuʼun ta ikʼ osil kʼalal naka to tsakub tale,+
jaʼ te tstekʼan yakan ta balumil ti bu toyajtike;+
li sbie jaʼ Jeova Dios ti jaʼ bankilal yuʼun soltaroetike».*
5 «Aʼio avaʼiik, snitilulal Israel, xi ta jkʼejintaboxuk jun son sventa at-oʼontone:
2 ‹Yal xa ta lum li tojol tseb ti jaʼ li Israele;
mu xa xuʼ yuʼun chtots likel yan velta.
Te laj yichʼ jipel komel ta yosil stuk;
muʼyuk xa buchʼu xtoyat likel›.
3 »Yuʼun xi chal li Kajvaltik Jeova ti jaʼ Mukʼul Jpasmantale:
‹Li jun jteklum ti tstak batel jmil ta voʼe kʼajomal xa noʼox sien chkom yuʼun;
li jteklum ti tstak batel sien ta voʼe kʼajomal xa noʼox lajunvoʼ chkom yuʼun. Taje jaʼ li kʼusi chkʼot ta stojolal Israele›.+
4 »Yuʼun li Jeovae xi chalbe li snitilulal Israele:
‹Saʼikun sventa kuxul xakomik.+
5 Mu jaʼuk xasaʼik li Betele,+
mu xabatik ta Guilgal+ mi jaʼuk te xa-echʼik ta Beer-Seba,+
yuʼun li Guilgale jpʼel skʼoplal chichʼ chukel batel+
xchiʼuk muʼyuk xa sbalil* chkom li Betele.
6 Saʼik li Jeovae sventa kuxul xakomik+
sventa mu xtil* kʼuchaʼal kʼokʼ ta stojolal li snitilulal Josee,
ti chchikʼ li Betele xchiʼuk ti mu xa buchʼu xtupʼ yuʼune.
7 Chakʼatajesik ta chʼail tsʼiʼlel li tukʼilale
xchiʼuk jaʼ chajipik ta lum li kʼusi tukʼe.+
8 Li buchʼu la spas li jtsop kʼanal Kima* xchiʼuk li jtsop kʼanal Kesile,*+
li buchʼu tskʼatajes ta sak osil ta sob li ikʼ osile,
li buchʼu ikʼ tajek chkom yuʼun jech kʼuchaʼal akʼobal li kʼakʼaltike,+
li buchʼu tstsob li voʼ ta nab
sventa smal li ta sba balumile+
—Jeova sbi—.
9 Jaʼ chakʼbe slajeb li buchʼu tsots xuʼ yuʼune
xchiʼuk chakʼbe slajeb ti bu joyajtik ta muroe.
10 Li jteklume tspʼajik li buchʼutik chtukʼibtasvanik ta yochebal jteklume,
11 Ta skoj ti chatsatsal kʼanbeik slokʼ avosilik li povreetike
xchiʼuk ti chavichʼbeik batel sat stsʼunobik kʼuchaʼal stojol spatanike,+
muʼyuk te chakomik-o ta naklej li ta naetik apasojik ta setbil tonetike+
xchiʼuk muʼyuk chavuchʼbeik yaʼlel li lekil uvaetik atsʼunojike.+
12 Yuʼun jnaʼoj ti toj echʼ noʼox xatoy abaike*
xchiʼuk ti toj echʼ noʼox tsots li amulike
—chavilbajinik li buchʼutik tukʼike,
chachon abaik ta takʼin,*
chapojbeik sderecho ta yochebal jteklum li povreetike—.+
13 Jaʼ yuʼun li vaʼ kʼakʼale, tstsʼiji li buchʼutik pʼijike,
yuʼun jaʼo yorail vokolil.+
Vaʼun, te chchiʼinoxuk li Jeova Dios ti jaʼ bankilal yuʼun soltaroetik*
jech kʼuchaʼal chavalik ti te xchiʼinojoxuke.+
15 Pʼajik li kʼusi chopole, jaʼ kʼanik li kʼusi leke,+
jaʼ akʼo spas kanal ta yochebal jteklum li tukʼilale.+
16 »Jaʼ yuʼun, xi chal li Jeovae, li Jeova Dios ti jaʼ bankilal yuʼun soltaroetike:
‹X-avetik noʼox likel ta okʼel li ta jujun chʼivite*
xchiʼuk xi chalik li ta jujun kayee: «¡Ay! ¡Toj abol jbatik!».
Tstakik ta ikʼel li j-abteletik ta osile sventa xtal okʼikuk ta at-oʼonton
xchiʼuk tstakik ta ikʼel ek li buchʼutik jaʼ yabtel ch-okʼik ta at-oʼontone›.
17 ‹X-avetik noʼox likel ta okʼel ti butik tsʼunbil uvae;+
yuʼun te chi-echʼ ti bu oyote›, xi li Jeovae.
18 ‹¡Abol sba li buchʼutik oy ta yoʼonton tsmalaik li skʼakʼalil Jeovae!+
¿An kʼu yelan avalojik li skʼakʼalil Jeovae?+
Jaʼ yorail ikʼ osil, maʼuk yorail sak osil.+
19 Jaʼ jech kʼuchaʼal jun vinik ti chjatav batel ta skoj jkot leone, pe ti te snupoj kʼotel jkot oso xtoke
xchiʼuk kʼalal ch-och ta yut sna ti te chlaj ta tiʼel ta jkot kiletel chon kʼalal chakʼ skʼob ta pakʼbal nae.*
20 ¿Mi mu jaʼuk yorail ikʼ osil li skʼakʼalil Jeovae, ti maʼuk yorail sak osile?
¿Mi mu jaʼuk yorail ch-ikʼub osil xchiʼuk ti chʼabal kʼusi chakʼ xojobale?
21 Chopol tajek chkil, jpʼajoj li kʼinetik chapasike,+
mu jkʼupinbe smuil li atsobajelik ti tsots skʼoplal chapasike.
22 Akʼo mi chavakʼik chikʼbil matanaletik xchiʼuk yan matanaletik,
muʼyuk ximuyubaj-o yuʼun;+
mu lekuk chkil li jupʼesbil chonbolometik chavakʼik ta milbil matanal sventa jun oʼontonale.+
23 Mu xa xavakʼik kaʼi li akʼejojik ti muʼyuk smelolal ta aʼiele;
mu xa xavakʼbeikun jchikinta li ason chatijik ta stijobiltak ti oy yakʼile.+
24 Akʼo beinuk batel kʼuchaʼal voʼ li tukʼilale,+
jech xtok, li kʼusi tukʼe jechuk kʼuchaʼal ukʼum ti mu xtakije.
25 ¿Mi yuʼun laj avakʼbeikun milbil matanaletik xchiʼuk yan matanaletik
ti kʼalal la-echʼik 40 jabil li ta takixokol balumile, jteklum Israel?+
26 Li avi une, jaʼ xa chakuchik batel li Sakut ti jaʼ ajvalil avuʼunike xchiʼuk li Kevane,*
jaʼ li kʼanal yuʼun adiosike, li lokʼoletik avuʼunik la apasike.
27 Jaʼ yuʼun, ta sjelavel to Damasko+ chukbil chabatik kuʼun›, xi li buchʼu Jeova sbie, li Dios ti jaʼ bankilal yuʼun soltaroetike».+
6 «¡Toj abol sbaik li buchʼutik jun noʼox yoʼonton chaʼiik* li ta Sione,
jaʼ li buchʼutik jun noʼox yoʼonton chaʼiik li ta vits Samariae,+
jaʼ li buchʼutik lek tsakbilik ta mukʼ ti likemik ta namal jteklumetike,
ti chtal ta stojolalik li jteklum Israele!
2 Batanik ta Kalne sventa xavakʼik venta.
Batanik ta Mukʼta Amat,+
mi laje, yalanik batel ta Gat ti jaʼ steklumal li jfilisteaetike.
¿Mi jaʼ mas lekik avalojik kʼuchaʼal li ajvalilal* liʼe
xchiʼuk mi jaʼ mas mukʼ yosilik avalojik kʼuchaʼal li avosilike?
3 Mu xakʼan xanopbeik skʼoplal li skʼakʼalil vokolile,+
jaʼ noʼox yakʼoj yibel avuʼunik li ilbajinele.+
4 Te xpuchʼetik ta temetik* ti pasbil ta marfile+ xchiʼuk te xchotetik ta mukʼta chotlebaletik,+
te tstiʼik li tot chijetike xchiʼuk li jupʼesbil chʼiom tot vakaxetike.+
5 Tstsʼibaik kʼejoj kʼalal chichʼ tijel li arpae,*+
chlik spasik stijobiltak son jech kʼuchaʼal la spas li Davide;+
6 ta boch lek chuchʼik li vinoe+
xchiʼuk chjaxbe sbaik lekil aseite.
Pe jaʼ muʼyuk tsvul yoʼontonik* ti chil svokol li Josee.+
7 Jaʼ yuʼun, jaʼ baʼyel chukbil chbatik,+
vaʼun chlaj skʼoplal li kʼinetik ti muʼyuk xa noʼox smelolal tspasik li buchʼutik jecheʼ noʼox te xpuchʼetike.
8 ‹Li Ajvalil Jeova ti jaʼ Mukʼul Jpasmantale laj yakʼ ye ta stojolal stuk›.+ Xi chal li Jeova Dios ti jaʼ bankilal yuʼun soltaroetike:*
‹«Ibal sba* chkil li stoyobbail Jakobe+
xchiʼuk ta jpʼaj li tsatsal tayal kʼelob osiletik yuʼune,+
chkakʼ ta kʼabal li jteklume xchiʼuk li kʼusitik te oye.+
9 »›»Ta xchamik ek mi oy to kom lajunvoʼ viniketik li ta jpʼej nae. 10 Chtal jochatikuk lokʼel xchiʼuk chichʼik chikʼel ta jujuntal yuʼun jun yutsʼ yalalik.* Chlik tsobbatikuk lokʼel li sbakilik ti te oy ta nae, vaʼun li buchʼu te to oy ta yutil kuartoe xi ch-albat yuʼun li yutsʼ yalale: ‹¿Mi oy to buchʼu liʼ achiʼuke?›. Xi tstakʼe: ‹¡Muʼyuk!›. Vaʼun, xi to ch-albate: ‹¡Tsʼijlan!, yuʼun maʼuk xa yorail chatabe ta alel sbi li Jeovae›».
11 Yuʼun jaʼ chal mantal li Jeovae,+
jaʼ tsjines li mukʼta nae jaʼ to mi lilijem kome,
jaʼ tsjines li bikʼit nae jaʼ to mi lilijem kome.+
12 ¿Mi yuʼun xuʼ te x-anilaj ta mukʼta tayal tonetik li kaʼetike
o mi yuʼun oy buchʼu xuʼ te xakʼbe slok balumil li jkot xvakaxe?
Yuʼun li tukʼilale laj xa akʼatajesik ta jtekʼ tsʼiʼlel ti oy svenenoale
xchiʼuk laj xa akʼatajesik ta chʼail tsʼiʼlel li kʼusi tukʼe.+
13 Jaʼ xkuxet avoʼontonik yuʼun li kʼusi muʼyuk sbalile
xchiʼuk xi chavalike: «¿Mi mu ta kipuk jtuktik ti lek xuʼ kuʼuntike?».+
14 Jaʼ yuʼun, jteklum Israel, chkikʼ tal jun lum sventa skontrainoxuk,+
te chlik yilbajinoxuk ta Lebo-Amat*+ kʼalal to ta stenlejaltik* Araba›, xi li Jeova Dios ti jaʼ bankilal yuʼun soltaroetike».
7 Liʼe jaʼ li kʼusi laj yakʼbun kil li Kajvaltik Jeova ti jaʼ Mukʼul Jpasmantale: ¡kʼelavil! La stak talel epal kʼulub sventa slajes li kʼusi tsʼakal to chʼi* tale. Jaʼ li kʼusi chʼi talel kʼalal yichʼoj xa ox bojel lokʼel li stsʼiʼlel ajvalile. 2 Kʼalal laj xa ox slajesik tsʼiʼlel ta balumil li kʼulubetike, xi laj kale: «¡Akʼo perton avokoluk, Kajval Jeova ti voʼot Mukʼul Jpasmantalote!+ ¿Kʼuxi xa noʼox chkuch yuʼun* li Jakobe? ¡Yuʼun kʼunibem xa!».+
3 Laj to xchaʼnop* li Jeovae,+ xi laj yale: «Muʼyuk chkʼot ta pasel», xi li Jeovae.
4 Liʼe jaʼ li kʼusi laj yakʼbun kil li Kajvaltik Jeova ti jaʼ Mukʼul Jpasmantale: ¡kʼelavil! Li Kajvaltik Jeova ti jaʼ Mukʼul Jpasmantale la stak talel kʼokʼ kʼuchaʼal kastigo. Laj yules li natil voʼ ti mu albajuk sjamleje xchiʼuk la xchikʼ jvokʼ li osile. 5 Jaʼ yuʼun, xi laj kale: «Avokoluk, Kajval Jeova ti voʼot Mukʼul Jpasmantalote, pajtsano xa li vokolile.+ ¿Kʼuxi xa noʼox chkuch yuʼun* li Jakobe? ¡Yuʼun kʼunibem xa!».+
6 Laj to xchaʼnop* li Jeovae,+ xi laj yale: «Muʼyuk chkʼot ta pasel xtok», xi li Kajvaltik Jeova ti jaʼ Mukʼul Jpasmantale.
7 Liʼe jaʼ li kʼusi laj yakʼbun kile: ¡kʼelavil! Laj kil Jeova ti te vaʼal ta sba jun muro ti laj yichʼ tunesel plomo* kʼalal laj yichʼ pasele, te stsakoj jun plomo. 8 Vaʼun xi laj yalbun li Jeovae: «¿Kʼusi te akʼeloj, Amos?». Xi laj takʼbee: «Jun plomo».* Xi to laj yalbun li Jeovae: «Liʼ ta jtijanbe plomo li jteklumal Israele. Muʼyuk xa chkakʼik ta perton.+ 9 Xokol xa chkom li tayal kʼopojebaletik* yuʼun Isaake+ xchiʼuk lilijem chkom ti butik chʼul ta Israele;+ chtal jkontrain ta espada li yutsʼ yalal Jeroboane».+
10 Li Amasias ti jaʼ pale ta Betele+ xi la stakbe batel mantal li ajvalil Jeroboan+ ta Israele: «Li Amose yakal me tsnop akʼoplal ti tsmilot ta Israele.+ Li jnaklejetik ta balumile mu stsʼik yuʼunik li kʼusi chale.+ 11 Yuʼun xi chal li Amose: ‹Chichʼ milel ta espada li Jeroboane, li Israele persa chichʼ chukel lokʼel li ta slumalike›».+
12 Vaʼun li Amasiase xi laj yalbe li Amose: «Voʼot ti oy kʼusi cha-akʼbat avile, jatavan batel ta yosilal Juda, te xasaʼ aveʼel xchiʼuk jaʼ te xaval albil kʼop.+ 13 Pe mu xa xaval albil kʼop li ta Betele,+ yuʼun jaʼ stemplo li ajvalile+ xchiʼuk jaʼ snail li ajvalilale».*
14 Vaʼun li Amose xi la stakʼbe li Amasiase: «Maʼukun toʼox j-alkʼop xchiʼuk maʼuk xnichʼonun j-alkʼop; jaʼ noʼox jchabichijun+ xchiʼuk ta jkʼelbe steʼeltak igo.* 15 Pe li Jeovae laj yikʼun lokʼel ta xchabiel li chije xchiʼuk xi laj yalbun li Jeovae: ‹Bat albo li kʼusi chkʼot ta stojolal li jteklumal Israele›.+ 16 Li avie, chikinta-o li kʼusi xi chal Jeovae: ‹Xi chavale: «Mu xaval li kʼusi chkʼot ta stojolal Israele+ xchiʼuk mu xaval ti chichʼik chapanel+ li snitilulal Isaake». 17 Jaʼ yuʼun, xi chal li Jeovae: «Li avajnile chkʼot ta jchonbail ants li ta jteklume, chichʼik lajesel ta espada li akeremtak xchiʼuk atsebetake. Li avosile chichʼ pʼisel ta chʼojon sventa xichʼ chʼakel, yan li voʼote te chacham ta jun ibal sba* lum; li Israele persa chichʼ chukel lokʼel li ta slumalike»›».+
8 Liʼe jaʼ li kʼusi laj yakʼbun kil li Kajvaltik Jeova ti jaʼ Mukʼul Jpasmantale: ¡kʼelavil! Laj kil jun moch ti noj ta sat teʼ ti chakʼ ta veranoe.* 2 Vaʼun, xi laj yale: «¿Kʼusi te akʼeloj, Amos?». Xi la jtakʼbee: «Jun moch ti noj ta sat teʼ ti chakʼ ta veranoe». Xi laj yalbun li Jeova une: «Kʼot xa skʼakʼalil ti chichʼ lajesel li jteklumal Israele. Muʼyuk xa chkakʼik ta perton.+ 3 Xi chal li Kajvaltik Jeova ti jaʼ Mukʼul Jpasmantale: ‹Chkʼataj ta at-oʼonton li son chichʼ kʼejintael ta temploe.+ Ta buyuk noʼox telajtik sbekʼtal li animaetike,+ —¡stsʼijlan chkom* tajek!—›.
4 Aʼio avaʼiik voʼoxuk ti chapechʼilanik ta tekʼel li povreetike
xchiʼuk ti chachʼaybeik skʼoplal ta balumil li manxoetike,+
5 xi chavalike: ‹¿Bakʼin to chlaj li skʼinal achʼ luna*+ sventa jchonbetik sat li kʼusitik jtsʼunojtike?
¿Bakʼin to tstsuts li savado+ sventa jchonbetik sat li kʼusitik jtsʼunojtike?
Yuʼun jaʼ sventa jbikʼtajestik li spʼisol efae*
xchiʼuk jaʼ sventa jmukʼibtastik li jun sikloe*
sventa mu xa tsʼakaluk li kʼusi ta jpʼistik ta kiloe.+
6 Jech ta jeltik ta plata li buchʼu oy kʼusi chtun yuʼune
xchiʼuk ta jeltik ta jchop xonobil li povreetike,+
jaʼ ta jchontik li sat tsʼunobil ti mu xa lekuke›.
7 Li Jeova ti jaʼ te tsta stsatsal yoʼonton Jakobe xi chakʼ yee:+
8 Jaʼ yuʼun, chnik li balumile
xchiʼuk chat yoʼontonik li jnaklejetik tee.+
Li balumile chkajtsaj muyel sjunul jech kʼuchaʼal kʼalal chnoj li ukʼum Niloe
xchiʼuk chmuk yalel jech kʼuchaʼal chyal li ukʼum Nilo ta Ejiptoe›.+
9 Xi chal li Kajvaltik Jeova ti jaʼ Mukʼul Jpasmantale:
‹Li vaʼ kʼakʼale, ta oʼlol noʼox kʼakʼal chmak yalel kuʼun li kʼakʼale
xchiʼuk ikʼmutsʼan* chkom kuʼun li balumile manchuk mi lek toʼox sak osil.+
10 Ta jkʼatajes ta at-oʼonton li kʼinetik chapasike+
xchiʼuk ta jkʼatajes ta at-oʼonton li son chakʼejintaike.
Ta jchukboxuk ta achukbenalik* chʼixal kʼuʼil* xchiʼuk tʼaxjol chakomik kuʼun.
Li vokolile jaʼ jech xkʼuxul jech kʼuchaʼal kʼux chaʼi li buchʼu chcham xnichʼon ti kʼajomal noʼox jun oye,
naka vokolil xa noʼox ch-echʼ li kʼakʼale›.
11 Xi chal li Kajvaltik Jeova ti jaʼ Mukʼul Jpasmantale:
‹¡Kʼelavil! Chkʼot yorail ta jtak talel viʼnal li ta lume,
pe maʼuk ti yuʼun chʼabal sveʼelike o ti chʼabal kʼusi xuchʼike,
jaʼ ti muʼyuk xa bu chaʼiik li skʼop Jeovae.+
12 Jecheʼ xa xtamlajetik batel likel ta jujun nab,
te chlikik batel ta norte ti chkʼotik kʼalal to ta slokʼeb kʼakʼale.
Xjotetik ta saʼel li skʼop Jeovae, pe mu staik.
13 Li vaʼ kʼakʼale, te xa noʼox ch-alubik li kʼupil sba tojol tsebetike
xchiʼuk te xa ch-alubik li keremetik ta skoj li takitiʼile.
14 Li buchʼutik chakʼ yeik ta stojolal smul li Samaria+ ti xi chalike:
«¡Jamal chkal ta skoj ti kuxul li adiose, Dan!».+
«¡Jamal chkal ta skoj ti kuxul li sbelel Beer-Sebae!»+
chyalik ta lum xchiʼuk mu xa stotsik likel›».+
9 Laj kil te vaʼal ta sba skajleb matanal li Jeovae,+ xi laj yale: «Lilinbo sjol li oye xchiʼuk tuchʼanbo lokʼel li sjole, vaʼun chlik nikuk li yok smarkoaltak tiʼ nae. Voʼon ta jmil ta espada li buchʼutik te to chkome. Akʼo mi chjatavik to, mi junuk chkol; akʼo mi chakʼ to persa tspoj sbaik, muʼyuk bu chkolik.+
2 Manchuk mi tsjokʼik yalel kʼalal to ta yut Mukinal,*
te to chbat jotsʼik lokʼel tal;
mi chmuyik batel ta vinajel xtoke,
te chbat jochik yalel tal.
Mi ta yutil to nab chbat snakʼ sbaik sventa mu xa xkilik yalojike,
te ta jtak talel jkot kiletel chon sventa xtiʼatik.
4 Manchuk mi xchukatik batel yuʼun li yajkontraike,
te ta jtak talel espada sventa xmilatik;+
muʼyuk chkakʼbeik bendision, kʼajomal vokolil chkakʼbeik.+
5 Yuʼun li Ajvalil ti jaʼ Mukʼul Jpasmantale, li Jeova ti jaʼ bankilal yuʼun soltaroetike,* jaʼ li buchʼu tspik li balumile,
jech ta xnik,+ vaʼun chlik yat yoʼonton skotol li buchʼutik te nakajtike.+
Li balumile chkajtsaj muyel sjunul jech kʼuchaʼal kʼalal chnoj li ukʼum Niloe
xchiʼuk chmuk yalel jech kʼuchaʼal chyal li ukʼum Nilo ta Ejiptoe.+
6 ‹Li buchʼu tsvaʼan muyel s-eskaleratak ta vinajele
xchiʼuk ti tsvaʼan jun skotkot na ta sba balumile
xchiʼuk li buchʼu tstsob li voʼ ta nab
sventa smal li ta sba balumile+
—Jeova sbi—›.+
7 Xi chal li Jeovae: ‹Jteklum Israel, ¿mi mu jechuk chkiloxuk jech kʼuchaʼal li xnichʼnab jkusetike?
¿Mi mu lajuk jlokʼesik tal ta yosilal Ejipto li Israele?+
¿Mi mu lajuk jlokʼesik tal ta Kreta li jfilisteaetike?+ Xchiʼuk ¿mi mu lajuk jlokʼesik tal ta Kir li Siriae?›.+
8 ‹¡Aʼio avaʼiik! Li Ajvalil Jeova ti jaʼ Mukʼul Jpasmantale yakʼoj xa sat ta stojolal li ajvalilal* ti oy smule,
tslajesbe skʼoplal li ta sba balumile.+
Pe li snitilulal Jakobe muʼyuk ta jlajesbe-o skʼoplal›,+ xi li Jeovae.
9 ‹Yuʼun ¡kʼelavilik!, voʼon chkal mantal,
ta jchij te ta mukʼtik lumetik li Israel+
jech kʼuchaʼal kʼalal oy buchʼu oy kʼusi chchij ta jun xchijobile
xchiʼuk ti mu jpʼejuk kʼox ton chpʼaj* ta balumile.
10 Chchamik ta espada skotol li buchʼutik tsaʼ smulik ta jteklumale,
jaʼ li buchʼutik xi chalike: «Mu xnopaj ta jtojolaltik li vokolile mi jaʼuk xvul ta jtojolaltik»›.
11 ‹Li vaʼ kʼakʼale, chlik jchaʼvaʼanbe li skarpana* David+ ti jineme,
ta jpakʼ ti butik jomajtike
xchiʼuk ta jmeltsan ti butik sokeme;
chchaʼta yav kuʼun jech kʼuchaʼal toʼox ta voʼnee.+
12 Jaʼ sventa x-och ta skʼobik li j-edometik ti te to komemike+
xchiʼuk li mukʼtik lumetik ti yichʼojbeikun jbie›, xi li Jeova ti jaʼ tspas li kʼusitik taje.
13 Xi chal li Jeovae: ‹¡Kʼelavilik!, chkʼot yorail
ti buchʼu tslok osile tsta ta be li buchʼu tstsobbe sat li kʼusi laj yichʼ tsʼunele
xchiʼuk li buchʼu chpechʼ ta tekʼel uvae tsta ta be li buchʼu jaʼ to tstsʼune.+
Jech xtok, chlokʼ talel chiʼil vino li ta vitsetike+
14 Ta jtsobik sutel tal li jteklumal Israel ti chukbilik batele,+
vaʼun ta xchaʼvaʼanik li jteklumetik ti jinemike xchiʼuk te chnakiik;+
tstsʼun s-uvaik xchiʼuk chuchʼik ta vino,+
tstsʼunik jsatinom teʼetik xchiʼuk tslobeik sat›.+
15 ‹Ta jtsʼunik lek ta yosilik,
vaʼun muʼyuk xa chichʼik bulel yan velta
li ta yosilik kakʼojbeike›,+ xi li Jeova Dios avuʼune».
Jaʼ skʼan xal ‹ikatsil; jkuch-ikatsil›.
O «stsʼiʼlel».
O «tsots la spas smul».
Literal «li buchʼu stsakoj vaxton».
Literal «li buchʼu stsakoj vaxton».
O «tsots la spas smul».
Literal «jchapanvanej».
O «kʼejevik-o; tsʼepʼujik-o».
O «snop».
O «lumtik».
O «prentail; xkʼexol».
O «stemplo».
O «ti lek tsots yoʼontone».
O «xlaket; x-avet».
O «chʼiom leon ti xtinlajet sjol».
O jaʼ van skʼoplal «sloʼlaobile».
O «vayebaletik».
O «chotlebaletik ti likem tal ta Damasko».
O «alik li kʼusi chopol chkʼot ta stojolalik».
Kʼelo Glosario, Jeova ti bankilal yuʼun soltaroetike.
O «ti tsots la spas smule».
O «tstsʼuj».
Jaʼ xkaltik, yorail siktik.
Jaʼ xkaltik, yorail kʼepelaltik.
O jaʼ van skʼoplal «epal».
O «avajvalike».
O «atoy abaik».
O «avakʼik li jun ta lajlajunebe».
Kʼelo Glosario, levadura.
O «muʼyuk laj kakʼboxuk aveʼelik».
Kʼelo Glosario, Jeova ti bankilal yuʼun soltaroetike.
O jaʼ van skʼoplal «yan-o ta kʼelel».
O «stsan».
Jaʼ van skʼoplal li jtsop kʼanal Pleyades ti te oy li ta jtsop kʼanal Tauroe.
Jaʼ van skʼoplal li jtsop kʼanal Orione.
Kʼelo Glosario, ibal sba.
O «tsots la apas amulike».
O «chatsakik takʼin sventa xatsʼijiik; chatsakik michʼob kʼabal».
Kʼelo Glosario, Jeova ti bankilal yuʼun soltaroetike.
O «skomelal».
O «kayee; ti bu oy ep krixchanoetike».
O «pakʼ nae; kʼal nae; chʼut nae».
Li lokʼoletik taje jaʼ van skʼoplal li planeta Saturno ti chichʼik ta mukʼ kʼuchaʼal jun diose.
O «lek noʼox chaʼi sbaik».
Yaʼeluke, jaʼ skʼoplal li ajvalilal ta Juda xchiʼuk li ajvalilal ta Israele. Kʼelo Glosario, ajvalilal.
O «vayebaletik».
O «stijobiltak son ti oy yakʼile».
Literal «muʼyuk ch-ipajik-o».
Kʼelo Glosario, Jeova ti bankilal yuʼun soltaroetike.
Kʼelo Glosario, ibal sba.
O «xchiʼil ta vokʼel stot».
O «yochebal Amat».
Kʼelo Glosario, beoʼtik ta stenlejaltik.
Jaʼ xkaltik, li kʼusi chchʼi ta enero xchiʼuk ta fevreroe.
Literal «chlik».
O «Chopol laj yaʼi sba».
Literal «chlik».
O «Chopol laj yaʼi sba».
Li plomoe ol xchiʼuk oy yakʼil ti tstunesik sventa lek tukʼ xbat li kʼusi tsvaʼanike.
Li plomoe ol xchiʼuk oy yakʼil ti tstunesik sventa lek tukʼ xbat li kʼusi tsvaʼanike.
Kʼelo Glosario, tayal kʼopojebal.
Kʼelo Glosario, ajvalilal.
O «ta jombe xchʼut igo».
Kʼelo Glosario, ibal sba.
Jaʼ xkaltik, yorail kʼepelaltik.
O «tsʼijil chkom».
O «achʼ u».
Kʼelo Apendise B14.
Kʼelo Apendise B14.
O «jutebuk».
O «ikʼpulan».
O «achʼutik».
Kʼelo Glosario, chʼixal kʼuʼil.
O «Seol», jaʼ xkaltik, li mukinal ta komon yuʼun krixchanoetike. Kʼelo Glosario, mukinal.
O «smuk».
Kʼelo Glosario, Jeova ti bankilal yuʼun soltaroetike.
Kʼelo Glosario, ajvalilal.
O «tstsʼuj».
O «axibalna yuʼun».
Literal «chlik unijuk».