¿Mi chapas li kʼusi tskʼan yoʼonton Jeovae?

Kolaval tajek ti la achʼakbe yorail sventa xachan li foyeto liʼe, yuʼun jech xuʼ chavojtikinunkutik mas, chavojtikin li kʼusitik ta jpaskutike xchiʼuk chavil ti kʼu yelan ch-abtej li j-organisasionkutike. Ta jkʼankutik ti lajuk skoltaot sventa xavaʼibe smelolal ti jaʼ noʼox voʼonkutik ta jpaskutik li kʼusi tskʼan yoʼonton Dios avie.Chkalbotkutik ti xachan-o batel mas ta sventa li Diose. Albo avutsʼ avalal xchiʼuk avamigotak li kʼusi yakalot xchanele xchiʼuk nopoltik noʼox xachiʼinunkutik li ta jtsobajelkutike (Ebreos 10:23-25).

Kʼalal mas chachan ta sventa li Jeovae, jaʼ te chavakʼ venta ti skʼanojot tajeke, vaʼun jaʼ tstijbot avoʼonton sventa xapas li kʼusi tskʼane (1 Juan 4:8-10, 19). ¿Kʼuxi xuʼ xavakʼ ta ilel ta akuxlejal jujun kʼakʼal ti akʼanoj li Diose? ¿Kʼu yuʼun xuʼ xatabe sbalil li mantaletik sventa talelal yakʼoj Diose? ¿Kʼusi tstij avoʼonton sventa xapas li kʼusi tskʼan yoʼonton Dios jech kʼuchaʼal ta jpaskutik li voʼonkutike? Li buchʼu chchanubtasot ta Vivliae jaʼ tskoltaot sventa xatabe stakʼobil li sjakʼobiltak taje. Mi jech la apase, te oyot-o xchiʼuk avutsʼ avalal «li ta kʼanelal yuʼun [Dios] yoʼ to chamalabeik skʼakʼalil» li kuxlejal sbatel osile (Judas 21).

Ta sjunul koʼonton chkalbotkutik ti te xaxanav-o batel li ta sbelel kʼusi melele. Sventa taje, toj jtunel avuʼun ti xachan li vun liʼe.