Li Jesuse «chchʼaybe smul scotol cristianoetic»

Li Juan J-akʼvanej ta voʼe laj yal ti «chchʼaybe smul scotol cristianoetic» li Jesuse (Juan 1:29). Taje chakʼ ta ilel ti toj tsots skʼoplal yabtel Jesús sventa tspoj li jchʼunej mantal krixchanoetike.

¿Kʼu yuʼun persa icham sventa tspoj jmulavil krixchanoetik li Jesuse?

¿Kʼusi kʼot ta pasel yuʼun ta skoj ti laj yakʼ xkuxlejale?

¿Buchʼutik tstabeik sbalil taje?

¿Kʼuxi xuʼ cha tabe sbalil?

Jujun jabil, li yajrextikotak Jeovae tstsob sbaik sventa tsvules ta sjolik li slajel Cristoe. Li jabil liʼe, chichʼ pasel ta domingo 17 yuʼun avril kʼalal chʼayem xaʼox batel li Kʼakʼale.

Li yajrextikotak Jeovae ta sjunul yoʼonton tstakoxuk ta ikʼel sventa chichʼ chanbel skʼoplal kʼusi smelolal li slajel Jesuse. Ta Vivlia chichʼ takʼel li kʼusitik laj yichʼ jakʼel ta akʼole.

Li tsobajel taje xuʼ van te ch-echʼ ta jun Salon sventa Tsobobbail ti te nopol xkom bu nakalote. Sventa xa naʼ bu jotukal xchiʼuk jayib ora chichʼ pasele, jakʼbo li yajrextikotak Jeova te ta alumale.