Oyot tajek ta yoʼonton li Diose

Jun chex tseb stseʼet noʼox xchiʼuk jun yoʼonton chanav ti bu oy epal krixchanoetike

Akʼo mi oy kʼusi chopol tspasbot li junantik krixchanoetike, oy buchʼu ti muʼyuk jech tspase. ¿Mi xanaʼ buchʼu?

Xi laj yal li ajvalil Davide: «Akʼo mi xiktaun komel li jtot jmeʼe, jaʼ onoʼox tsventainun li Jeovae» (Salmo 27:10).

Li Jeovae «jaʼ li Totil ti kʼuxutik tajek ta yoʼontone xchiʼuk jaʼ li Dios ti tspat koʼontontik ta skotole, ti tspat koʼontontik ta skotol prevaetik ta jnuptantike» (2 Korintios 1:3, 4).

«Akʼbeik me sbain skotol li kʼusi chavul-o avoʼontonike, yuʼun oyoxuk ta yoʼonton» (1 Pedro 5:7).

Te chatabe mas sprevailtak ti oyot tajek ta yoʼonton Dios li ta xchanobil 08 li ta livro Kʼupino akuxlejal ti pasbil yuʼun stestigotak Jeovae. Xuʼ xakʼel xtok ta Internet ta www.jw.org.

Mi chakʼanbe to mas yaʼyejal ta sventa ti kʼu yelan xuʼ xijnopaj ta stojolal li Diose, kʼelo ta kapitulo 12 yuʼun li livro ¿Kʼusi chchanubtasvan ta melel li Vivliae?, ti pasbil yuʼun stestigotak Jeovae. Xuʼ xayales ta www.jw.org/tzo.