¿Mi cha kʼan to cha chan batel?

Li foyeto liʼe toj lek chal xchiʼuk ta jaypʼeluk noʼox kʼop li kʼusi chalbe skʼoplal li Vivliae, pe muʼyuk bu chchapbe lek smelolal ta jujutos li chanubtaseletik yuʼune.

Li sKʼop Diose tstakʼ kʼusitik chichʼ jakʼel kʼuchaʼal liʼe: ¿Mi oyutik ta yoʼonton li Diose? ¿Bu oy li animaetike? ¿Kʼuxi ta tael li muyubajele?

Sventa chakʼik ta ojtikinel li kʼusi chal Vivlia ta sventa taje xchiʼuk yan loʼiletike, li yajrextikotak Jeovae spasojik li livro ¿Kʼusi chchanubtasvan ta melel li Vivliae? Li jujun kapituloe chalbe skʼoplal jtos loʼil xchiʼuk te tsʼibabil tekstoetik ti tsakal skʼoplal xchiʼuk li kʼusi chichʼ alele. Mi cha kʼan jlikuk li livro taje, xchiʼuk mi cha kʼan cha nabe mas skʼoplal li chanubtasel ta Vivlia ti ta matanal chkakʼkutike, nojeso li vun liʼe xchiʼuk tako batel ti bu chichʼ alel ta olone.

Ta www.jw.org xuʼ xakʼel o xayales li foyetoe o xakʼan junuk vulaʼanel.