¿Mi xavojtikin ta sbi li Diose?

LI SJAKʼOBIL liʼe tijbat-o yoʼonton jun ants ti likem tal ta yutil Asiae. Li sjakʼobil taje te ital ta pajina 1 ta revista ¡Despertad! 22 yuʼun enero ta 2004 (jun revista ti jaʼ xchiʼil li revista atsakoje). Li antse xi la tsʼibabe batel li jtsʼibajometike: «Ta slikebal onoʼox kʼot ta koʼonton li arevistaike, yuʼun jaʼ skoltaojun-o ta spasel batel li jlekil talelale. Li avie mas xa ta muyubajel ta xkil li kuxlejale. Ta xkalbe skotol krixchanoetik li kʼusi jchanoj ta sventa li jDiostike xchiʼuk li lekilal ta xakʼ li yojtikinele».

Ta buyuk noʼox, jech, «ta sbejel banamil», li krixchanoetike yakal ta xojtikinik ti jaʼ Jeova sbi li Diose (Hechos 1:8). Jun skʼelobile, jaʼ li Vivlia turcomana de las Santas Escrituras ti ta stunes ta epal versikuloetik li biil Yehowa. Jun versikuloe jaʼ li ta Salmo 8:1, ti xi chale: «Jeova ti Kajvalotkutike, ¡kʼu to noʼox yepal smukʼul abi ta spʼejel li balumile [...]!», xi.

Mi cha kʼan cha chanbe mas skʼoplal li Jeova Diose, li voʼote xuʼ xa kʼanbe junuk yajrextikotak Jeova jlikuk li livro ti jaʼ sbi: ¿Kʼusi chchanubtasvan ta melel li Vivliae?