Chnel yuʼunik li chanob vun sventa vivlia ta Galaad 123

Chichʼik albel li buchʼutik nel yuʼunik chanun sventa Galaad ti akʼo «sjokʼik» li bu chtakatik batele

TA SABADO 8 yuʼun septiembre ta 2007, epal krixchanoetik ti 6,352 yepalik ti likemik ta 41 lumetike, ayik li ta tsobajel ti bu nel li Chanob vun sventa Vivlia ta Galaad yuʼun Watchtower 123. Li tsobajele lik ta 10:00 ta sob, li buchʼu la slikese jaʼ li ermano Anthony Morris, ti jaʼ jun li ta Jtsop Jbeiltasvaneje. Li ermano Morrise laj yal ti lek ti te oyik li krixchanoetike, laj yal jpʼel-chaʼpʼeluk kʼop, laj une, laj yakʼ akʼo jelavuk li baʼyel j-etʼesej mantale, ti jaʼ Gary Breaux, jun li buchʼu sbainoj ek li Betel ta Estados Unidose.

Li ermano Breaux laj yalbe li jchanunetik ti buchʼutik tspasik li kʼusi tskʼan yoʼonton Jeovae toj kʼupil sba ch-ilatik, kʼuk yelanil ti spat xokonike, xchiʼuk la stsatsubtasbe yoʼonton li jchanunetik ti akʼo x-abtejik sventa lek kʼupil sba ch-ilatik-o yuʼun Jeovae (Jer. 13:11). Ta tsʼakale, Gerrit Lösch ti jaʼ li ta Jtsop Jbeiltasvanej eke, laj yal ti lek ti jmalatik ti akʼo xi yakʼbutik lekilal li Jeova kʼalal chi jtun ta stojolale (Heb. 11:6). Pe lek jamal laj yal ti kʼusi tskʼan stij koʼontontike: jaʼ li kʼanelal ti muʼyuk tsmala chichʼ stojole.

Li buchʼu yichʼoj ta venta li Departamento sventa Chanob vunetik sventa Dios (Departamento de Escuelas Teocráticas), William Samuelson, laj yalbe li buchʼutik nel yuʼunik li chanun ti akʼo suj sbaik ta spasel lek li tsatsal abtelal akʼbilike, ti jaʼ yalbel skʼoplal li Ajvalil ti vaʼanbil xae xchiʼuk ti lekuk me spas sbaike xchiʼuk ti tukʼuk-o li stalelalike.a Sam Roberson, skoltaobba li buchʼu yichʼoj ta venta li Departamento sventa Chanob vunetik sventa Diose, laj yalbe li jchanunetik ti jaʼ akʼo skʼelbeik slekil talelal li yantike, yuʼun mi jech ta spasike mas kʼun chaʼiik skʼanel «li bochʼo coʼol jchʼunojtic Dios jchiʼuctique» (1 Ped. 2:17).

Ta tsʼakal kʼalal jelavem xaʼox li mantaletik ti toj lek la spat oʼontonale, li Mark Noumair, jchanubtasvanej sventa Galaade, la skʼanbe jayibuk ti buchʼu nel yuʼunik li chanun ti akʼo xal sloʼilik ti kʼusi kʼot ta stojolalik kʼalal la xcholik mantal kʼalal yakalik toʼox ta chanun ta Galaade. Li buchʼutik te tsobolike, jamal laj yilik ti skʼanojik chol mantal li jchanunetike xchiʼuk ti tskʼan skoltaik li krixchanoetike. Laj une, Kent Fischer, ti te ch-abtej ta Ofisina yuʼun Betel ta Patterson, laj yalbe ermanoetik ti sbainojik beteletik ta oxib lumetik ti bu oy misioneroetik ti akʼo xal sloʼilike. Li kʼusi laj yalik li ermanoetike, jpʼel ikom ta yoʼonton li buchʼutik te chaʼiik mantal —ti te oy stot smeʼik li buchʼutik nel yuʼunik li chanune— ti lek ventainbil chkomik li achʼ misioneroetike. Izak Marais, ti te ch-abtej ta Dapartamento sventa Koltael ta Jelubtasej Kʼope (Departamento de Servicios de Traducción), la yalbe jayibuk misioneroetik ti ep xa jabil abtejemik ti akʼo xal sloʼilike, li kʼusitik laj yalike jaʼ jun skʼelobil li muyubajel ta staik li buchʼutik nel yuʼunik li chanune.

Geoffrey Jackson, ti jaʼ li ta Jtsop Jbeiltasvanej eke, la sjelubtas li mantal ti mas tsots skʼoplale. Xi sbi li mantale: «¿Kʼusi cha pasik ta sventa ti kʼusi laj xa avaʼiike? Li ermano Jackson, ti jutuk xa mu 25 jabil abtej ta misioneroal ta Pacífico sure, laj yalbe smelolal li kʼusi chal ta slajebal li Mantaletik ta Vitse. Li ta mantal taje, li Jesuse laj yalbe skʼoplal jun vinik ti lek pʼije xchiʼuk laj yalbe skʼoplal yan vinik ti muʼyuk spʼijile, li viniketik taje ta jujuntal la svaʼan snaik. Jech kʼuchaʼal laj yal li j-etʼesej mantale xuʼ van te noʼox nopol vaʼajtik li naetik taje. Li vinik ti muʼyuk spʼijile ta sba jiʼtik la svaʼan li snae, pe li pʼijil vinike la sjokʼ yalel jaʼ to ti la sta ton ti bu xuʼ lek tsʼunul xkom li yibel snaʼe. Kʼalal tal tsatsal chaukil voʼe, li na ti vaʼanbil ta ba tone vaʼal-o ikom, yan li jpʼej na ti vaʼanbil ta jiʼtike toj jlomel ikʼot (Mat. 7:24-27; Luc. 6:48).

Li Jesuse laj yal ti vinik muʼyuk spʼijile jaʼ skʼan xal li krixchanoetik ti jaʼ noʼox ta xaʼiik li mantale. Yan li vinik ti lek pʼije, jaʼ skʼan xal li krixchanoetik ti laj yaʼiik li mantale xchiʼuk ti laj yakʼ ta xkuxlejalike. Li ermano Jacksone xi laj yalanbe li buchʼutik nel yuʼunik chanune: «Mi lik apasik ta avabtelik ta misioneroal li kʼusi la achanik xa ta Vivliae, jaʼ jech xa koʼolajik kʼuchaʼal li pʼijil vinike», xi. Sventa stsutses li mantale, laj yal ti akʼo ta anil noʼox xlik «sjokʼik» li bu ta xtakatik batele.

Ta slajeb xae, li buchʼutik nel yuʼunik li chanune laj yichʼ sdiplomaik xchiʼuk albatik bu chbatik ta abtel, laj une li ermano Morrise laj to yal jun-chibuk mantal. Laj yalanbe ti mu me xikta sbaik ta stsʼaklinel li Jesuse xchiʼuk ti akʼo skʼanbe yipalik li Jeovae. Kʼalal laj yoʼonton ta yalel li mantale, tsuts li tsobajele.

[Tsʼibetik ta yok vun]

[Lokʼol ta pajina 31]

[Lokʼol ta pajina 31]

LI KʼUSITIK SVENTA CHANUNE

[Lokʼol ta pajina 31]

Ta jayib lumetik likemik li jchanunetike: 10 • Ta jayib lumetik chbatik ta abtel: 24

Jayib jchanunetik: 56 • Spromedioal sjabilalik: 33.5 • Spromedioal jabiletik oyik ta mantal: 17.9

Spromedioal jabiletik ta tsʼakal ora chol mantal: 13.8

[Lokʼol ta pajina 31]

[Lokʼol ta pajina 32]

Chanob vun sventa Vivlia ta Galaad yuʼun Watchtower 123

[Lokʼol ta pajina 32]

Chlik ta chapel ta sba fila ta yeloval kʼalal ta slajeb fila ta patil, xchiʼuk li biiletike chlik ta tsʼet-kʼob kʼalal ta batsʼi-kʼob tstuts.

[Lokʼol ta pajina 32]

1) Esparza, E.; Papaya, S.; Bilal, A.; Suárez, M.; Evers, E.; Dimichino, K. 2) Rosa, M.; Fujii, R.; Ratey, O.; Leveton, J.; Van Leemputten, M. 3) Boscaino, A.; Beck, K.; Budanov, H.; Braz, C.; Peltz, K.; Siaw, A. 4) Leveton, S.; Santikko, H.; Conte, S.; Wilson, J.; Rylatt, J.; Pierce, S.; Fujii, K. 5) Rosa, D.; Boscaino, M.; Austin, V.; Rodiel, P.; Bilal, P.; Dimichino, P. 6) Ratey, B.; Czyzyk, D.; Clarke, C.; Riedel, A.; Esparza, F.; Siaw, P.; Van Leemputten, T. 7) Rodiel, J.; Evers, J.; Green, J.; Czyzyk, J.; Santikko, M.; Rylatt, M. 8) Peltz, L.; Austin, D.; Riedel, T.; Beck, M.; Pierce, W.; Conte, S.; Green, S. 9) Suárez, J.; Clarke, J.; Papaya, S.; Budanov, M.; Wilson, R.; Braz, R.