Kʼuyelan chichʼ akʼel li revistaetike

Li Jkʼel osil ta toyole Enero-marso

«Bakʼintike ta jnuptantik vokoliletik ti mu xa jnaʼtik buchʼu ta jkʼanbetik koltael sventa xi sbeiltasutike. ¿Bu van chbat akʼan koltael voʼote? [Akʼo stakʼ.] Kʼelo avil kʼusi chal Vivlia ti xuʼ jpastike [kʼelo Santiago 1:5]. Jtos kʼuxi xuʼ jtabetik li spʼijil Diose jaʼ mi ta jchantik li Vivliae. Li mantal liʼe ta sloʼiltabe skʼoplal jun kerem ti muʼyuk xikta sba ta skoj ti patbat yoʼonton yuʼun Diose.» Akʼo ta ilel li mantal ta pajina 10.

¡Despertad! Enero

Kʼelo Hechos 17:31 ta sbavokʼal. Vaʼun albo: «Ep krixchanoetik chiʼik tajek kʼalal tsnopbeik skʼoplal li skʼakʼalil ti chchapanvan Diose. ¿Kʼusi cha nop voʼote? [Akʼo stakʼ.] Li Vivliae chal ti sKʼakʼalil Chapanele chakʼ talel epal bendisionetik liʼ ta Balumile. Li mantal liʼe chalbe skʼoplal taje». Akʼo ta ilel li mantal ta pajina 10.

Li Jkʼel osil ta toyole Enero-marso

«¿Mi avakʼoj venta ti ep krixchanoetik muʼyuk xa chchʼunbeik smantal li Diose? ¿Kʼusi skʼan xa naʼ sventa jkotoltikuk oyuk ta koʼontontik jpasbetik li kʼusi tskʼan yoʼontone? [Akʼo stakʼ.] Kʼelo avil kʼusi chal Vivlia ta 1 Juan 5:3 [kʼelo]. Ta melel, sventa oyuk ta koʼontontik jchʼunbetik smantal li Diose skʼan jkʼantik. Li revista liʼe chal kʼusitik sbalil xuʼ jtatik mi ta jchʼunbetik smantal li Diose.» Akʼo ta ilel li mantal ta pajina 12.

¡Despertad! Fevrero

«Li avie buchʼuuk xa noʼox chtuchʼ snupunelik ta registro civil. ¿Mi mu jechuk xa naʼ ti skʼan nopel lek baʼyel kʼusitik vokolil xuʼ chichʼ tal xtuchʼel li nupunele? [Akʼo stakʼ. Kʼelo Proverbios 14:15.] Li revista liʼe chalbe skʼoplal chantos kʼusitik skʼan stsakik ta venta li nupultsʼakaletik kʼalal skʼan toʼox snop chtuchʼ snupunelike.»