Li abtelal sventa Ajvalilal yuʼun Dios ta Centroamericae
1. ¿Kʼusi svinajeb li kareta ta vinajele, xchiʼuk kʼuxi tsbeiltas batel li Jeovae?
1 Li ta kapitulo 1 ta slivroal Ezequiele te chakʼ ta ilel jkot mukʼta kareta ta vinajel, li Jeovae te oy ta sba li kareta taje. Li labal sba kareta ti chanib syantaile ta yip stuk chanav, yuʼun jaʼ ch-akʼbat yip yuʼun li chʼul espiritue xchiʼuk toj labal sba li kʼuyelan xuʼ chjoypʼij ta anile. Li kareta taje jaʼ svinajeb li jvokʼ s-organisasion Jeova ta vinajel ti jaʼ tsbeiltas stuk ti buyuk jotukal chbat li karetae xchiʼuk jaʼ tstunes sventa chkʼot ta pasel li kʼusi tskʼan tspase (Eze. 1:4-28).
2, 3. 1)¿Kʼusitik kilojantik ti jelemik avie? 2) ¿Kʼusi senyail ti tsobol oyik li steklumal Jeovae?
2 Kʼusitik labal sba chkʼot ta pasel ta jkʼakʼaliltik. Li echʼ tal jabiletike oy kʼusitik yichʼojan pasel ti chakʼ ta ilel ti yakal chanav li skareta Jeova ta vinajele, jech kʼuchaʼal ti laj yichʼ jutukajesel li kʼusitik ch-echʼ ta tsobajeletike, ti laj yichʼ sabel yavil bu chichʼ pasel imprimir li vunetike xchiʼuk ti chichʼ tunesel mas Internet sventa mas anil xkʼot li aʼyejetike. ¡Toj yan to sba yutsil ti chkiltik jech chkʼot ta pasele!
3 Li j-alkʼop Amose laj yal ti chkʼot skʼakʼalil ti «mucʼtiquil lumetique» jaʼ xa chventainatik yuʼun li Jeovae (Amós 9:11, 12; Hech. 15:15-17, Ch). Ta skoj ti jaʼ xa chventainatik yuʼun li Jeovae, jmoj xa oyik. Li svinajeb taje jaʼ ti jun yoʼontonik akʼo mi jelel stsʼunobalik, skʼopik xchiʼuk slumalike.
4, 5. ¿Kʼusi achʼ to kʼot ta nopel yuʼun li Jtsop Jbeiltasvaneje, xchiʼuk kʼu yuʼun?
4 Li Jtsop Jbeiltasvaneje yakalik xa onoʼox skʼelel talel kʼusitik chichʼ pasel ta junantik Beteletik ta sjunul Balumil sventa kʼun xa ta pasel li abtelaletike. Li abtelal sventa Ajvalilal yuʼun Dios ta Centroamericae, jaʼ xkaltik ta Costa Rica, El Salvador, Guatemala, Honduras, Nicaragua xchiʼuk Panamá, la snopik ti jaʼ chkom ta sba tskʼel li Mexicoe, jech kʼuchaʼal chichʼ xa onoʼox pasel talel ta sventa li Belicee. Jaʼ yuʼun laj makuk li Beteletik li ta vakib mukʼtik lumetik taje. Taje jaʼ sventa jun xa noʼox yavil bu chichʼ kʼelel li kʼusitik sventa chol mantale.
5 Li kʼusi chichʼ kʼanel ta skoj ti laj yichʼ pasel taje jaʼ ti mas xa kʼun ta chapanel li kʼusitik chichʼ pasel sventa li chol mantal ta jteklumetik taje. «Li buchʼutik ikʼbilik tal yuʼun Jeovae xchiʼuk ti chchʼamik li takel ta ikʼel sventa jmoj chichʼik ta mukʼ Dios xchiʼuk li steklumale» tstaik li koltael ta mantal ti chtun yuʼunike (Organizados, pajina 4; Sal. 145:21; Apo. 22:17). Kʼalal kʼun xa ta pasel li abtelaletike jaʼ chkoltavan sventa xichʼ ilel li kʼusitik chtun sventa spasbel yabtel Dios ta skoj ti ep tajek buchʼutik chnopaj talel ta slumale. Jech taje xuʼ jmoj tsobolutik xkichʼtik ta mukʼ li Jeovae.
6. ¿Kʼusitik kʼot ta pasel ta Centroamérica li echʼ tal uetike?
6 Jaʼ yuʼun li ta julio kʼalal ta oktuvre ta 2010, li Beteletik ta Centroamericae ta jujuntal paj batel li yabtelike. Jech noxtok, jlom ermanoetik ti chtunik toʼox li ta Beteletik taje talik liʼ ta Betel ta Mexicoe, li junantike takatik batel ta chol mantal.
7. ¿Kʼusi baʼyel tspas li Jtsop Jbeiltasvanej kʼalal oy kʼusi tsnop tspase?
7 Kakʼ jbatik ta beiltasel yuʼun li Jeovae. Li kʼusitik laj yichʼ nopel taje baʼyel lek laj yichʼ kʼelel xchiʼuk ep laj yichʼ pasel orasion. Jun velta li Milton G. Henschel —ti ep jabil itun li ta Jtsop Jbeiltasvaneje—, xi laj sjakʼe: «¿Mi oy van yan organisasion liʼ ta Balumil ti baʼyel tskʼel ta sKʼop Dios, ta Chʼul Vivlia, li kʼusi chale o li kʼusi tsnop tspas li buchʼutik tsbeiltasvanike?». Ta melel muʼyuk (kʼelo li livro «Testimonio cabal», pajina 111-113, parafo 10). Jpatoj koʼontontik ti yichʼoj chʼunel skotol ora li beiltaseletik chakʼ li xchʼul espiritu Jeovae.
8. ¿Kʼuxi chakʼ ta ilel jujun yajtunel Jeova ti tstsʼakli echʼel bu chbat li kareta ta vinajele?
8 Li Komite sventa Betel ta jujun mukʼta jteklumetik ta Centroamericae muʼyuk bu sjalanoj sbaik ta xchʼunel li kʼusi kʼotem ta nopel yuʼun li Jtsop Jbeiltasvaneje. Spatoj yoʼontonik ti jech tspasik ek li misioneroetike, li jkʼelvanejetik ta sirkuito xchiʼuk distritoe, li prekursoretike, li moletik ta tsobobbaile, li yajkoltaobbatak moletike xchiʼuk skotol li jcholmantaletike. Ta melel, ta skoj ti oy ta yoʼontonik tstsʼakliik echʼel bu chbat li kareta ta vinajele, jaʼ xkaltik, ti chchʼunik li kʼusi chal li buchʼutik chventainvanike, li Jeovae ta xakʼbe sbendision (Heb. 13:17).
9. ¿Kʼusi tskoltautik sventa xkojtikintik mas li ermanoetik ta mukʼtik lumetik ta Centroamericae?
9 Li mapa ta pajina 8 kʼalal ta 10 te chakʼ ta ilel kʼuyelan yakal chkoltavanik ta chol mantal li jujun mukʼtik lumetike. ¿Mi la avakʼ xa venta bu oyot? Yikʼaluk van cha kʼan cha sabe to mas smelol ta Anuario de los testigos de Jehová kʼuyelan li jujun mukʼtik lumetik taje, li krixchanoetike xchiʼuk ti kʼuyelan ilik xchiʼuk chʼi talel li spasbel yabtel Diose. Taje xuʼ van jaʼo xa pasik li ta Akʼobal sventa Yichʼel ta Mukʼ Jeova ta Kutsʼ Kalaltike. Kʼalal ta jnaʼtik mas ta sventa li kermanotaktik li ta mukʼtik lumetik taje mas me tsobol chkaʼi jbatik ta stojolalik xchiʼuk tsobol chkichʼtik ta mukʼ li Diose (Efe. 6:21; Fili. 1:12).
10. ¿Kʼusitik lek kʼotem xa ta pasel, xchiʼuk kʼusitik to lek xuʼ xkʼot ta pasel?
10 Ta skoj li beiltasel ta mantal laj yakʼ li Jtsop Jbeiltasvanej ta baʼyel sigloe jaʼ me la staik-o epal bendisionetik li slumal Jeovae (Hechos 16:4, 5). Lek xvinaj ti jech chkʼot ta pasel li avi eke. Jech kʼuchaʼal liʼe, jun jkʼelvanej ta sirkuito ta Costa Ricae xi jaʼtik to laj yale: «Kolaval cha kalbeik ti lek avabtel cha pasik ta skoj li xchʼul espiritu Jeovae. Li avie mas xa anil xchiʼuk kʼun ti kʼuyelan xuʼ jtakkutik batel li informee, mas xa kʼun ta jtakutik ta kʼelel li kʼusi chal Betele xchiʼuk mas xa anil chkʼot aʼyejetik li ta tsobobbaile. Yakalutik stunesel o sveʼel li “lequil veʼliletic yuʼunic li yantic banamile”. Lek chabibil chkaʼi jba yuʼun li s-organisasion Jeovae, jaʼ yuʼun xi muyubaj tajek. Ta melel, jaʼ chbeiltasvan stuk li Jeovae» (Isa. 60:16). Xi laj yal yan ermano xtoke: «Xi muyubaj ti chkil li kʼusitik chkʼot ta pasele. Ichʼo spatobil avoʼontonik ta skoj li kʼuyelan cha tunesik li kʼusitik ta Internete. Xkoʼolaj ti nopol oyoxuk ta jtojolalkutike. Mas to nopol chkaʼi jbakutik li ta organisasion ti jaʼ tsbeiltas li mukʼul Dios Jeovae. Jech, mu nomuk chkaʼi jbakutik».
11. ¿Kʼuxi xuʼ tsoboluk-o xkichʼtik ta mukʼ li Jeovae?
11 Oyuk sbalil xkiltik ti jmoj tsobolutike. Kʼalal ta sjunul koʼontontik ta jchʼuntik li beiltasel chakʼ Jesucristoe —ti «jaʼ Jolil cʼotem yuʼun scotol li steclumale»— jmoj li kʼusitik ta jpastike xchiʼuk koʼol li kʼusitik ta jnoptike, mu ventauk bu jotukal balumil xkom li Beteletike (Efe. 5:23; 1 Cor. 1:10). Jnaʼojtik lek, ta skoj ti chanav li kareta ta vinajele oy to kʼusitik labal sba chkiltik chjel batel xchiʼuk ti ch-epaj to batel li abtelal sventa Ajvalilal yuʼun Diose. Jaʼ yuʼun, jtsatsubtastik batel li xchʼunel koʼontontike xchiʼuk ti tsoboluk-o xkichʼtik ta mukʼ li jun noʼox melel Diose, li Jeovae. Xchiʼuk jpat-o koʼontontik li ta beiltasel chakʼ li «jʼabtel ti jun [«tukʼ», NM] yoʼnton [...], ti lec bije» (Mat. 24:45-47).
[Lokʼol ta pajina 8]
MÉXICO
GUATEMALA
Jteklum Guatemala
BELICE
Belmopán
HONDURAS
Tegucigalpa
EL SALVADOR
San Salvador
Managua
NICARAGUA
COSTA RICA
San José
PANAMÁ
Jteklum Panamá
COLOMBIA
Li kʼusitik chichʼ alel liʼe jaʼ jech toʼox oy ta 31 yuʼun agosto ta 2010
Jteklum México
GUATEMALA
Jnaklejetik: 14,361,666
Sirkuitoetik: 25
Tsobobbailetik: 401
Jcholmantaletik: 30,015
Prekursor regularetik: 3,179
Prekursor espesialetik: 207
Misioneroetik: 30
EL SALVADOR
Jnaklejetik: 5,835,231
Sirkuitoetik: 36
Tsobobbailetik: 665
Jcholmantaletik: 37,337
Prekursor regularetik: 2,617
Prekursor espesialetik: 280
Misioneroetik: 11
COSTA RICA
Jnaklejetik: 4,509,392
Sirkuitoetik: 21
Tsobobbailetik: 394
Jcholmantaletik: 26,043
Prekursor regularetik: 2,051
Prekursor espesialetik: 92
Misioneroetik: 29
BELICE
Jnaklejetik: 303,283
Sirkuitoetik: 2
Tsobobbailetik: 49
Jcholmantaletik: 2,183
Prekursor regularetik: 308
Prekursor espesialetik: 37
Misioneroetik: 9
HONDURAS
Jnaklejetik: 8,175,763
Sirkuitoetik: 18
Tsobobbailetik: 302
Jcholmantaletik: 19,009
Prekursor regularetik: 2,739
Prekursor espesialetik: 194
Misioneroetik: 92
NICARAGUA
Jnaklejetik: 5,727,000
Sirkuitoetik: 19
Tsobobbailetik: 341
Jcholmantaletik: 22,848
Prekursor regularetik: 2,471
Prekursor espesialetik: 215
Misioneroetik: 68
PANAMÁ
Jnaklejetik: 3,504,483
Sirkuitoetik: 18
Tsobobbailetik: 279
Jcholmantaletik: 13,225
Prekursor regularetik: 1,484
Prekursor espesialetik: 171
Misioneroetik: 38
MÉXICO
Jnaklejetik: 108,782,804
Sirkuitoetik: 557
Tsobobbailetik: 12,339
Jcholmantaletik: 710,454
Prekursor regularetik: 92,049
Prekursor espesialetik: 1,284
Misioneroetik: 5