Li kʼusi ch-echʼ ta xemanail 28 yuʼun junio
XEMANAIL 28 YUʼUN JUNIO
❑ Xchanel Vivlia ta Tsobobbail
cf-S kap. 6 § 19-25, xchiʼuk rekuadro ta paj. 65
❑ Chanob vun sventa Kabteltik yuʼun Dios
Skʼelel li Vivliae: 1 Reyes 3-6
Svulesobil ta joltik li kʼusi jchanojtik ta Chanob vun sventa Kabteltik yuʼun Diose
❑ Tsobajel sventa Tunelal
5 min. Aʼyejetik.
15 min. Jchapan jbatik ta yakʼel li revistaetik ta julioe. Chichʼ chanel xchiʼuk li buchʼutik te ta tsobajele xchiʼuk xuʼ chal sloʼilik. Chʼako jun o chib minuto sventa xaval kʼusitik yichʼoj tal li revistaetike. Vaʼun tʼujo chib o oxibuk mantal, xchiʼuk alo akʼo yalik li buchʼutik te ta tsobajel kʼusi sjakʼobiltak xchiʼuk kʼusi tekstoetik xuʼ xichʼ tunesel li ta chol mantale. Akʼo jelavuk kʼuyelan ta akʼel jujulik li revistae. Sventa stsuts li aloʼile skʼan xjelav jun skʼelobil ti bu chakʼ ta ilel ti tslikes jun chanubtasel ta Vivlia kʼalal chchaʼvulaʼanvan li jun jcholmantale (kʼelo km 8/07 paj. 3).
15 min. Lek chanubtasbil ta sbikʼtal. Chichʼ chanel xchiʼuk li buchʼutik te ta tsobajele xchiʼuk xuʼ chal sloʼilik. Li Timoteoe laj yichʼ ojtikinel kʼuchaʼal jun krixchano ti yakʼoj ta yoʼonton li chol mantale xchiʼuk ti lek xtojobe (Fili. 2:20-22). Taje jaʼ ta skoj ti lek chanubtasat ta mantal yuʼun smeʼ xchiʼuk syaya kʼalal bikʼit toʼoxe (2 Tim. 1:5; 3:15). Li ta tojobtaseletik ta Vivlia chichʼ alel batel liʼe xuʼ xkoltaatik li totil-meʼiletik sventa skolta li yalab xnichʼnabik yoʼ spasik ta lekil jcholmantaletike. 1) Ta sbikʼtal noʼox xavikʼ batel ta chol mantal li avalab o anichʼnabe, koltao sventa xchol mantal, jaʼ noʼoxe tsako ta venta li sjabilale xchiʼuk ti bu kʼalal xuʼ yuʼunike (Pro. 22:6). 2) Akʼo iluk ta atalelal ti jaʼ mas tsots skʼoplal chavil li chol mantale (Fili. 1:9, 10). 3) Li ta Akʼobal sventa Yichʼel ta Mukʼ Jeova ta Kutsʼ Kalaltike o kʼalal yan-o kʼusi cha pasike tijbo yoʼonton sventa skʼanik xchiʼuk xkʼuxubinik li chol mantale (Deu. 6:6, 7). 4) Lek xa kʼopoj ta sventa li chol mantale (Fili. 3:8; 4:8; 1 Tim. 1:12). 5) Nopolik noʼox xa chol mantal xchiʼuk li avutsʼ avalale, xchiʼuk nopeso abaik spasel (Hech. 5:41, 42). 6) Chiʼinik li buchʼutik oy tajek ta yoʼontonik chol mantale (Pro. 13:20). Li buchʼutik te ta tsobajele alo akʼo yalik kʼuyelan koltaatik yuʼun stot smeʼik sventa skʼupinik li chol mantale xchiʼuk sventa ti lek xtojobike.