Xchʼunel oʼontonal
¿Kʼuxi jnaʼojtik ti toj tsots skʼoplal chil Jeova li xchʼunel koʼontontike?
Jn 3:16, 18; Gal 3:8, 9, 11; Ef 6:16; Ebr 11:6
K’elo xtok 2Ko 5:7.
Loʼiletik ta Vivlia ti tskoltautike:
Ebr 11:1–12:3. Li jtakbol Pabloe laj yal kʼusi jaʼ li xchʼunel oʼontonale xchiʼuk laj yalbe skʼoplal jayvoʼuk krixchanoetik ti laj yakʼik ta ilel ti oy xchʼunel yoʼontonike; lik yalbe skʼoplal li Abele, ta slajebe jaʼ li Jesukristoe.
Snt 2:18-24. Li Santiagoe laj yal ti jaʼ te chvinaj xchʼunel koʼontontik kʼalal oy yabtelale jech kʼuchaʼal la spas li Abraane.
¿Kʼusi tskoltautik sventa lekuk tsots li xchʼunel koʼontontike?
Ro 10:9, 10, 17; 1Ko 16:13; Snt 2:17
K’elo xtok Ebr 3:12-14.
Loʼiletik ta Vivlia ti tskoltautike:
2Kr 20:1-6, 12, 13, 20-23. Kʼalal jutuk xa ox skʼan xichʼik tsakel ta kʼop li yajtuneltak Jeovae, li ajvalil Jeosafate laj yalanbe ti muʼyuk kʼusi tsnuptanik mi oy xchʼunel yoʼontonik ta stojolal Jeova xchiʼuk ta stojolal li yaj-alkʼoptake.
1Re 18:41-46. Li j-alkʼop Eliase laj yakʼ ta ilel ti oy xchʼunel yoʼontone, yuʼun ta sjunul yoʼonton la smala ti chtal voʼ jech kʼuchaʼal yaloj onoʼox li Jeovae.