Aʼyejetik

◼ Vunetik ta xichʼ akʼel ta avril xchiʼuk mayo: ¡Despertad! xchiʼuk Li Jkʼel osil ta toyole. Mi ikʼot ta yoʼonton mantal li krixchanoe akʼbo li tratado Li kʼusi melele xchiʼuk akʼbo yipal slikesel jun chanubtasel ta Vivlia. Kʼalal chbat avulaʼan li buchʼutik oy ta yoʼontonik mantale, jech kʼuchaʼal li buchʼutik chkʼotilan ta sNaʼobil slajel Cristo o ta yan tsobajeletik ti tsotsik skʼoplale, pe ti maʼukik to yajrextiko Jeovae, akʼbo li livro Chchanubtasvane xchiʼuk akʼbo yipal slikesel junuk chanubtasel ta Vivlia. Junio: livro Chchanubtasvan. Akʼo persa slikesel chanubtaseletik ta Vivlia. Mi oy xa slivro li krixchanoe, pe mu skʼan xchʼam junuk chanubtasele, akʼbo jlikuk revista ti mas pokoʼik jutuke o junuk foyeto ti chkʼot ta yoʼontone. Julio: Voʼote xuʼ cha vamikoin ti Diose xchiʼuk ¡Kʼupino sbatel osil li kuxlejal ta Balumile!

◼ Li moletik ta tsobobbaile xuʼ sjelik li kʼusitik ch-echʼ ta Tsobajel sventa Tunelal kʼalal jun xaʼox xemana skʼan li mukʼta ta tsobajel ta oxib kʼakʼale, xuʼ jaʼ xachanik li tojobtaseletik sventa li mukʼta tsobajel ti chtun yuʼun li tsobobbaile. Mi jelav xaʼox jun o chib u li mukʼta tsobajele xuʼ xachanik ta tsobobbail li kʼusitik jtunel laj yilik li jcholmantaletik ta chol mantale, xuʼ jaʼ xatunesbeik yorail li parte kʼusitik chtun ta tsobobbail, xie.

◼ Li ta mayoe, skotol li tsobobbailetike jaʼo chlik saʼik buchʼutik tskʼan chchanik Vivlia li ta baʼyel sabado ta jujun ue. Li revista Li Jkʼel osil ta toyole sventa avril–junio chlik lokʼuk jvokʼ mantal ti jaʼ sbi: «Chanubtaseletik ta sKʼop Dios», yichʼoj pasel sventa tskoltautik ta slikesel chanubtasel ta Vivlia. Li ta slajeb pajina ta jujun Kabteltik sventa Dios[e] chichʼ talel slikeb jloʼiltik sventa chkakʼtik Li Jkʼel osil ta toyole xchiʼuk yan slikeb jloʼiltik sventa li u chtale. Li bu chal kʼuyelan xuʼ jlikestik chanubtasel ta Vivliae, jaʼ chalbe skʼoplal li jvokʼ mantal «Chanubtaseletik ta sKʼop Dios», xie. Taje jaʼ chichʼ tunesel li ta baʼyel sabado ta yoxibal u ti smakoj jujun revistae.